ប៉ាគីស្ថានផ្តួលកម្ពុជា ឈ្នះការប្រកួតជម្រុះបឋម World Cup លើកដំបូងបំផុតក្នុងប្រវត្តិសាស្ត្រ
- ភ្នំពេញ
ប្រទេសប៉ាគីស្ថាន ៖ ក្រុមបាល់ទាត់ជម្រើសជាតិបុរសរបស់ប្រទេសប៉ាគីស្ថាន បានបង្កើតប្រវត្តិសាស្ត្រ
ប្រទេសប៉ាគីស្ថាន ៖ ក្រុមបាល់ទាត់ជម្រើសជាតិបុរសរបស់ប្រទេសប៉ាគីស្ថាន បានបង្កើតប្រវត្តិសាស្ត្រថ្មី តាមរយៈការឈានទៅដល់ការប្រកួតវគ្គជម្រុះជុំទី២ ពានរង្វាន់ FIFA World Cup 2026 ប្រចាំតំបន់អាស៊ី បន្ទាប់ពីយកឈ្នះលើក្រុមភ្ញៀវកម្ពុជា ការប្រកួតជើងទី២ វគ្គជម្រុះជុំទី១ ដោយលទ្ធផល ១-០ នៅឯកីឡដ្ឋាន Jinnah Sports ដែលមានមូលដ្ឋាននៅក្នុងរដ្ឋធានីអ៊ីស្លាម៉ាបាដ កាលពីថ្ងៃទី១៧ ខែតុលា ឆ្នាំ២០២៣ កន្លងទៅ។ គួររំលឹកថា លោកហុងដា ជឿថា គោព្រៃកម្ពុជាអាចធ្វើបានពេលប៉ះម្ចាស់ផ្ទះប៉ាគីស្ថានរសៀលនេះ
នេះគឺជាលើកដំបូងបំផុតនៅក្នុងប្រវត្តិសាស្ត្រ ដែលប៉ាគីស្ថានឈ្នះការប្រកួតនៅក្នុងវគ្គជម្រុះបឋមពានរង្វាន់ FIFA World Cup បន្ទាប់ពីការប្រកួតជើងទី១ នៅឯពហុកីឡដ្ឋានជាតិអូឡាំពិក រាជធានីភ្នំពេញ កាលពីថ្ងៃទី១២ ខែតុលា កន្លងទៅ បញ្ចប់ទៅនៅក្នុងលទ្ធផល ០-០ ប៉ុន្តែការប្រកួតជើងទី២ នៅក្នុងរដ្ឋធានីអ៊ីស្លាម៉ាបាដឯណេះវិញ ខ្សែបម្រើ Harun Hamid រកគ្រាប់បាល់បញ្ចូលទីនៅនាទី៦៧ ហើយមួយគ្រាប់នេះគ្រប់គ្រាន់ ដើម្បីធានាបានជ័យជម្នះការប្រកួតនៅក្នុងផ្ទះលើកដំបូងសម្រាប់ប៉ាគីស្ថាន ចាប់តាំងពីឆ្នាំ ២០១៥ ហើយក៏ជាការឈ្នះការប្រកួតអន្តរជាតិលើកដំបូងសម្រាប់ប្រទេសអាស៊ីខាងត្បូងមួយនេះ ចាប់តាំងពីឆ្នាំ ២០១៨។
ការឈ្នះនៅក្នុងផ្ទះចុងក្រោយរបស់ប៉ាគីស្ថាន ដែលឈរនៅចំណាត់ថ្នាក់ទី ១៩៧ នៅលើពិភពលោក កើតឡើងកាលពីថ្ងៃទី៦ ខែកុម្ភៈ ឆ្នាំ២០១៥ ដោយបានផ្តួលអាហ្វហ្គានីស្ថានលទ្ធផល ២-១ នៅក្នុងជំនួបមិត្តភាព ខណៈដែលការឈ្នះការប្រកួតអន្តរជាតិចុងក្រោយរបស់ប្រទេសមានប្រជាជនសរុបប្រមាណ២៤១លាននាក់មួយនេះ កើតឡើងកាលពីថ្ងៃទី៨ ខែកញ្ញា ឆ្នាំ២០១៨ ដោយផ្តួលប៊ូតានលទ្ធផល ៣-០ នៅពានរង្វាន់ SAFF Suzuki Cup ដែលបង់ក្លាដែសធ្វើម្ចាស់ផ្ទះ។
ប៉ាគីស្ថាន នឹងជួបអារ៉ាប៊ីសាអូឌីត តាជីគីស្ថាន និងហ្សកដានី នៅក្នុងពូល G ការប្រកួតវគ្គជម្រុះជុំទី២ ពានរង្វាន់ FIFA World Cup 2026 ប្រចាំតំបន់អាស៊ី ដែលនឹងចាប់ផ្តើមនៅខែវិច្ឆិកាតទៅ។
គួរបញ្ជាក់ថា ព្រឹត្តិការណ៍បាល់ទាត់ពិភពលោក FIFA World Cup 2026 នឹងក្លាយជាព្រឹត្តិការណ៍ពិសេសជាងពេលណាៗទាំងអស់ និងជាការប្រកួតដំបូងបំផុតក្នុងប្រវត្តិសាស្ត្រ ដែលមាន៣ប្រទេសធ្វើជាសហម្ចាស់ផ្ទះគឺ កាណាដា ម៉ិកស៊ិក និងសហរដ្ឋអាមេរិក ខណៈរយៈពេល៩២ឆ្នាំកន្លងមកនេះ មានតែការប្រកួតនៅក្នុងឆ្នាំ ២០០២ ប៉ុណ្ណោះ ដែលជប៉ុន និងកូរ៉េខាងត្បូង ធ្វើម្ចាស់ផ្ទះរួមគ្នា។
ព្រឹត្តិការណ៍នៅឆ្នាំ ២០២៦ គឺជាការប្រកួតដំបូងបំផុតក្នុងប្រវត្តិសាស្ត្រ ដែលមានរហូតដល់៤៨ក្រុម ខុសពីទម្រង់ចាស់ ដែលមានត្រឹម៣២ក្រុមតែប៉ុណ្ណោះ។ ដោយទាំង៤៨ក្រុម នឹងត្រូវបែងចែកជា១៦ពូល ក្នុង១ពូល មាន៣ក្រុម ហើយក្រុមចំណាត់ថ្នាក់លេខ១ និង២ នៃពូលនិមួយៗ បន្តឡើងទៅវគ្គ៣២ក្រុមចុងក្រោយ។ ដោយសារមានដល់៤៨ក្រុម ដូច្នេះការប្រកួតនឹងមានរហូតដល់៨០ប្រកួត ខុសពីព្រឹត្តិការណ៍មុនៗ ដែលមានត្រឹមតែ ៦៤ប្រកួតតែប៉ុណ្ណោះ៕ (ប្រភពពី ៖ Aljazeera | រូបភាព ៖ សហព័ន្ធបាល់ទាត់កម្ពុជា)
Pakistan’s 5 year long 13 match winless run finally comes to an end, it was started by Stephen Constantine when he was India manager and now he’s ended it.#PakistanFootball #WeAre26 https://t.co/AsiFyJqL8c
— FootballPakistan.com (@FootballPak) October 17, 2023
Well played, boys! 👏
— Pakistan Cricket (@TheRealPCB) October 17, 2023
Congratulations to the Pakistan football team for putting in a brilliant display and winning against Cambodia to advance to the second round of the FIFA World Cup Qualifiers 🇵🇰🙌 pic.twitter.com/m60YlEZiJo
ចែករំលែកព័តមាននេះ