រាជធានីភ្នំពេញ ៖ តារាពហុជំនាញអ្នកនាង ខាត់ សុឃីម បានចេញមុខពន្យល់ពីរឿង និងលក្ខណៈសម្បត្តិមួយចំនួន ដែលនាំឲ្យទទួលបានមេដាយ ឬគ្រឿងឥស្សរិយយសពីរាជរដ្ឋាភិបាល ខណៈពេលដែលមានអ្នកសិល្បះមួយចំនួនបាននាំគ្នារអ៊ូដោយសារមិនទទួលបានដូចគេ…
រាជធានីភ្នំពេញ ៖ តារាពហុជំនាញអ្នកនាង ខាត់ សុឃីម បានចេញមុខពន្យល់ពីរឿង និងលក្ខណៈសម្បត្តិមួយចំនួន ដែលនាំឲ្យទទួលបានមេដាយ ឬគ្រឿងឥស្សរិយយសពីរាជរដ្ឋាភិបាល ខណៈពេលដែលមានអ្នកសិល្បះមួយចំនួនបាននាំគ្នារអ៊ូដោយសារមិនទទួលបានដូចគេ បើទោះបីជាអ្នកខ្លះអះអាងថា ខ្លួនបានបម្រើសិល្បះអស់ជាច្រើនឆ្នាំក៏ដោយ ។
អ្នកនាង ខាត់ សុឃីម បានលើកឡើងតាមបណ្តាញសង្គមថា នាងខ្ញុំសូមនិយាយអំពីមេដាយ តាមការចេះដឹងបន្តិចបន្តួចរបស់ខ្ញុំកន្លងមក ខុសឆ្គងសូមអធ្យាស្រ័យផង ។ នាងថា ធម្មតាមេដាយដំបូង គឺមេដាយការងារថ្នាក់សំរិទ្ធ មេដាយប្រាក់ និងមេដាយមាស តើអ្នកធ្លាប់បានទទួលមេដាយដំបូងនេះហើយរឺនៅ?
បន្ទាប់មក ទើបបានមេដាយថ្នាក់មុន្នីសារភណ្ឌថ្នាក់អស្សឬទ្ធិ គឺជាមេដាយថ្នាក់ទី៤ ដែលសិល្បករភាគច្រើនបានទទួល ។ ប្រសិនបើមេដាយលើកដំបូងរបស់អ្នក មិនមែនជាមេដាយសំរិទ្ធ ប្រាក់ មាសនោះ តែផ្ទុយទៅវិញមេដាយដំបូងរបស់អ្នក ពាក់ដោយមេដាយថ្នាក់អស្សឬទ្ធីនេះ គឺមានការយោគយល់អំពីថ្នាក់ដឹកនាំរួចណាស់ទៅហើយអំពីអតីភាពការងារ បើតាមខ្ញុំគិត ។
នាងបញ្ជាក់ថា តើអ្នកទាំងអស់គ្នាបានបំពេញការងារជួយជាតិ ជួយសង្គមលើកិច្ចការអ្វីខ្លះកន្លងមក ដែលទាមទារមេដាយថ្នាក់ខ្ពស់ មានភស្តុតាងដែលរឺទេ (បណ្ណ័ ឬលិខិតសរសើរ បញ្ជាក់) ? បើគ្រាន់តែនិយាយ រឺ ថតរូបកន្លែងកម្មពិធី មិនអាចយកជាការណ៍បានទេ ។
អ្នកនាងបន្ថែមថា យើងទាំងអស់គ្នាជាសិល្បករឯករាជ្យ មិនមានបញ្ជីរដ្ឋបាលដែលអាចគ្រប់គ្រងបាននូវប្រវត្តិការងាររបស់អ្នកទាំងអស់គ្នានោះទេ តើមនុស្ស៤- ៥នាក់ អាចដឹងគ្រប់រឿងទេថាអ្នកសិល្បករជាង២ពាន់នាក់នោះ ធ្វើអីខ្លះ ? ។ពេលការងាររដ្ឋហៅអោយជួយម្តងម្កាល បងប្អូន សិល្បៈករយើងមួយចំនួនទាល់តែមានលុយទើបបានព្រមទៅ មិនមានលុយគឺមិនទៅទេ ហើយពេលនេះម៉េចក៍សួររកមេដាយ ? (មួយចំនួន)។ ជាក់ស្តែង សិល្បករណាម្នាក់ ទៅជួយការងារកន្លែងណា កន្លែងនោះជាអ្នកស្នើរអោយកំរិតណាមួយដែលគេគិតមើលទៅលើ តាមស្នាដៃរៀងៗខ្លួន ។
អ្នកនាង ខាត់ សុឃីម បានអះអាងបន្ថែមថា ការស្រាវជ្រាវឈ្មោះពាក់មេដាយ គេមិនអាចស្រង់ឈ្មោះបានអស់១ប្រទេស ដោយប្រើរយៈពេលតែប៉ុន្មានខែនោះទេ ហើយបងប្អូនយើងក៏មិនដែលផ្ញើរអាសយដ្ឋាន ឬ បង្ហាញមុខអោយសង្គមបានឃើញញឹកញាប់ដែរ ម្យ៉ាងទៀត គេត្រូវមានការបំពាក់លើកទី១ លើកទី២ លើកទី៣ មិនមែនចេះតែពាក់គ្រប់តែលើក ហើយគ្រប់ៗតែគ្នានោះទេ ។
អ្នកនាងបញ្ជាក់ថា ការបំពាក់មួយលើកៗ មិនមែនសុទ្ធតែ ថ្នាក់ដឹកនាំបំពាក់បានគ្រប់គ្នាទេ ពេលមានតិច អ្នកទទួលមេដាយមានច្រើន ដូច្នេះ សូមបងប្អូនយោគយល់ផងទៅ សូម្បីនាងខ្ញុំគ្រប់មេដាយ មិនមែនសុទ្ធតែ បានបំពាក់ថត ដោយថ្នាក់ដឹកនាំគ្រប់មេដាយដែរ។ សិល្បៈករមួយចំនួនទៀត មានមេដាយហើយ គេរកទាក់ទងទៅមិនបានផង ហើយមេដាយធំ រឺ តូច មិនមែនសំដៅទៅលើ អ្នកចូលសិល្បៈមុន រឺ ក្រោយទេ សំខាន់តើអ្នកបានជួយសង្គម នឹង សប្បុរសធម៍ បានកំរិត
ណា ។
យ៉ាងណា បើតាមអ្នកនាង ខាត់ សុឃីម ការនិយាយនេះមិនកាន់ជើងខាងណាទេ បើមានភាពអយុត្តិធម៌លើ សិល្បៈករណាមួយ សូមសំណូមពរ អ្នករៀបចំដឹកនាំកម្មវិធីគិតគូរអោយពួកគាត់ លើកក្រោយអោយបានសមរម្យផង 🙏។ការទទួលបានរបស់នាងខ្ញុំគឺមិនមែនបានដោយ នាងខ្ញុំ មានបក្សពួក ណាម្នាក់នោះទេ ។
អ្នកនាងបញ្ជាក់ថា ខ្ញុំចេះតែប៉ុណ្ណេះទេ អធ្យាស្រ័យបងប្អូន បើមានការប៉ះពាល់អារម្មណ៍អ្នកណាម្នាក់ នាងខ្ញុំសូមអភ័យទោសផង 🙏🙏🙏ហើយការ Post នេះមិនមែនចង់អួត រឺ ចង់ចាញ់ឈ្នះនោះទេ ក្នុងនាមអ្នកសិល្បៈការិនីមួយរូប៕
ចែករំលែកព័តមាននេះ