ខេត្តព្រះសីហនុ ៖ នារសៀលថ្ងៃទី១៤ ខែមីនា ឆ្នាំ២០២៦ នៅស្នាក់ការត្រៀមបណ្តេញចេញខេត្តព្រះសីហនុ ដោយទទួលបានការណែនាំពីឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍…
ខេត្តព្រះសីហនុ ៖ នារសៀលថ្ងៃទី១៤ ខែមីនា ឆ្នាំ២០២៦ នៅស្នាក់ការត្រៀមបណ្តេញចេញខេត្តព្រះសីហនុ ដោយទទួលបានការណែនាំពីឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ លោកឧត្តមសេនីយ៍ឯក យូ សារុំ ប្រធាននាយកដ្ឋានស៊ើបអង្កេត និងអនុវត្តនីតិវិធី បានជួបពិភាក្សាការងារជាមួយលោកអគ្គទីប្រឹក្សា អមស្ថានទូតសាធារណរដ្ឋប្រជាមានិតចិន ប្រចាំនៅកម្ពុជា និងក្រុមការងារពាក់ព័ន្ធ នឹងការរៀបចំផែនការក្នុងការបណ្តេញជនជាតិចិន ចំនួន ១៦៤នាក់ នៅថ្ងៃស្អែកនេះ ទី១៥ ខែមីនា ឆ្នាំ២០២៦ តាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិកងកេង ខេត្តព្រះសីហនុ ។
បន្ទាប់ពីបញ្ចប់កិច្ចពិភាក្សា លោកឧត្តមសេនីយ៍ឯក យូសារុំ ក៏បានសួរសុខទុក្ខកម្លាំងប្រចាំការនៅស្នាក់ការត្រៀមបណ្តេញចេញខេត្តព្រះសីហនុ និងប្រជុំណែនាំអំពីការងារជំនាញ និងបទពិសោធន៍មួយចំនួន សម្រាប់អនុវត្តការងារប្រចាំថ្ងៃ ជាពិសេសការងារគ្រប់គ្រងទៅលើជនបរទេស ដែលបានបង្ក្រាបពាក់ព័ន្ធករណីឆបោកតាមប្រព័ន្ធបច្ចេកវិទ្យា (Scam Online) និងបានចុះត្រួតពិនិត្យការរៀបចំសុវត្ថិភាព តាមបន្ទប់ នៃអគារស្នាក់នៅរបស់ជនបរទេសផងដែរ ៕
ចែករំលែកព័តមាននេះ