ខេត្តបន្ទាយមានជ័យ ៖ មន្ត្រីនគរបាលអន្តោប្រវេសន៍ច្រកទ្វាអន្តរជាតិប៉ោយប៉ែតថា មូលហេតុដែលប្រជាពលរដ្ឋកកស្ទះ ព្រោះកំណើនប័ណ្ណព្រំដែនកើនឡើងខ្លាំង និងសម្រុកចេញ ។ សម្រាប់ប្រព័ន្ធស្កែនQR CODEនៅពេលនេះ គឺធម្មតាវិញហើយត្រឹមថ្ងៃទី១៧…
ខេត្តបន្ទាយមានជ័យ ៖ មន្ត្រីនគរបាលអន្តោប្រវេសន៍ច្រកទ្វាអន្តរជាតិប៉ោយប៉ែតថា មូលហេតុដែលប្រជាពលរដ្ឋកកស្ទះ ព្រោះកំណើនប័ណ្ណព្រំដែនកើនឡើងខ្លាំង និងសម្រុកចេញ ។ សម្រាប់ប្រព័ន្ធស្កែនQR CODEនៅពេលនេះ គឺធម្មតាវិញហើយត្រឹមថ្ងៃទី១៧ ខែធ្នូ ឆ្នាំ២០២៣ នៅក្រុងប៉ោយប៉ែត។ សូមរំលឹកថា៖ ការចេញ-ចូលតាមច្រកទ្វារប៉ោយប៉ែតតម្រូវឱ្យស្កេនQR CODEធ្វើឱ្យកកស្ទះទៅវិញ
លោក ជួន សារី មន្ត្រីនគរបាលអន្តោប្រវេសន៍ច្រកទ្វាអន្តរជាតិប៉ោយប៉ែតបានប្រាប់ថា រយៈពេលប៉ុន្មានថ្ងៃមុននេះ នៅច្រកទ្វារអន្តរជាតិប៉ោយប៉ែត ប្រជាពលរដ្ឋខ្មែរដែលចេញនិងចូលមានការកកស្ទះ ហើយត្រូវបានមន្ត្រីជំនាញចុះសម្របសម្រួលរហូតធម្មតាមវិញ ។
លោកបានបញ្ជាក់ថា មូលហេតុដែលកកស្ទះ គឺនៅពេលព្រឹកស្ទើររាល់ថ្ងៃ នៅពេលដែលប្រជាពលរដ្ឋសម្រុកចេញ ទើបបង្កកកស្ទះរយៈពេល២០នាទី ហើយកំណើនប្រជាពលរដ្ឋធ្វើប័ណ្ណព្រំដែនកម្ពុជា-ថៃមានការកើនឡើងខ្លាំង និងប័ណ្ណព្រំដែនខ្លះ QR CODE មានការដាច់រលាត់ និងដិតដាមទើបពិកបាកស្កេនបានស្គាល់ ។ ហើយអាជីវករខ្មែរលក់ដូរនៅផ្សាររ៉ូក្លឿចាស់ ត្រូវភាគីថៃបញ្ឈប់អោយស្នាក់នៅទើបចេញព្រឹកចូលល្ងាចច្រើន ហើយកន្លងដែលមានការកកស្ទះជិត៣ម៉ោងគឺបណ្តាលមកពីស្កែនQR CODE ប្រព័ន្ធអ៊ិនធើរណែតមានការរអាក់រអួលទើបមានការយឺតយ៉ាវ។
លោក ជួន សារី បានបញ្ជាក់ថា រហូតដល់ពេលនេះ ការកកស្ទះប្រជាពលរដ្ឋដែលចេញ-ចូលតាមច្រកទ្វារអន្តរជាតិប៉ោយប៉ែត បានដំណើរល្អប្រសើរឡើងវិញហើយនៅពេលមន្ត្រីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតបានធ្វើការសម្របច្រួលទើបគ្មានការកកស្ទៈសង្ឃឹមថាប្រជាពលរដ្ឋដែលចេញ-ចូលតាមច្រកទ្វារអន្តរជាតិប៉ោយប៉ែតមានការយោគកយល់ ។
ចែករំលែកព័តមាននេះ