Ronaldo ផ្តល់សណ្ឋាគារប្រណីតខ្លួន ជាកន្លែងស្នាក់នៅសម្រាប់ជនរងគ្រោះរញ្ជួយដីនៅម៉ារ៉ុក
ម៉ារ៉ុក ៖ សណ្ឋាគារដែលជាកម្មសិទ្ធិរបស់កំពូលខ្សែប្រយុទ្ធព័រទុយហ្គាល់ Cristiano Ronaldo ស្ថិតនៅក្នុង
ម៉ារ៉ុក ៖ សណ្ឋាគារដែលជាកម្មសិទ្ធិរបស់កំពូលខ្សែប្រយុទ្ធព័រទុយហ្គាល់ Cristiano Ronaldo ស្ថិតនៅក្នុងប្រទេសម៉ារ៉ុក ត្រូវបានអនុញ្ញាតដាក់ឱ្យប្រើប្រាស់ជាកន្លែងជ្រកកោនសម្រាប់ជនរងគ្រោះ ដែលរស់រានមានជីវិតពីការរញ្ជួយដីដ៏អាក្រក់បំផុតនៅក្នុងប្រទេសនេះ កាលពីថ្ងៃទី៨ ខែកញ្ញា ឆ្នាំ២០២៣ កន្លងទៅ។ គួររំលឹកថា កាន់ទុក្ខ៣ថ្ងៃ! ក្រោយគ្រោះរញ្ជួយដីវា.យប្រហារម៉ារ៉ុក ឆ.ក់យកជីវិតមនុស្សជាង២ពាន់នាក់
ការរញ្ជួយដីកម្រិត ៦.៨ រ៉ិចទ័រ ស្ថិតនៅតំបន់ភ្នំ High Atlas ចម្ងាយប្រមាណ ៧១ គីឡូម៉ែត្រភាគនិរតីនៃទីក្រុង Marrakesh ដែលតាមរបាយការណ៍ចុងក្រោយរបស់សារព័ត៌មាន CNN នៅព្រឹកថ្ងៃទី១១ ខែកញ្ញា ឆ្នាំ២០២៣ បង្ហាញថា មនុស្សច្រើនជាង ២,១០០នាក់បានស្លា.ប់បាត់បង់ជិវិត និងច្រើនជាង ២,៤០០នាក់រងរបួស។ ជាលទ្ធផល ជនរងគ្រោះរស់រានមានជីវិតបាននាំគ្នាភៀសខ្លួនទៅកាន់អគារមួយចំនួន ដែលពួកគេអាចធ្វើបាន ដើម្បីស្វែងរកទីជំរក ដោយក្នុងនោះរួមទាំងសណ្ឋាគាររបស់កីឡាករ Cristiano Ronaldo ដែលស្ថិតនៅជាយក្រុង Marrakesh ផងដែរ ។
សណ្ឋាគារ Pestana CR7 Marrakech របស់ប្រធានក្រុមជម្រើសជាតិព័រទុយហ្គាល់វ័យ៣៨ឆ្នាំរូបនេះ គឺជាសណ្ឋាគារប្រណិតលំដាប់ផ្កាយបួន ដែលមាន ១៧៤បន្ទប់ រួមបញ្ចូលទាំងអាងហែលទឹកខាងក្រៅ កន្លែងហាត់ប្រាណ ភោជនីយដ្ឋាន និងកន្លែងពិសេសៗជាច្រើនផ្សេងទៀត។ ដោយសារតែពេលនេះ ប្រជាជនម៉ារ៉ុករងគ្រោះ បានព្យាយាមស្វែងទីជំរកស្នាក់នៅបណ្តោះអាសន្ន សណ្ឋាគារមួយនេះ បានសម្រេចបិទអាជីវកម្មខ្លួនបណ្តោះអាសន្ន ដើម្បីប្រើប្រាស់ទៅជាកន្លែងជ្រកកោនរបស់ជនរងគ្រោះដោយរញ្ជួយដីដ៏អាក្រក់នេះ។
ក្រៅពីសណ្ឋាគារប្រណិតរបស់ Cristiano Ronaldo ដែលបានបញ្ចេញសកម្មភាពមនុស្សធម៌ ចំពេលនៃសោកនា.ដកម្មនេះ គេក៏សង្កេតឃើញបណ្តាអង្គការ រួមនឹងអាជីវកម្មមួយចំនួន ដែលមានមូលដ្ឋាននៅក្នុងទីក្រុង Marrakech ក៏បានផ្តល់ជំនួយយ៉ាងច្រើនដល់អ្នករងផលប៉ះពាល់ ដោយការរញ្ជួយដីនេះផងដែរ៕ (ប្រភពពី Marca)
ចែករំលែកព័តមាននេះ