មិនដឹងកើតអ្វី! តារាចម្រៀង Justin Bieber បង្ហោះរូបយំ រួចលុបចោល ធ្វើឱ្យហ្វេនៗបារម្ភ
(សិល្បៈ)៖ កាលពីថ្ងៃទី២៨ ខែមេសា តារាចម្រៀង Justin Bieber បានបង្ហោះរូបថត Selfie ជាបន្តបន្ទាប់ រួមទាំងរូបថតចំនួន…
(សិល្បៈ)៖ កាលពីថ្ងៃទី២៨ ខែមេសា តារាចម្រៀង Justin Bieber បានបង្ហោះរូបថត Selfie ជាបន្តបន្ទាប់ រួមទាំងរូបថតចំនួន…
(សិល្បៈ)៖ កាលពីថ្ងៃទី២៨ ខែមេសា តារាចម្រៀង Justin Bieber បានបង្ហោះរូបថត Selfie ជាបន្តបន្ទាប់ រួមទាំងរូបថតចំនួន ២សន្លឹកដែលតារាប្រុសរូបនេះបានសម្រក់ទឹកភ្នែកនៅមុខកាម៉េរ៉ា។ តារាចម្រៀងរូបនេះមិនបានដាក់ពាក្យពេចន៏អ្វីលើការបង្ហោះនេះទេ ហើយប៉ុន្មាននាទីក្រោយមក ក៏បានលុបវាចេញ។
ក្នុងផ្នែកបញ្ចេញមតិ អ្នកគាំទ្របានសម្ដែងការព្រួយបារម្ភ ហើយសួរថាហេតុអ្វីបានជាតារាប្រុសរូបនេះយំ? ដើម្បីជៀសវាងការយល់ច្រលំថា អាពាហ៍ពិពាហ៍របស់ពួកគេមានបញ្ហា Hailey ក៏បានបន្សល់ទុកនូវមតិមួយនៅលើផុសនោះដែលបង្ហាញថា មិនមានបញ្ហាអ្វីទេរវាងពួកគេទាំងពីរ។
ឆ្លើយតបទៅនឹង Mirror អ្នកជំនាញផ្នែកភាសាកាយវិការ Judi James បានពន្យល់ពីរូបភាពភ្នែកក្រហមរបស់ Bieber ថា «តារាប្រុសរូបនេះ បង្ហាញពីបុរសម្នាក់ឱបក្រសោបការឈឺចាប់ជាច្រើនឆ្នាំ ជាអ្វីដែលគាត់ចង់ចែករំលែកជាមួយពិភពលោក»។
នេះមិនមែនជាលើកទីមួយទេដែល តារាចម្រៀងរូបនេះបានសម្រក់ទឹកភ្នែកឱ្យមហាជនបានឃើញ។ នៅពេលដែលគាត់រៀបការដំបូង និងអំឡុងពេលព្យាបាលជំងឺ រូបថតជាច្រើនដែលត្រូវបានថតដោយ paparazzi តារាប្រុសរូបនេះសម្រក់ទឹកភ្នែកមិនថាគាត់កំពុងបើកបរ ឬដើរជាមួយប្រពន្ធរបស់គាត់នៅក្នុងឧទ្យាននោះទេ។ អំឡុងពេលនោះគាត់បានទទួលការលើកទឹកចិត្ត និងលួងលោមដោយ Hailey ជាប្រពន្ធ។
Justin Bieber ត្រូវបានគេរកឃើញថាមានរោគ Ramsay Hunt ដែលបណ្តាលឲ្យខ្វិនមុខក្នុងខែមិថុនា ឆ្នាំ២០២២។ តារាចម្រៀងរូបនេះបាននិយាយថា គាត់មានអារម្មណ៍តានតឹង ហើយក៏បានបោះបង់ចោល ទាំងខនសឺត និងគម្រោងជាច្រើនផ្សេងទៀតដើម្បីផ្ដោតលើការព្យាបាល។
ស្ថានភាពសុខភាពមិនស្ថិតស្ថេរ គឺជាហេតុផលដែល Bieber មិនបន្តបញ្ចេញចម្រៀង។ គាត់បានចំណាយពេលនេះដើម្បីព្យាបាល និងរក្សាទំនាក់ទំនងរបស់គាត់ជាមួយភរិយា៕ ប្រភព៖ https://www.dailymail.co.uk/tvshowbiz/article-13360817/Hailey-Bieber-reacts-worrying-photo-husband-Justin-Bieber-crying-amid-couples-rumored-marital-troubles.html
ចែករំលែកព័តមាននេះ