សែរាជវង្សខ្មែរ១ព្រះអង្គ ចូលរួមផ្លូវការជាមួយនឹងក្លិបបាល់ទាត់នៅលីគកំពូលថៃ
ប្រទេសថៃ ៖ ព្រះអង្គម្ចាស់ នរោត្តម ម៉ាតេអូ (Prince Norodom Matteo) បានចូលរួមផ្លូវការជាមួយ
ប្រទេសថៃ ៖ ព្រះអង្គម្ចាស់ នរោត្តម ម៉ាតេអូ (Prince Norodom Matteo) បានចូលរួមផ្លូវការជាមួយ
ប្រទេសថៃ ៖ ព្រះអង្គម្ចាស់ នរោត្តម ម៉ាតេអូ (Prince Norodom Matteo) បានចូលរួមផ្លូវការជាមួយក្លិបបាល់ទាត់ Police Tero FC នៅលីគកំពូលថៃ Thai League 1។ នេះបើយោងតាមការប្រកាសលើផេកហ្វេសប៊ុកផ្លូវការរបស់មួយនេះ កាលពីថ្ងៃទី២៨ ខែកញ្ញា ឆ្នាំ២០២៣។ គួររំលឹកថា ពិតទេ? ព្រះអង្គម្ចាស់ នរោត្តម រ៉ាវីចក្រ គ្រោងដកសំណើទិញក្លិប Saint-Etienne នៅលីគកំពូលបារាំង
ព្រះអង្គម្ចាស់ នរោត្តម ម៉ាតេអូ ដែលជាបុត្រាព្រះអង្គម្ចាស់ នរោត្តម រ៉ាវីចក្រ ដែលធ្លាប់ដាក់សំណើទិញក្លិប AS Saint-Étienne នៅលីគកំពូលបារាំង Ligue 1 នឹងបង្ហាញខ្លួនជាមួយនឹងក្រុម សម្រាប់ការប្រកួតជើងទី២ នៃលីគកំពូលថៃ រដូវកាល ២០២៣/២៤ នៅពេលខាងមុខនេះ ខណៈដែលក្លិបមួយនេះ ពុំបានបញ្ជាក់លម្អិតអំពីកិច្ចព្រមព្រៀងនោះទេ។
សូមជម្រាបថា ក្រុម Police Tero FC បច្ចុប្បន្នកំពុងឈរនៅចំណាត់ថ្នាក់លេខ ១៤ បណ្តោះអាសន្ន ដែលជាតំបន់ត្រូវកាត់ចោល បន្ទាប់ពីឆ្លងកាត់៥សប្តាហ៍កន្លងមក ឈ្នះ១ ស្មើ១ និងចាញ់៣ មាន៤ពិន្ទុ។ ក្លិបដែលមូលដ្ឋានក្នុងស្រុកឡាក់ស៊ី ទីក្រុងបាងកកមួយនេះ ត្រូវបានបង្កើតនៅក្នុងឆ្នាំ ១៩៩២ និងធ្លាប់ឈ្នះជើងឯកលីគកំពូលថៃចំនួន ២លើកផងដែរ។
គួររំលឹកថា កាលពីឆ្នាំ២០២១ កន្លងទៅ ដំណឹងដ៏ភ្ញាក់ផ្អើលមួយបានកើតឡើងទាំងនៅក្នុងប្រទេសបារាំង និងកម្ពុជា បន្ទាប់ពីសារព័ត៌មានបារាំងជាច្រើន ដោយក្នុងនោះរួមទាំង L’Équipe, France24 និង Le Parisien បានរាយការណ៍ថា ព្រះអង្គម្ចាស់ នរោត្តម រ៉ាវីចក្រ ស្ថិតក្នុងរាជវង្សខ្មែរ បានដាក់សំណើទិញក្លិប AS Saint-Etienne នៅលីគកំពូលបារាំងក្នុងតម្លៃ ១០០លានអឺរ៉ូ ប៉ុន្តែក្រុមប្រឹក្សាភិបាលក្លិបនេះ ដែលពេលនោះកំពុងប្រឈមមុខនឹងស្ថានភាពហិរញ្ញវត្ថុដ៏លំបាក មិនបានឆ្លើយតបនឹងសំណើនេះទេ។
យ៉ាងណាមិញក្រោយមកប្រភពពីសារព័ត៌មាន L’Équipe បានរាយការណ៍ថា ព្រះអង្គម្ចាស់ នរោត្តម រ៉ាវីចក្រ បានដកសំណើនេះ ដោយសារការចាប់ផ្តើមរដូវកាលរបស់ក្លិបធ្វើមិន បានល្អទាល់តែសោះ ក្រោមការដឹកនាំរបស់លោកគ្រូបង្វឹក Claude Puel បូករួមនឹងបញ្ហាសំខាន់មួយទៀតគឺ ការកើនឡើងអំពើហិង្សារបស់អ្នកគាំទ្ររបស់ពួកគេ។ មួយវិញទៀត ស្របពេលក្រុមអ្នកវិនិយោគជាមួយព្រះអង្គម្ចាស់មានភាពស្ទាក់ស្ទើរ ក្រោយពិនិត្យ និងវិភាគលម្អិតលើឯកសារអំពីបញ្ហាសុខភាពហិរញ្ញវត្ថុរបស់ក្លិបនៅពេលនោះ៕
ចែករំលែកព័តមាននេះ