ADផ្ទាំងផ្សព្វផ្សាយពាណិជ្ជកម្ម

Picture

រាជវង្ស​ខ្មែរ​៣​ព្រះ​អង្គ​បណ្តាក់ទុន​កាន់កា.ប់​ភាគហ៊ុន៤៩% ក្លិប​បាល់ទាត់​លី​គ​កំពូល​ថៃ

7 ខែ មុន

ប្រទេស​ថៃ ៖ ក្លិប​បាល់ទាត់ Police Tero FC នៃ​លី​គ​កំពូល​ថៃ Thai League 1 កាលពី​ថ្ងៃ​ទី​៦ ខែវិច្ឆិកា

ប្រទេស​ថៃ ៖ ក្លិប​បាល់ទាត់ Police Tero FC នៃ​លី​គ​កំពូល​ថៃ Thai League 1 កាលពី​ថ្ងៃ​ទី​៦ ខែវិច្ឆិកា ឆ្នាំ​២០២៣ បាន​ធ្វើ​សន្និសីទ​សារព័ត៌មាន​ផ្លូវការ​មួយ ដើម្បី​ប្រកាស​ដៃគូ​បណ្តាក់ទុន​រួម​គ្នា​ថ្មី ហើយ​អ្វី​ដែល​ចាប់អារម្មណ៍​ខ្លាំង​នោះ សែ​រាជ​ខ្សែ​ខ្មែរ​៣​ព្រះ​អង្គ​គឺជា​ដៃគូ​បណ្តាក់ទុន​ថ្មី នៃ​ក្លិប​មាន​មូលដ្ឋាន​ក្នុងស្រុក​ឡាក់​ស៊ី រាជធានី​បាងកក​មួយ​នេះ​។ គួររំលឹកថា សែ​រាជវង្ស​ខ្មែរ​១​ព្រះ​អង្គ ចូលរួម​ផ្លូវការ​ជាមួយនឹង​ក្លិប​បាល់ទាត់​នៅ​លី​គ​កំពូល​ថៃ

លោក Brian Linzze Markar ប្រធាន​ក្លិប និង​ក្រុម​បណ្តាក់ទុន​ថ្មី​របស់​ក្លិប ដែល​ដឹកនាំ​ដោយ​ព្រះ​អង្គ​ម្ចាស់​នរោត្តម អ​ម្រិ​ទ្ធិ​វង្ស ព្រះ​អង្គ​ម្ចាស់​នរោត្តម ន​រិ​ន​ថា​ពុង និង​ព្រះ​អង្គ​ម្ចាស់​នរោត្តម រ៉ា​វី​ចក្រ បាន​វិនិយោគ​លើ​ទឹកប្រាក់ ២០០​លាន​បាត ស្មើនឹង​ជាង ៥.៦​លាន​ដុល្លារ​អា​មេ​រិ​ក ចូលរួម​កាន់កាប់​ភាគហ៊ុន ៤៩% ដើម្បី​គ្រប់គ្រង​កិច្ចការ​ក្លិប Police Tero FC នៅ​ក្នុង​គោលបំណង​នាំ​ក្លិប​វិល​ត្រឡប់​ទៅ​រក​ភាព​អស្ចារ្យ​របស់​ខ្លួន​ឡើង​វិញ​។

ថ្លែង​ក្នុង​សន្និសីទ​សារព័ត៌មាន ព្រះ​អង្គ​ម្ចាស់​នរោត្តម អ​ម្រិ​ទ្ធិ​វង្ស ទ្រង់មាន​ព្រះ​បន្ទូល​ថា «​ផ្ទាល់ខ្លួន ខ្ញុំ​ចាប់អារម្មណ៍​ក្នុង​ការ​ចាប់ផ្តើម​ក្រុមបាល់ទាត់ ដោយ​មើលឃើញ​ថា នេះ​ជា​ឱកាសល្អ​ក្នុង​ការ​អភិវឌ្ឍ​វិស័យ​បាល់ទាត់​ថៃ និង​បាល់ទាត់​អាស៊ាន​ជាមួយ​គ្នា​។ ហេតុផល​ដែល​ជ្រើសរើស Police Tero គឺ​ដោយសារ​ក្រុម​នេះ​មាន​ប្រវត្តិ​យូរអង្វែង​។ ធ្លាប់​ជា​ជើងឯក Thai League ២​លើក ហើយ​ក្នុង​នាម​ជា​ក្រុម​ក្នុង​តំបន់​អាស៊ាន ដែល​ជា​ជើងឯក​រង​ពានរង្វាន់ AFC Champions League ពួក​គេ​ចង់​នាំ​ក្រុម​ត្រឡប់​ទៅ​ចំណុចដើម​ម្តងទៀត ដែល​ប្រើប្រាស់​ចំណេះដឹង សមត្ថភាព ដើម្បី​នាំ​យក​កីឡាករ​បរទេស​មក​ជួយ​ក្រុម​តាម​លទ្ធភាព​អាច​ធ្វើ​ទៅ​បាន រួម​ទាំង​ឱកាស​នាំ​កីឡាករ​ថៃ និង​កីឡាករ​អាស៊ាន ទៅ​លេង​បាល់ទាត់​នៅ​បរទេស​បន្ថែម​ទៀត​នា​ពេល​អនាគត​»​។

ព្រះ​អង្គ​ម្ចាស់​នរោត្តម អ​ម្រិ​ទ្ធិ​វង្ស ធ្លាប់​ជា​កីឡាករ​បាល់ទាត់ និង​ចូល​ចិត្ត​បាល់ទាត់​យ៉ាង​ខ្លាំង ហើយ​ទ្រង់​ត្រូវ​បាន​រាយការណ​ថា កំពុង​ស្វែងរក​ការ​ពង្រីក​ភាព​ជា​ដៃគូ​ក្នុង​កម្រិត​អន្តរជាតិ ដើម្បី​ពង្រឹង​វិស័យ​បាល់ទាត់​នៅ​កម្ពុជា​បន្ថែម​ទៀត​។

គួរ​រំលឹក​ថា កាលពី​ថ្ងៃ​ទី​២៨ ខែកញ្ញា ឆ្នាំ​២០២៣ ព្រះ​អង្គ​ម្ចាស់ នរោត្តម ម៉ា​តេ​អូ ដែល​ជា​បុត្រា​ព្រះ​អង្គ​ម្ចាស់ នរោត្តម រ៉ា​វី​ចក្រ បាន​ចូលរួម​ផ្លូវការ​ជាមួយនឹង​ក្លិប​បាល់ទាត់ Police Tero ដើម្បី​បង្ហាញ​ព្រះ​វត្តមាន​ជាមួយ​ក្រុម សម្រាប់​ការ​ប្រកួត​ជើង​ទី​២ នៃ​លី​គ​កំពូល​ថៃ រដូវ​កាល ២០២៣/២៤ ខណៈ​ដែល​បច្ចុប្បន្ន Police Tero កំពុង​ឈរ​នៅ​ចំណាត់ថ្នាក់​លេខ ៩ ក្រោយ​ឆ្លងកាត់​១០​ប្រកួត​កន្លង​មក ឈ្នះ​៣ ស្មើ​៣ និង​ចាញ់​៤ មាន​១២​ពិ​ន្ទ​។

បក​ត្រឡប់​ទៅ​កាលពី​ឆ្នាំ​២០២១ កន្លង​ទៅ ដំណឹង​ដ៏​ភ្ញាក់ផ្អើល​បាន​កើតឡើង​ទាំង​នៅ​ក្នុង​ប្រទេស​បារាំង និង​កម្ពុជា បន្ទាប់​ពី​សារព័ត៌មាន​បារាំង​ជា​ច្រើន​រួម​ទាំង L’Équipe, France24 និង Le Parisien បាន​រាយការណ៍​ថា ព្រះ​អង្គ​ម្ចាស់ នរោត្តម រ៉ា​វី​ចក្រ សែ​រាជវង្ស​ខ្មែរ បាន​ដាក់​សំណើ​ទិញ​យក​ក្លិប AS Saint-Etienne នៅ​លី​គ​កំពូល​បារាំង​ក្នុង​តម្លៃ ១០០​លាន​អឺ​រ៉ូ ប៉ុន្តែ​មិន​ទទួល​បាន​ជោគជ័យ ដោយសារ​តែ​បញ្ហា​ឯកសារ​ទ្រព្យសម្បត្តិ​៕ (​ប្រភព​ពី Thailand Postsen និង Sanook)

អត្ថបទសរសេរ ដោយ

កែសម្រួលដោយ