ខេត្តបន្ទាយមានជ័យ ៖ ប្រជាពលរដ្ឋខ្មែរ១ថ្ងៃជាង២ម៉ឺននាក់ ដែលចេញ-ចូលតាមច្រកទ្វារអន្តរជាតិប៉ោយប៉ែតនៅពេលផ្សាររ៉ូងក្លឿចាស់មិនអោយអាជីវករស្នាក់នៅចេញ-ចូលច្រើន ហើយតម្រូវស្កេន QR CODE លើប័ណ្ណព្រំដែនបណ្តាលកកស្ទះ ដែលនៅថ្ងៃទី១៣-១៤ ខែធ្នូ…
ខេត្តបន្ទាយមានជ័យ ៖ ប្រជាពលរដ្ឋខ្មែរ១ថ្ងៃជាង២ម៉ឺននាក់ ដែលចេញ-ចូលតាមច្រកទ្វារអន្តរជាតិប៉ោយប៉ែតនៅពេលផ្សាររ៉ូងក្លឿចាស់មិនអោយអាជីវករស្នាក់នៅចេញ-ចូលច្រើន ហើយតម្រូវស្កេន QR CODE លើប័ណ្ណព្រំដែនបណ្តាលកកស្ទះ ដែលនៅថ្ងៃទី១៣-១៤ ខែធ្នូ ឆ្នាំ២០២៣ នៅក្រុងប៉ោយប៉ែត។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា នៅច្រកទ្វារអន្តរជាតិប៉ោយប៉ែតកម្ពុជា ដែលឈមច្រកខ្លងឡឹកប្រទេសថៃ មានប្រជាពលរដ្ឋកម្ពុជាដែលចេញហើយនិងចូលក្នុង១ថ្ងៃមិនតិចជាង២ម៉ឺននាក់ ដែលចេញទៅប្រទេសថៃជាង១ម៉ឺននាក់ និងត្រឡប់ពីប្រទេសថៃចូលមកកម្ពុជាវិញជាង១ម៉ឺននាក់រាល់ថ្ងៃ តែរយៈពេល២ថ្ងៃនេះដោយមានការកកស្ទះប្រជាពលរដ្ឋកម្ពុជាដែលចេញ-ចូលគឺបណ្តាលមកពីប្រពន្ធអ៊ីនធើរណែតមានការរអាក់រអួលនៅពេលមន្ត្រីជំនាញតម្រូវស្កេនQR CODEលើប័ណ្ណព្រំដែនកម្ពុជា.ថៃទើបបោះត្រាចេញនិងចូល។
លោក ជួន សារី មន្ត្រីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតបានបញ្ជាក់ថា ក្រោយមានការកកស្ទះប្រជាពលរដ្ឋកម្ពុជាចេញនិងចូលតាមច្រកទ្វារអន្តរជាតិប៉ោយប៉ែតគឺមន្ត្រីនគរបាលជំនាញបានខិតខំប្រឹងប្រែងសម្របសម្រួល និងដោះស្រាយជូនតែការកកស្ទះនេះ មិនកើតឡើងរាល់ថ្ងៃនេះទេតែមូលហេតុកកស្ទៈនៅពេលព្រឹកគឺប្រជាពលរដ្ឋសម្រុកចេញនិងពេលល្ងាចសម្រុកចូលហើយរយៈពេលប៉ុន្មានថ្ងៃនេះដោយប្រព័ន្ធអ៊ីនធឺណែតរអាក់រអួលផងស្កេនQR CODEលើប័ណ្ណព្រំដែនកម្ពុជាថៃហើយបោះត្រាមានការយឺតយ៉ាវព្រោះមានប័ណ្ណព្រំដែនខ្លៈការប្រើប្រាស់មិនបានថែរក្សានិងប៉ៈពាល់QR CODEដាច់រលាត់ទើបស្កេនមិនចង់ចេញត្រូវថែរក្សាអោយបាន
ល្អ ។
លោកបានបញ្ជាក់ថា៖មូលហេតុដែលមានការកកស្ទៈដល់ប្រជាពលរដ្ឋនិងអាជីវករខ្មែរលក់ដូរនៅផ្សាររ៉ូក្លឿប្រទេសថៃ និងកម្មករ សិស្សានុសិស្សដែលភាគច្រើនកូនខ្មែរស្នាក់នៅទឹកដីថៃដែលចេញមករៀននៅកម្ពុជា និងភាគតិចអ្នកមានសមត្ថភាពអោយកូនចូលទៅរៀនក្នុងទឹកដីថៃ ហើយមួយរយៈនេះដោយអាជីវករខ្មែរលក់ដូនៅផ្សាររ៉ូក្លឿចាស់ ត្រូវភាគីថៃមិនអោយស្នាក់នៅនិងដេកទើបទើបចេញនិងចូលច្រើន នៅពេលព្រឹកពីម៉ោង៨ដល់ម៉ោង១០ព្រឹកនិងនៅពេលល្ងាចពីម៉ោង៦ដល់ម៉ោង៨យប់ដែលកកស្ទះនៅពេលដែលសម្រុកចេញនិងចូលតែការកកស្ទៈរយៈពេលថ្ងៃនេះបណ្តាលមកពីប្រព័ន្ធអ៊ីនធឺណែនមានភាពរអាក់រអួលទើបស្កេនQR CODEលើប័ណ្ណព្រំដែនកម្ពុជាថៃមានការយឺតយ៉ាវ។
ចែករំលែកព័តមាននេះ