នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានបញ្ជាក់ពីផែនការ ប្រើកម្លាំងរបស់ថៃ ដើម្បីដណ្តើមយកទីតាំង១៧កន្លែង នៅភាគខាងលិច និងនិរតីនៃប្រទេសកម្ពុជា ចាប់ពីខេត្តពោធិ៍សាត់…
នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានបញ្ជាក់ពីផែនការ ប្រើកម្លាំងរបស់ថៃ ដើម្បីដណ្តើមយកទីតាំង១៧កន្លែង នៅភាគខាងលិច និងនិរតីនៃប្រទេសកម្ពុជា ចាប់ពីខេត្តពោធិ៍សាត់ ដល់ខេត្តកោះកុង ក្នុងលិខិតផ្ញើរជូនលោក António Guterres អគ្គលេខាធិការអង្គការសហប្រជាជាតិ (UN) និងមេដឹកនាំពិភពលោកសំខាន់ៗពាក់ព័ន្ធជម្លោះកម្ពុជា-ថៃ។
ក្នុងលិខិតចុះថ្ងៃទី១៧ ខែកញ្ញា ឆ្នាំ២០២៥ លោកនាយករដ្ឋមន្ត្រីស្នើសុំការគាំទ្រពី UN ក្នុងការជំរុញឲ្យភាគីថៃគោរពបទឈប់បាញ់ឱ្យបានពេញលេញ រើលួសបន្លា ប្រគល់ដី-ផ្ទះឱ្យពលរដ្ឋខ្មែរវិញ បញ្ឈប់សកម្មភាពរំលោភលើអធិបតេយ្យភាពរបស់កម្ពុជា និងដោះលែងទាហានកម្ពុជាទាំង១៨នាក់វិញ ។
សំណើនេះធ្វើឡើងភ្លាមៗ ក្រោយពេលដែលទាហានថៃ បានបាញ់ផ្សែងពុល ឧស្ម័នបង្ហូរទឹកភ្នែក គ្រាប់កាំភ្លើងជ័រ និងភ្ជង់ពលរដ្ឋខ្មែរ ដែលគ្មានអាវុធតតាំង នៅភូមិជោគជ័យ នៃខេត្តបន្ទាយមានជ័យ ដោយធ្វអោយរបួសប្រជាពលរដ្ឋ និងព្រះសង្ឃខ្មែរជាច្រើននាក់ ។
យោងតាមក្រសួងការបរទេស សម្តេចនាយករដ្ឋមន្ត្រីបានស្នើដូចគ្នានេះទៅប្រធានាធិបតីអាមេរិក បារាំង ចិន និងម៉ាឡេស៊ី ៕
ចែករំលែកព័តមាននេះ