រាជធានីភ្នំពេញ ៖ មរតកគុនខ្មែរកាន់តែរីកចម្រើនសាយភាយទាំងក្នុងស្រុក និងអន្តរជាតិ។ តួយ៉ាងដូចជា ព្រឹត្តិការណ៍ វើក សេនាគុនខ្មែរយ័ន្ត ៨ទិស រដូវកាលទី…
រាជធានីភ្នំពេញ ៖ មរតកគុនខ្មែរកាន់តែរីកចម្រើនសាយភាយទាំងក្នុងស្រុក និងអន្តរជាតិ។ តួយ៉ាងដូចជា ព្រឹត្តិការណ៍ វើក សេនាគុនខ្មែរយ័ន្ត ៨ទិស រដូវកាលទី ៤ ដែលបានឈានមកដល់វគ្គផ្តាច់ព្រ័ត្រដណ្តើមខ្សែក្រវាត់ IPCC គុនខ្មែរនាចុងសប្តាហ៍នេះ ក្រោមការឧបត្ថម្ភគាំទ្រទាំងស្រុងពីភេសជ្ជៈប៉ូវកម្លាំង វើក របស់ក្រុមហ៊ុន ខ្មែរ ប៊ែវើរីជីស ។
លោកអគ្គនាយកបន្តវេន អ៊ឹង វីរៈ នៃក្រុមហ៊ុនខ្មែរ ប៊ែវើរីជីស បានប្រកាសពីការឧបត្ថម្ភដល់ទៅ ១០៨លានរៀល សម្រាប់ម្ចាស់ខ្សែក្រវាត់វគ្គផ្តាច់ព្រ័ត្រ ក្នុងសន្និសីទសារព័ត៌មានស្តីពីការចែកពូលប្រកួតដណ្តើមខ្សែក្រវាត់ IPCC «វើក សេនាគុនខ្មែរយ័ន្ត ៨ ទិស»។
ក្រោមការឧបត្ថម្ភរបស់ភេសជ្ជៈប៉ូវកម្លាំង វើក ខ្សែក្រវាត់ IPCC គុនខ្មែរលើកនេះ អមមកជាមួយប្រាក់រង្វាន់សរុប១០៨លានរៀលរួមមាន៖ លេខ១ ទទួលបានប្រាក់រង្វាន់ចំនួន៤៨លានរៀល, លេខ២ ទទួលបាន២៤លានរៀល, លេខ៣ ទទួលបាន១២លានរៀល, និងលេខ៤ទទួលបាន៨ លានរៀល ។ សម្រាប់កីឡាករមិនទទួលបានជ័យលាភី៤រូបទៀត នឹងទទួលបានម្នាក់៤លាន
រៀល។
ការឧបត្ថម្ភជាហូហែរបស់ភេសជ្ជៈប៉ូវកម្លាំង វើក បង្ហាញពីការប្តេជ្ញាចិត្តជំរុញវិស័យគុនខ្មែរឱ្យកាន់តែលេចធ្លោពីមួយកម្រិតទៅមួយកម្រិតទៀត ជាពិសេស គឺផ្តល់កម្លាំងចិត្តដល់កីឡាករ ឱ្យបន្តខិតខំហ្វឹកហាត់លើសមត្ថភាពខ្លួន។ ជាក់ស្តែង បេក្ខភាពទាំង៨រូប ក្នុងវគ្គប្រកួតដណ្តើមខ្សែក្រវាត់នេះ សុទ្ធតែជាជើងខ្លាំងដែលឆ្លងកាត់វគ្គជម្រុះវិលជុំ ទម្រាំអាចឈានមកដល់វគ្គនេះបាន។
ព្រឹត្តិការណ៍ប្រកួតនេះ នឹងធ្វើឡើងនៅថ្ងៃទី ១៤ ខែមីនា ឆ្នាំ ២០២៦ ចាប់ពីម៉ោង៧យប់តទៅ នៅលើទឹកដីខេត្តស្ទឹងត្រែង ហើយក៏មានការផ្សាយផ្ទាល់តាមរយៈផេកផ្លូវការរបស់ វើក និងផេកផ្លូវការរបស់ Town Full HDTV ។
វើក ជួយគុនខ្មែរច្រើនជាងគេ និងដំបូងគេបង្អស់! ។ អត្ថបទ៖ សហការ
ចែករំលែកព័តមាននេះ