ក្រោយការស្រាវជ្រាវយ៉ាងយកចិត្តទុកដាក់ពីសមត្ថកិច្ចនគរបាលខេត្តកំពង់ឆ្នាំង បានធ្វើការឃាត់ខ្លួនជនដៃដល់ម្នាក់ កាលពីព្រឹកថ្ងៃទី៥ ខែវិច្ឆិកា ឆ្នាំ២០២៣ បន្ទាប់ពីជនដៃដល់រូបនោះ កា.ប់សម្លា.ប់យុវជនម្នាក់
ខេត្តកំពង់ឆ្នាំង ៖ ក្រោយការស្រាវជ្រាវយ៉ាងយកចិត្តទុកដាក់ពីសមត្ថកិច្ចនគរបាលខេត្តកំពង់ឆ្នាំង បានធ្វើការឃាត់ខ្លួនជនដៃដល់ម្នាក់ កាលពីព្រឹកថ្ងៃទី៥ ខែវិច្ឆិកា ឆ្នាំ២០២៣ បន្ទាប់ពីជនដៃដល់រូបនោះ កា.ប់សម្លា.ប់យុវជនម្នាក់កាលពីយប់ថ្ងៃទី៣ ខែវិច្ឆិកា នៅចំណុចមុខវត្តថ្មកែវ ស្ថិតក្នុងភូមិកោះកែវ ឃុំស្វាយជ្រុំ ស្រុករលាប្អៀរ ។
តាមប្រភពពីសមត្ថកិច្ចនគរបាលបានប្រាប់ឱ្យដឹងថា ជនដៃដល់ក្នុងអំពើកា.ប់ប្រ.ហា.រនោះមានឈ្មោះ វ៉ាន់ ដែន អាយុ១៨ឆ្នាំ មានទីលំនៅភូមិស្រងាំទេ ឃុំប្រស្និប ស្រុករលាប្អៀរ។
ប្រភពដដែលបានរំឮកថា កាលពីយប់ថ្ងៃទី៣ ខែវិច្ឆិកា ឆ្នាំ២០២៣ នៅក្នុងវត្តថ្មកែវ គឺមានក្រុមសម្ដែងល្ខោនលក់សំបុត្រ ប៉ុន្តែយប់នោះមិនបានសម្ដែងនោះទេ ដោយសារក្រុមល្ខោនលក់សំបុត្របានតិចពេក។ ហើយនៅយប់នោះផងដែរ វេលាម៉ោងប្រហែលជាង១០យប់ ជនរងគ្រោះឈ្មោះ ច្រឹក ខាត់ អាយុ១៨ឆ្នាំ មានទីលំនៅភូមិកោះកែវ ឃុំស្វាយជ្រុំ ស្រុករលាបៀរ ត្រូវបានមិត្តភក្តិឌុបម៉ូតូចេញពីមើលល្ខោនក្នុងវត្តថ្មកែវវិញ។
ប្រភពដដែលបន្តថា លុះពេលធ្វើដំណើរចេញផុតពីមុខខ្លោងទ្វារវត្ត ក៏ត្រូវបានជនដៃដល់កា.ប់ពីក្រោយជាមួយនឹងកាំបិ.តផ្គាក់ជាច្រើនកាំបិ.ត បណ្ដាលឲ្យជនរងគ្រោះរងរបួសជាទម្ងន់ និងបានស្លា.ប់បា.ត់ប.ង់ជីវិ.ត ខណៈពេលបញ្ជូនទៅសង្គ្រោះនៅមន្ទីរពេទ្យ។ ចំណែកមិត្តភក្តិជាអ្នកបើកម៉ូតូឌុបជនរងគ្រោះវិញ គ្រាន់តែរបួសស្រាលតែប៉ុណ្ណោះ។
ក្រោយពេលធ្វើការស្រាវជ្រាវយ៉ាងចិត្តទុកដាក់ពីសមត្ថកិច្ចនគរបាលជំនាញ ទើបសម្រេចឃាត់ខ្លួនជនដៃដល់ដែលមានឈ្មោះ វ៉ាន់ ដែន អាយុ១៨ឆ្នាំ នៅភូមិស្រងាំទេ ឃុំប្រស្និប ស្រុករលាប្អៀរ បាន។ ហើយនៅចំពោះមុខសមត្ថកិច្ច ជនដៃដល់សារភាពថា «ខ្លួនពិតជាបានកា.ប់ប្រ.ហា.រទៅលើជនរងគ្រោះពិតប្រាកដមែន ដោយសាររឿងគំនុំ ព្រោះធ្លាប់មានទំនាស់ជាមួយគ្នា»។
ក្រោយការសាកសួរ សមត្ថកិច្ចបានរៀបចំកសាងសំណុំរឿងបញ្ជូនខ្លួនជនដៃដល់ទៅកាន់តុលាការ ដើម្បីចាត់ការតាមនីតិវិធីនៃច្បាប់។
គួររំលឹកថា ៖ យុវជនម្នាក់ត្រឡប់ពីមើលល្ខោនវិញ ត្រូវជនមិនស្គាល់មុខកា.ប់ប្រហារ ៕
ចែករំលែកព័តមាននេះ