ត្រាក់ទ័រភ្ជួរដីស្រែ ស្រាប់តែជាន់ចំមី.នតោនផ្ទុះកក្រើកភូមិ
- ព្រះវិហារ
ខេត្តព្រះវិហារ ៖ មានករណីត្រាក់ទ័រមួយគ្រឿងភ្ជួរដីស្រែ ស្រាប់តែជាន់ចំមីនតោន បណ្តាលឱ្យផ្ទុះ
ខេត្តព្រះវិហារ ៖ មានករណីត្រាក់ទ័រមួយគ្រឿងភ្ជួរដីស្រែ ស្រាប់តែជាន់ចំមីនតោន បណ្តាលឱ្យផ្ទុះកក្រើកដីតែម្តង បណ្តាលឱ្យរងការខូចខាតទាំស្រុង សំណាងល្អដែលអ្នកបើកបរគ្រាន់តែរងរបួសស្រាល ត្រូវបានបញ្ជូនទៅសង្គ្រោះនៅមណ្ឌលសុខភាពស្រុកជាំក្សាន្ត។
ហេតុការណ៍ខាងលើនោះបានកើតឡើងកាលពីវេលាម៉ោង២និង៤០នាទីរសៀលនាថ្ងៃទី១៥ ខែឧសភា ឆ្នាំ២០២៤ ស្ថិតនៅក្នុងភូមិសែនរុងរឿង៥ ឃុំទឹកក្រហម ស្រុកជាំក្សាន្ត ខេត្តព្រះវិហារ។
តាមសេចក្តីរាយការណ៍របស់លោកលិញ យុត ជានាយតំណាងមីនប្រចាំស្រុកជាំក្សាន្តខេត្តព្រះវិហារបានឲ្យដឹងថា ការផ្ទុះមីនតោននោះ បណ្តាលឱ្យខូចខាតត្រាក់ទ័រទាំងស្រុង និងអ្នកបើកបរឈ្មោះឡាត់ វ៉ាន់ណេត ភេទប្រុស អាយុ២៤ឆ្នាំ រស់នៅក្នុងភូមិឃុំកើតហេតុខេត្តខាងលើ រងរបួសស្រាល ត្រូវបានបញ្ជូនទៅសង្គ្រោះនៅមណ្ឌលសុខភាពស្រុកជាំក្សាន្ត ខេត្តព្រះវិហារ។
តាមប្រភពពីម្ចាស់ត្រាក់ទ័របានឲ្យដឹងថា ទីតាំងដីដែលផ្ទុះមីននោះ គឺម្ចាស់គេធ្លាប់ភ្ជួរអាស្រ័យផលដាំដំណាំ២ឆ្នាំមកហើយ គឺឆ្នាំទី១-ធ្វើស្រែ ឆ្នាំទី២-ដាំដំឡូងមី និងឆ្នាំទី៣នេះ-ភ្ជួរដាំដំឡូងមីដែរ។ ប៉ុន្តែក្នុងឆ្នាំទី៣នេះម្ចាស់ដីជួលអ្នកផ្សេងទេឲ្យភ្ជួដីដល់ពេលផ្គុំរងទើបគេជួលគាត់។
ម្ចាស់ទ្រាក់ទ័រនោះបន្តថា ដីដែលម្ចាស់គេជួលឲ្យភ្ជួរនោះជារបបចែកឲ្យទាហ៊ានចំនួន២ហិកតា ក្នុងពេលដែលកំពុងភ្ជួរដីបានប្រហែលពាក់កណ្តាល ស្រាប់តែផ្ទុះមីនតោននោះតែម្តង ខណៈឆ្លងបត់ចូលផ្គុំរងថ្មីទៀត។
ឯអ្នកបើកបរគឺជាកម្មករសុីឈ្នួលបើកបរបានរងរបួសដៃនិងក្បាល ហើយគាត់ម្ចាស់បានបន្តបញ្ជូនមកស្គែនក្បាលនៅពេទ្យខេត្តហើយដែរ មិនមានអ្វីប៉ះពាល់ធ្ងន់ធ្ងរនោះទេ បានត្រឡប់ទៅផ្ទះវិញហើយ។
នៅព្រឹកថ្ងៃកើតហេតុនេះដែរ ក៏មានកម្លាំងសុីម៉ាក់បានចុះទៅត្រួតពិនិត្យ និងធ្វើការរាវរកគ្រាប់មីនបន្ថែមទៀតផងដែរ៕
ចែករំលែកព័តមាននេះ