រកឃើញហើយ! ស.ពស្ត្រីម្នាក់ដែលលិ.ចកាណូតស្មាច់ជាមួយប្តីនិងកូនស្រី កាល២ថ្ងៃមុន
- សៀមរាប
ខេត្តសៀមរាប ៖ សពស្ត្រីម្នាក់ដែលលិចកាណូតស្មាច់ជាមួយ ប្តី និងកូនស្រី នោះ បានរកឃើញ នៅវេលាម៉ោង ៨ និង…
ខេត្តសៀមរាប ៖ សពស្ត្រីម្នាក់ដែលលិចកាណូតស្មាច់ជាមួយ ប្តី និងកូនស្រី នោះ បានរកឃើញ នៅវេលាម៉ោង ៨ និង ១៥នាទី យប់ ថ្ងៃទី១៧ ខែកញ្ញា ឆ្នាំ ២០២៥ មានចម្ងាយ៣គីឡូម៉ែត្រពីកន្លែងកើតហេតុ ។ សូមរំលឹកឡើងវិញថា មានករណី លិចកាណូតស្មាច់មួយគ្រឿង បណ្តាលឱ្យស្លាប់មនុស្សចំនួន៣នាក់ រួមមាន ប្តី ប្រពន្ធ និង កូនស្រី បានកើតឡើងនៅវេលាម៉ោង១៩ និង០០នាទីយប់ ថ្ងៃទី១៦ ខែកញ្ញា ឆ្នាំ២០២៥ ត្រង់នៅចំណុចស្ពានបារ៉ាស់ទឹកស្ទឹង ស្ថិតនៅភូមិស្ទឹងព្រះស្រុក ឃុំល្វា ស្រុកពួក ខេត្តសៀមរាប។ គួររំលឹកថា គ្រោះអកុសល ១គ្រួសារជួបឧប្បទ្ទេវហេតុលិចកាណូតស្មាច់ស្លា.ប់ទាំងអស់
បើតាមប្រសាសន៍របស់ លោក ស៊ិន ចាន់ថុល អភិ បាល នៃគណៈអភិបាលស្រុកពួកបានប្រាប់តាម តេ លេ ក្រាម នៅវេលាម៉ោង ១១ ព្រឹក ថ្ងៃទី១៨ ខែកញ្ញា ឆ្នាំ ២០២៥នេះថា សព ស្ត្រី ម្នាក់ដែលលិចកាណូតស្មាច់. ស្លាប់ជាមួយ ប្តី និង កូនស្រី នោះ បានរកឃើញ ហើយនៅវេលាម៉ោង ៨ និង ១៥នាទី យប់ ថ្ងៃទី១៧ ខែកញ្ញា ឆ្នាំ២០២៥ ចម្ងាយពីកន្លែងកើតហេតុ ៣គីឡូម៉ែត្រ។
ជនរងគ្រោះចំនួន៣នាក់ខាងលើជាគ្រួសារតែមួយ រួមមាន: ១-ឈ្មោះឌិត ឌា ភេទប្រុស អាយុ៤២ ឆ្នាំ ត្រូវជាប្តីដែលជាអ្នកបើកបរកាណូត ស្មាច់ ( ស្លាប់ ) ២-ឈ្មោះ តែន សាលែត ភេទស្រី អាយុ៣៧ឆ្នាំ ត្រូវជាប្រពន្ធដែលជិះជាមួយ ( ស្លាប់ ) និង៣-ឈ្មោះ ឌិត សិរី ភេទស្រី អាយុ១៣ឆ្នាំ ត្រូវជាកូនដែលជិះជាមួយ ( ស្លាប់ ) មុខរបរជាកសិករ រស់នៅក្នុងភូមិ-ឃុំកើតហេតុ ដោយគ្រួសារគាត់ មានគ្នា០៣នាក់ ឪពុក.ម្ដាយ.កូន បានជិះកាណូតស្មាច់ ពណ៌ស-លាយ ខៀវ បើកបរក្នុងទិសដៅពីជើងទៅត្បូងតាមបណ្ដោយស្ទឹង ស្ថិតនៅភូមិស្ទឹងព្រះស្រុក ក្នុងគោលបំណងទៅរកត្រី (រកនុយកូនក្អាត-ចងរាយសន្ទួច) បានគ្រោះថ្នាក់ណូតទៅបុកនឹងជញ្ជាំងស្ពានបារ៉ាស់ទឹកដែលមានប្រឡោះទទឹង 1,80m កម្ពស់ពីផ្ទៃទឹកទៅជញ្ជាំងបារ៉ាស់លើ 80Cm បណ្តាលឱ្យបុកប៉ះជាប់ផ្អៀងទទឹងកាណូតជះមនុស្សទាំង០៣នាក់ធ្លាក់លិចក្នុងទឹកហូរ បណ្តាលឱ្យស្លាប់ ទាំង ៣ នាក់។
លោកបន្ថែមថា ក្រោយហេតុការណ៍កើតឡើងមានសាក្សី បានឮស្នូរផាំង និងសំលេងស្រែកហៅឱ្យជួយផង ខណៈពេលនោះ ប្រជាពលរដ្ឋ ក៏បានទៅមើលនិងរាយការមកសមត្ថកិច្ចមូលដ្ឋាន ក៏ចុះទៅដល់បានសន្និដ្ឋានថាមានមនុស្សគ្រោះថ្នាក់លិចកាណូតនិងមនុស្សនៅក្នុងទឹក ដើម្បីចុះជួយអន្តរាគមន៍ ក្នុងនោះមានកម្លាំងសមត្ថកិច្ច និងប្រជាពលរដ្ឋ បានចុះស្រាវរកនិងបានឃើញប្រទះ ឃើញ សាកសពចំនួន០២នាក់ គឺបុរសជាឪពុកឈ្មោះ ឌិត ឌា រកឃើញនៅម៉ោង២២ និង១៣នាទី យប់ ថ្ងៃ ខែ ឆ្នាំដដែល រកឃើញនៅចម្ងាយ ៤០០ម៉ែត្រ ពីចំណុចកើតហេតុទៅទិសខាងត្បូងបណ្ដោយទឹកហូរ និងសពកូនស្រីឈ្មោះ ឌិត សិរី រកឃើញនៅម៉ោង០០ និង៣០នាទីយប់រំលងអធ្រាតឈានចូលថ្ងៃទី១៧ ខែ កញ្ញា ឆ្នាំ២០២៥ រកឃើញនៅចម្ងាយប្រហែល ១១០០ ម៉ែត្រ ពីចំណុចកើតហេតុទៅទិសខាងត្បូងបណ្ដោយទឹកហូរ។ ដោយឡែកនៅសពម្ដាយឈ្មោះ តែន សាលែត យើងពុំទាន់រកឃើញនៅឡើយ ហើយនៅបន្តស្រាវជ្រាវតាមរក រហូតដល់យប់ ថ្ងៃទី១៧ ខែកញ្ញា ទើបរកឃើញ។
សូមបញ្ជាក់ ចំពោះកាណូតស្មាច់គឺបុកនៅជាប់កាត់ ទទឹង នឹងសន្ទះបារ៉ាស់ទឹកទីនោះ ជះមនុស្សធ្លាក់ទឹក។ ជម្រៅទឹកស្ទឹងប្រមាណជាង 3ម៉ែត្រ ។
មូលហេតុ: គ្រួសារជនរងគ្រោះបានជិះកាណូតស្មាច់ទៅរកនុយកូនក្អាត់ ចងរាយសន្ទូច (នេសាទ)។
បច្ចុប្បន្ន នៅវេលាម៉ោង ២ រសៀល ថ្ងៃទី១៨ ខែកញ្ញា ឆ្នាំ២០២៥ សាកសព ជនរងគ្រោះ មួយ គ្រួសារ ត្រូវបាន អាជ្ញាធរ បងប្អូន សាច់ញាតិ និង សមត្ថកិច្ច យកមកតម្កល់ធ្វើ បុណ្យតាមប្រពៃណី ខ្មែរ បូជា ធ្វើ មេន ដាក់នៅក្នុង ភូមិ ដើម្បីឧទ្ទិសកុសលដល់វិញ្ញាណក្ខន្ធ ក្រុមគ្រួសារ ជនរងគ្រោះ ទាំង.៣ នាក់ ឪពុក ម្តាយ និង កូនស្រី ផងដែរ៕
ចែករំលែកព័តមាននេះ