ខេត្តកំពង់ឆ្នាំង ៖ ស្ត្រីមានផ្ទៃពោះគ្រប់ខែសម្រាលកូនម្នាក់ត្រូវបានជួយសង្គ្រោះដោយប្រធានផ្នែកសម្ភពនិងរោគស្ត្រីនៃមន្ទីរពេទ្យខេត្តកំពង់ឆ្នាំង បានជួយសង្គ្រោះដោយសំរាលកូនលើផ្ទៃទឹក គ្រាដែលស្ត្រីរូបនោះត្រូវបានក្រុមគ្រួសារ បញ្ជូនមកសម្រាលកូននៅមន្ទីរពេទ្យខេត្តកំពង់ឆ្នាំង ។ហេតុការណ៍នេះបានកើតឡើងនៅព្រឹកថ្ងៃទី ៨ ខែមេសា ឆ្នាំ…
ខេត្តកំពង់ឆ្នាំង ៖ ស្ត្រីមានផ្ទៃពោះគ្រប់ខែសម្រាលកូនម្នាក់ត្រូវបានជួយសង្គ្រោះដោយប្រធានផ្នែកសម្ភពនិងរោគស្ត្រីនៃមន្ទីរពេទ្យខេត្តកំពង់ឆ្នាំង បានជួយសង្គ្រោះដោយសំរាលកូនលើផ្ទៃទឹក គ្រាដែលស្ត្រីរូបនោះត្រូវបានក្រុមគ្រួសារ បញ្ជូនមកសម្រាលកូននៅមន្ទីរពេទ្យខេត្តកំពង់ឆ្នាំង ។ហេតុការណ៍នេះបានកើតឡើងនៅព្រឹកថ្ងៃទី ៨ ខែមេសា ឆ្នាំ ២០២៦។
យោងតាមផេកផ្លូវការរបស់មន្ទីរពេទ្យបង្អែកខេត្តកំពង់ឆ្នាំងបានបញ្ជាក់ថា អ្នកគ្រូពេទ្យ ប៉ាល់ ដារិន ប្រធានសាល់ផ្នែកសម្ភពនិងរោគស្ត្រី នៃមន្ទីរពេទ្យបង្អែកខេត្តកំពង់ឆ្នាំង បាទជួយសង្គ្រោះស្ត្រីសម្រាលកូននៅលើផ្លូវទឹក ក្នុងស្ថានភាពប្រកបដោយគ្រោះថ្នាក់និងប្រញាប់ប្រញាល់បំផុត ។ដែលនេះបានបង្ហាញពីស្មារតីទទួលខុសត្រូវខ្ពស់ក្នុងនាមជាគ្រូពេទ្យជំនាញ បានចុះទៅជួយសង្គ្រោះស្ត្រីម្នាក់ឈឺពោះសម្រាលកូននៅលើទូក ខណៈដែលក្រុមគ្រួសារព្យាយាមបញ្ជូនមកមន្ទីរពេទ្យភូមិក្រងផ្ទិល ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ប៉ុន្តែមកមិនទាន់ពេលវេលា ក៏សម្រាលកូនតាមផ្លូវទឹក ទទួលបានជោគជ័យ និងមានសុខភាពល្អទាំងម្ដាយនិងកូន ។
ក្នុងផេកផ្លូវការនេះមិនបានបញ្ជាក់ថាស្ត្រីខាងលើមានឈ្មោះអ្វី និងសម្រាលកូនទីប៉ុន្មាន នោះទេ ប៉ុន្តែបានបញ្ជាក់ថាស្រីខាងលើមានទីលំនៅភូមិក្រងផ្ទិល ឃុំប្រឡាយមាស ។ សកម្មភាពនេះគឺជាគំរូល្អមួយនៃបុគ្គលិកសុខាភិបាលតែងតែនៅក្បែរនិងជួបសង្គ្រោះប្រជាពលរដ្ឋគ្រប់ពេលវេលាគ្រប់ទីកន្លែងនិងគ្រប់កាលៈទេសៈ៕
ចែករំលែកព័តមាននេះ