ខេត្តសៀមរាប ៖ ប្រជាពលរដ្ឋម្នាក់ត្រូវបានពស់ចឹក បណ្ដាលឱ្យស្លា.ប់ ខណៈលូកដៃចូលរន្ធចាប់ពស់ ដែលហេតុការណ៍បានកើតឡើងនៅម៉ោង១២និង៣០នាទី ថ្ងៃទី១៤ ខែឧសភា ឆ្នាំ២០២៤ រស់នៅភូមិគោកចាន់…
ខេត្តសៀមរាប ៖ ប្រជាពលរដ្ឋម្នាក់ត្រូវបានពស់ចឹក បណ្ដាលឱ្យស្លា.ប់ ខណៈលូកដៃចូលរន្ធចាប់ពស់ ដែលហេតុការណ៍បានកើតឡើងនៅម៉ោង១២និង៣០នាទី ថ្ងៃទី១៤ ខែឧសភា ឆ្នាំ២០២៤ រស់នៅភូមិគោកចាន់ ឃុំល្វាក្រាំង ស្រុកវ៉ារិន មានចម្ងាយពីផ្ទះប្រមាណ៤០០ម៉ែត្រ ។
សមត្ថកិច្ចបានប្រាប់នៅថ្ងៃពុធ ទី១៥ ខែឧសភា ឆ្នាំ២០២៤នេះថា ជនរងគ្រោះមាន ឈ្មោះ សឿ សឿន អាយុ៤៤ឆ្នាំ រស់នៅភូមិគោកចាន់ ឃុំល្វាក្រាំង ស្រុកវ៉ារិន ខេត្តសៀមរាប ។
សមត្ថកិច្ចបានបន្តថា នៅក្នុងហេតុការណ៍នេះ គឺមកពីមូលហេតុជនរងគ្រោះឈ្មោះ សឿ សឿន បានឃើញពស់ វាលូនចូលរន្ធក៏បបួលប្អូន បង្កើតនឹងក្មួយប្រុសទៅចាប់ដែលមានចម្ងាយពីផ្ទះប្រមាណ៤០០ ម៉ែត្រ ពេលទៅដល់ឈ្មោះ សឿ សឿន បានលូកដៃចូលរន្ធ ដើម្បីចាប់ពស់ ដោយស្មានថា ពស់ថ្លាន់ ហើយពស់ចឹកដៃឆ្វេងចំម្រាមកណ្ដាល ក្រោយយកពស់ចេញពីរន្ធទើបដឹងថាជាពស់ក្រឡាចាស់ ។
សមត្ថកិច្ចបានបន្តទៀតថា បន្ទាប់ពីមានពស់ចឹកបែបនេះ មកបងប្អូននិងក្មួយបានយកឈ្មោះ សឿ សឿន មកផ្ទះ និងបានដឹកបន្តទៅមណ្ឌលសុខភាពល្វាក្រាំង តែបានស្លា.ប់តាមផ្លូវតែម្ដង ។ បច្ចុប្បន្នស.ពត្រូវសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ