សហរដ្ឋអាមេរិក ៖ អតីត​បុគ្គលិក​ក្រុមហ៊ុន OceanGate ចំនួន​២​រូប បាន​ចេញ​មុខ​លាតត្រដាង​រឿង​អវិជ្ជមាន​នៅ​ពីក្រោយ​ក្រុមហ៊ុន​បើក​ដំណើរការ​សេវាកម្ម​នាវាមុជទឹក Titan ចុះ​ទៅ​មើល​ខ្មោ.ច​កប៉ាល់​ទី​តា​និក​នៅ​បាតសមុទ្រ​មួយ​នេះ មុន​កើត​មាន​សោ​.កនា.ដកម្ម​ផ្ទុះ​នាវាមុជទឹក ដែល​ឆ.ក់​យក​ជីវិត​មនុស្ស​៥​នាក់​ដ៏​រន្ធ.ត់​បំផុត កាលពី​ខែ​មុន​។ គួររំលឹកថា ក្រុមហ៊ុន Ocean Gate ប្រកាស​ដំណើរ​ផ្សងព្រេង​ថ្មី ចុះ​មើល​ខ្មោ​.​ច​នាវា Titanic ក្រោយ​សោ​.​ក​នា​.​ដ​កម្ម​ផ្ទុះ​នាវាមុជទឹក Titan ស្លា​.​ប់​៥​នាក់

លោក David Lochridge អតីត​នាយក​ប្រតិបត្តិការ​ដែនសមុទ្រ​របស់​ក្រុមហ៊ុន OceanGate និង​ធ្លាប់​ជា​ប្រធាន​អ្នក​បើក​នាវាមុជទឹក Titan បាន​ប្រដូច​នាវា​នេះ ទៅ​នឹង​ក្រូចឆ្មា​មួយ​ផ្លែ ហើយ​ទម្លាយ​ថា នាវាមុជទឹក Titan គ្មាន​សុវត្ថិភាព​ក្នុង​ការ​ជ្រមុជ​ទឹក​នៅ​ក្នុង​ឆ្នាំ ២០១៨​។

នៅ​ក្នុង​ឆ្នាំ ២០១៨ លោក David Lochridge បាន​ត្រួតពិនិត្យ​គំរូ​នាវាមុជទឹក Titan របស់​ក្រុមហ៊ុន OceanGate ហើយ​គាត់​បាន​រក​ឃើញ​ទិដ្ឋភាព​សំខាន់​ៗ ជា​ច្រើន ដែល​មាន​លក្ខណៈ​ខុសឆ្គង ឬ​មិន​ត្រូវ​បាន​បញ្ជាក់​។ ក្រោយមក គាត់​បាន​សរសេរ​របាយការណ៍​លម្អិត​អំពី​បញ្ហា រួម​ទាំង​ការ​ព្រួយបារម្ភ​អំពី​សំបក​សរសៃ​កា​បោ​ន​របស់​នាវា ដែល​ឥឡូវនេះ អ្នកជំនាញ​ជឿ​ថា បញ្ហា​នេះ អាច​គឺជា​អ្វី​ដែល​បរាជ័យ​ក្នុង​ដំណើរ​ជ​ម្រុ​ជ​ទឹក​របស់​នាវា Titan ដែល​បាន​ឆ.ក់​ជីវិត​មនុស្ស​៥​នាក់​នៅ​ក្នុង​នោះ ដើម្បី​ដាក់​ជូន​លោក Stockton Rush នាយក​ប្រតិបត្តិ​ក្រុមហ៊ុន OceanGate និង​ជា​មនុស្ស​ម្នាក់​ក្នុង​ចំណោម​៥​នាក់ ដែល​ស្លាប់​នៅ​ក្នុង​សោ​.កនា.ដកម្ម កាលពី​ខែ​មុន​។

លោក David Lochridge បាន​បន្ត​ថា គ្រានោះ លោក Stockton Rush បង្ហាញ​ការ​ខឹងសម្បារ​យ៉ាង​ខ្លាំង បន្ទាប់​ពី​ឃើញ​របាយការណ៍​អំពី​បញ្ហា​នាវា ហើយ​បាន​ទទូច​ថា ពុំ​ចាំបាច់​មានការ​ធ្វើតេស្ត​លើ​សំបក​នាវា​នោះ​ទេ​។ លោក Rush មិន​អើពើ​នឹង​ការ​ព្រមា.ន​ម្តង​ហើយ​ម្តងទៀត​ពី​ខាងក្នុង និង​ខាងក្រៅ​ក្រុមហ៊ុន​អំពី​បញ្ហា ដែល​អាច​កើត​មាន​ជាមួយ​នាវា ហើយ​បា​នប​ដិ​សេ​មិន​ឱ្យ​មានការ​ចាត់​ថ្នាក់​ដោយ​ភ្នាក់ងា​រវិ​ញ្ញាប​ន​ប័ត្រ​សមុទ្រ ដោយសារ​តែ​គាត់​ជឿ​ថា វា​នឹង​រំខាន​ដល់​ការ​ច្នៃប្រឌិត​។ ទាំងនេះ​គឺជា​ការ​អះអាង​របស់​លោក David Lochridge ដែល​ត្រូវ​បាន​ក្រុមហ៊ុន OceanGate បណ្តេញ​ចេញពី​តំណែង បន្ទាប់​ពី​បង្ហាញ​ការ​ព្រួយបារម្ភ​ពាក់ព័ន្ធ​សុវត្ថិភាព​នាវា​។

ដោយឡែក អតីត​នាយក​ផ្នែក​ហិរញ្ញវត្ថុ និង​រដ្ឋបាល​ក្រុមហ៊ុន OceanGate ដែល​មិន​បង្ហាញ​ឈ្មោះ​បាន​ថ្លែងប្រាប់​សារព័ត៌មាន The New Yorker ថា នៅ​ក្នុង​ឆ្នាំ ២០១៨ លោក Stockton Rush នាយក​ប្រតិ​បត្តិ​ក្រុមហ៊ុន OceanGate បាន​ស្នើ​សុំ​រូប​នាង​ក្លាយជា​អ្នក​បើក​នាវា Titan ដែល​ការ​ស្នើ​នេះ​កើតឡើង ក្រោយ​ការ​បណ្តេញ​លោក David Lochridge ចេញពី​តំណែង​។

នាង​បាន​និយាយ​ថា ការ​ស្នើ​របស់​លោក Rush ធ្វើ​ឱ្យ​នាង​ភ័.យ​ខ្លា.ច ដោយសារ​ប្រវត្តិ​ការងារ​របស់​នាង​គឺ​ផ្នែក​គណនេយ្យ​ប៉ុណ្ណោះ​។ ហើយ​ចាប់តាំងពី​លោក Lochridge លែង​ធ្វើការ​នៅ​ក្រុមហ៊ុន OceanGate នាង​មិន​ទុកចិត្ត​លោក Rush នោះ​ទេ ទើប​នាង​សម្រេចចិត្ត​លាឈប់​ពី​ការងារ​ភ្លាម​ៗ​តែ​ម្តង​។

អតីត​នាយក​ផ្នែក​ហិរញ្ញវត្ថុ​រូប​នេះ បាន​បន្ថែម​ថា វិស្វករ​របស់​ក្រុមហ៊ុន OceanGate ខ្លះ​ជា​ក្មេង​ជំទង់ នៅ​ពេល​ដែល​ពួក​គេ​ធ្វើការ​ឱ្យ​ក្រុមហ៊ុន ខណៈ​ដែល​អ្នក​ផ្សេង​ទៀត​មាន​អាយុ ២០​ឆ្នាំ​ប៉ុណ្ណោះ ហើយ​វិស្វករ​មួយ​ចំនួន​ក៏​ទទួល​បាន​ប្រាក់​ថ្លៃ​ពលកម្ម​ចំនួន ១៥​ដុល្លារ​ក្នុង​មួយ​ម៉ោង​ផង​ដែរ​។

គួរ​រំលឹក​ជូន​ថា នាវាមុជទឹក Titan បាន​បាត់ដាន កាលពី​ថ្ងៃ​ទី​១៨ ខែមិថុនា កន្លង​ទៅ ខណៈ​ពេល​ដែល​កំពុង​ដឹក​មនុស្ស​៥​នាក់ ដែល​សុទ្ធតែ​អ្នកមាន​ទ្រព្យ​ចាយ​មិន​អស់ ក្នុង​នោះ​រួម​ទាំង​លោក Stockton Rush ដើម្បី​ចុះ​ទៅ​ទស្សនា​កប៉ាល់​ទី​តា​និក ដែល​ស្ថិត​នៅ​ជម្រៅ ៣,៨០០​ម៉ែត្រ​ពី​ផ្ទៃ​ទឹក​នៃ​សមុទ្រ​អា​ត្ល​ង់​ទិ​ក ប្រទេស​កា​ណា​ដា ដែល​ក្រោយមក​ត្រូវ​បាន​ប្រកាស នាវ​មុជទឹក​នោះ​បាន​ផ្ទុះ​នៅ​ក្នុង​ទឹក ហើយ​មនុស្ស​នៅ​ក្នុង​នោះ​ត្រូវ​បាន​បញ្ជាក់​ថា បាត់បង់​ជីវិត​ទាំងអស់​៕ (​ដកស្រង់​ចេញពី Insider)