ខេត្តបន្ទាយមានជ័យ ៖ រដ្ឋមន្ត្រីក្រសួងមហាផ្ទៃថា ដំណោះស្រាយលើការយឺតយ៉ាវកកស្ទះនៅច្រកទ្វារអន្តរជាតិប៉ោយប៉ែត គឺមាន២ចំណុច ទី១-រៀបចំគោលនយោបាយគ្រប់គ្រងការចេញ-ចូល ២-ត្រូវត្រួតពិនិត្យប្រព័ន្ធស្កែនQR Code ត្រូវពន្លឿនការចេញ-ចូល ។…
ខេត្តបន្ទាយមានជ័យ ៖ រដ្ឋមន្ត្រីក្រសួងមហាផ្ទៃថា ដំណោះស្រាយលើការយឺតយ៉ាវកកស្ទះនៅច្រកទ្វារអន្តរជាតិប៉ោយប៉ែត គឺមាន២ចំណុច ទី១-រៀបចំគោលនយោបាយគ្រប់គ្រងការចេញ-ចូល ២-ត្រូវត្រួតពិនិត្យប្រព័ន្ធស្កែនQR Code ត្រូវពន្លឿនការចេញ-ចូល ។ ដែលលើកឡើងនេះ ស្ថិតក្នុងពិធីសម្ពោធមជ្ឈមណ្ឌលសំចត កាលពីថ្ងៃទី១៨ ខែធ្នូ ឆ្នាំ២០២៣ នៅក្រុងប៉ោយប៉ែត ។ សូមរំលឹកថា៖ នគរបាលអន្តោប្រវេសន៍ថា៖ មូលហេតុពលរដ្ឋកកស្ទះ ព្រោះការកើនឡើងប័ណ្ណព្រំដែន
ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានលើកឡើងថា មានការលើកឡើងច្រើននៅតាមបណ្តាញសង្គមនូវរឿងវ៉ាវយឺតយ៉ាវ និងកកស្ទះប្រជាពលរដ្ឋចេញនិងចូលតាមច្រកទ្វារអន្តរជាតិប៉ោយប៉ែត គឺមានដំណោះស្រាយពីរ គឺ១-ត្រូវរៀបចំគោលនយោបាយក្នុងការគ្រប់គ្រងមនុស្សដែលត្រូវចេញនិងចូល បើសិនជាបោះត្រាលើប័ណ្ណព្រំដែនកម្ពុជា-ថៃ គឺការគ្រប់គ្រងអន្តោប្រវេសន៍ឱ្យបានច្បាស់លាស់ និងទី២-មន្ត្រីជំនាញច្រកទ្វារអន្តរជាតិប៉ោយប៉ែត ត្រូវពិនិត្យប្រព័ន្ធស្កែនQR Codeឡើងវិញ ដើម្បីពន្លឿនការចេញ-ចូលរបស់ប្រជាពលរដ្ឋកុំឱ្យកកស្ទះ ។
ឯកឧត្តមអភិសន្តិបណ្ឌិតបានបញ្ជាក់ថា ប័ណ្ណព្រំដែនកម្ពុជា-ថៃដែលប្រជាពលរដ្ឋខេត្តជាប់ជាយដែនបានប្រើប្រាស់ត្រូវបានស្កែន QR Code មានប័ណ្ណព្រំដែន ខ្លះស្កែនបានស្គាល់លឿន តែមានប័ណ្ណព្រំដែនខ្លះទៀតស្កែនស្គាល់យឺត ទើបមានការយឺតយ៉ាវ និងកកស្ទះប្រជាពលរដ្ឋបែបនេះ ។
ឯកឧត្តមអភិសន្តិបណ្ឌិត ស សុខា បានបញ្ជាក់ថា ប្រព័ន្ធស្កែន QR Code លើប័ណ្ណព្រំដែនកម្ពុជា-ថៃនេះ ពិតជាមានសារសំខាន់ និងការគ្រប់គ្រងអន្តោប្រវេសន៍ក្នុងការចេញនិងចូលតាមច្រកទ្វារអន្តរជាតិប៉ោយប៉ែតដែលជាតួនាទីភារកិច្ចរបស់កម្លាំងនគរបាលអន្តោប្រវេសន៍ច្រកទ្វារត្រូវគ្រប់គ្រងទិន្ន័យអោយបានជនអន្តោប្រវេសន៍នៅពេលដែលប្រទេសកម្ពុជាកំពុងទទួលបានសុខសន្តិភាព ។ សូមរំលឹកថា៖ ការចេញ-ចូលតាមច្រកទ្វារប៉ោយប៉ែតតម្រូវឱ្យស្កេនQR CODEធ្វើឱ្យកកស្ទះទៅវិញ
ចែករំលែកព័តមាននេះ