រាជធានីភ្នំពេញ ៖ រថយន្តម៉ាក KIA ១គ្រឿង ខណៈដឹកក្ដារបន្ទះកុងផ្លាកេ ជាច្រើនបន្ទះ បានចូលទៅចាក់ប្រេងនៅស្ថានីយ៍ប្រេងឥន្ធនៈមួយកន្លែង ហើយដោយសារតែទីតាំងស្ថានីយ៍ប្រេងឥន្ធនៈនោះខ្ពស់ជាងផ្លូវ បានធ្វើឲ្យរថយន្តផ្អៀងកង់មួយចំហៀង…
រាជធានីភ្នំពេញ ៖ រថយន្តម៉ាក KIA ១គ្រឿង ខណៈដឹកក្ដារបន្ទះកុងផ្លាកេ ជាច្រើនបន្ទះ បានចូលទៅចាក់ប្រេងនៅស្ថានីយ៍ប្រេងឥន្ធនៈមួយកន្លែង ហើយដោយសារតែទីតាំងស្ថានីយ៍ប្រេងឥន្ធនៈនោះខ្ពស់ជាងផ្លូវ បានធ្វើឲ្យរថយន្តផ្អៀងកង់មួយចំហៀង រួចក៏ក្រឡាប់ដេកផ្អៀង បណ្ដាលឲ្យព្រូរថយន្តម្នាក់រងរបួសជើងយ៉ាងដំណំ ។
ហេតុការណ៍នេះបានកើតឡើងកាលពីវេលាម៉ោង១០ព្រឹកថ្ងៃទី១៤ ខែមីនា ឆ្នាំ២០២៦ នៅចំណុចស្ថានីយ៍ប្រេងមួយកន្លែង ស្ថិតនៅខាងក្រោយផ្សារបុរីសន្តិភាព២ ក្នុងភូមិត្រាំដោក សង្កាត់ពងទឹក ខណ្ឌដង្កោ រាជធានីភ្នំពេញ ។
ប្រជាពលរដ្ឋបានប្រាប់ថា នៅមុនពេលកើតហេតុពួកគាត់បានឃើញរថយន្ត ១គ្រឿង ម៉ាក KIA ពណ៌ស ពាក់ស្លាកលេខ ក្រចេះ2A-0674 ដឹក្ដារបន្ទះកុងផ្លាកេ បើកបរធ្វើដំណើរតាមផ្លូវបេតុង ក្នុងទិសដៅពីលិចទៅកើត។ លុះពេលទៅដល់ត្រង់ចំណុចកែងផ្លូវ៥០ម៉ែត្រ បានចូលទៅចាក់ប្រេងនៅក្នុងស្ថានីយ៍ប្រេងឥន្ធនៈខាងលើ ហើយដោយសារតែបរិវេណស្ថានីយ៍ប្រេងឥន្ធនៈនោះខ្ពស់ជាងផ្លូវ ទើបធ្វើឲ្យរថយន្តផ្អៀងកង់មួយចំហៀង រួចក្រឡាប់តែម្ដង ។
ប្រជាពលរដ្ឋបាននិយាយបន្តទៀតថា ខណៈនោះ បានបណ្ដាលឲ្យព្រូរថយន្តម្នាក់រងរបួសជើងយ៉ាងដំណំ ហើយត្រូវបានបញ្ជូនទៅសង្គ្រោះភ្លាមៗ ចំណែកឯរថយន្ត ក៏បានរងការខូចខាតផងដែរ។ ក្រោយពេលកើតហេតុម្ចាស់រថយន្តបានយករថយន្ត ១គ្រឿងទៀតទៅដឹកយកក្ដារបន្ទះកុងផ្លាកេ នោះចេញ ព្រមទាំងនាំយករថយន្តខាងលើទៅធ្វើការជួសជុលឡើងវិញដោយខ្លួនឯង ៕
ចែករំលែកព័តមាននេះ