សហរដ្ឋអាមេរិក ៖ Ocean Gate ដែល​ជា​ក្រុមហ៊ុន​ដំណើរការ​នាវាមុជទឹក Titan ចុះ​ទៅ​ទស្សនា​ខ្មោ.ច​កប៉ាល់​ទី​តា​និក​នៅ​បាតសមុទ្រ ដែល​ទើបតែ​បង្ក​សោ​នាដកម្ម​ដ៏​រន្ធ.ត់​ផ្ទុះ​ស្លា.ប់​មនុស្ស​ចំនួន​៥​នាក់ កាលពី​ខែ​មុន​នោះ ថ្មី​ៗ​នេះ ក្រុមហ៊ុន​បាន​បង្ហាញ​កាលបរិច្ឆេទ​បេសកកម្ម​ផ្សងព្រេង​ថ្មី នៅ​លើ​គេហទំព័រ​ផ្លូវការ​របស់​ខ្លួន​។ គួររំលឹកថា រក​ឃើញ​ហើយ​! បំណែក​នាវាមុជទឹក Titan បា​.​ត់​ដាន និង​បំណែក​សាកស​.​ព​មនុស្ស​ជិះ​ក្នុង​នាវា

នៅ​ក្នុង​ការ​ផ្លាស់​ប្តូរ​ដ៏​គួរ​ឱ្យ​ភ្ញាក់ផ្អើល​មួយ ក្រុមហ៊ុន OceanGate បាន​កំណត់ពេល​បេសកកម្ម​ថ្មី​ចំនួន​២ ដើម្បី​ចុះ​ទៅ​ទស្សនា​ខ្មោ.ច​កប៉ាល់​ទី​តា​និក ដែល​គ្រោង​នឹង​ធ្វើ​ឡើង​នៅ​ឆ្នាំ​ក្រោយ​។ ការ​ធ្វើ​ដំណើរ​លើក​ទី​១ នឹង​ចាប់ផ្តើម​ពី​ថ្ងៃ​ទី​១២ ខែមិថុនា ដល់​ថ្ងៃ​ទី​២០ ខែមិថុនា ឆ្នាំ​២០២៤ ខណៈ​លើក​ទី​២ នឹង​ធ្វើ​ឡើង​នៅ​ចន្លោះ​ថ្ងៃ​ទី​២១ ខែមិថុនា ដល់​ថ្ងៃ​ទី​២៩ ខែមិថុនា ឆ្នាំ​២០២៤​។ នេះ​បើ​យោង​តាម​គេហ​ទំព័រ​​ផ្លូ​វ​ការ​របស់ OceanGate បាន​ចេញផ្សាយ​។

ដោយឡែក សម្រាប់​តម្លៃ​នៃ​ការ​ធ្វើ​ដំណើរ​នីមួយ​ៗ ត្រូវ​បាន​កំណត់​ក្នុង​តម្លៃ ២៥​ម៉ឺន​ដុល្លារ​អា​មេ​រិ​ក​សម្រាប់​មនុស្ស​ម្នាក់ គ្របដណ្តប់​លើ​ការ​ផ្តល់​ជូន​នាវា​ជ្រមុជ​ទឹក​មួយ​គ្រឿង កន្លែង​ស្នាក់​នៅ​ឯកជន ការ​ហ្វឹកហាត់ និង​ឧបករណ៍​បេសកកម្ម ក៏​ដូច​ជា​អាហារ​ហូប​ចុក​ក្នុង​នាវា បូក​រួម​គ្រឿង​បរិក្ខារ Wi-Fi នឹង​ត្រូវ​បាន​ផ្តល់​ជូន ដូច្នេះ​អ្នកចូលរួម​អាច​បន្ត​ភ្ជាប់​ទំនាក់ទំនង​ពេញ​មួយ​បេសកកម្ម​រយៈពេល​៨​ថ្ងៃ​។

គេហទំព័រ​នេះ បាន​បង្ហាញ​រូបភាព​កម្រ និង​អសកម្ម​នៃ​ទឹក​ពណ៌​ខៀវ​ជ្រៅ ហើយ​បាន​សន្យា​ថា នឹង​មានការ​ផ្សងព្រេង​ពេញ​មួយ​ជីវិត ដោយ​រុករក​កប៉ាល់​ទី​តា​និក ដែល​ស្ថិត​នៅ​ជម្រៅ ៣,៨០០​ម៉ែត្រ​ពី​ផ្ទៃ​ទឹក​នៃ​ឆ្នេរសមុទ្រ​អា​ត្ល​ង់​ទិ​ក ប្រទេស​កា​ណា​ដា ខណៈ​ដែល​លក្ខខណ្ឌ​មាន​តែ​មួយ​គត់​សម្រាប់​ដំណើរ​ផ្សងព្រេង​នេះ គឺ​អ្នកចូលរួម​ត្រូវ​មាន​អាយុ​យ៉ាង​ហោច​ណាស់ ១៧​ឆ្នាំ ឬ​ចាស់​ជាង​នេះ​។

ការ​ប្រកាស​អំពី​ដំណើរ​ផ្សងព្រេង​នា​ពេល​ខាង​មុខ​របស់​ក្រុមហ៊ុន Ocean Gate កើតឡើង​ប៉ុន្មាន​ថ្ងៃ បន្ទាប់​ពី​កងទ័ពជើងទឹក​អា​មេ​រិ​កបាន​ប្រកាស​ថា មនុស្ស​៤​នាក់ ដែល​សុទ្ធតែ​ជា​អ្នក​ទ្រព្យ​ចាយ​មិន​អស់ ដែល​ស្ថិត​ក្នុង​នាវាមុជទឹក Titan រួម​ទាំង​នាយក​ប្រតិបត្តិ​ក្រុមហ៊ុន Ocean Gate លោក Stockton Rush ដែល​បាន​បាត់ដាន​កាលពី​ថ្ងៃ​ទី​១៨ ខែមិថុនា ឆ្នាំ​២០២៣ បាន​ស្លា.ប់​នៅ​ក្នុង​ឧបទ្ទវហេតុ​ផ្ទុះ​នៅ​ក្នុង​ទឹក ដោយសារ​រង​សម្ពាធ​ទឹក​ខ្លាំង​។

អ្នក​ជិះ​ក្នុង​នាវាមុជទឹក Titan ទាំង​៥​នាក់ ដែល​ស្លា​.​ប់​បាត់បង់​ជីវិត​រួម​មាន​៖
ទី​១-​លោក Hamish Harding មហាសេដ្ឋី​ជនជាតិ​អង់គ្លេស និង​ជា​អ្នក​ស្រាវជ្រាវ​នៅ​ទី​អវកាស និង​នៅ​បាតសមុទ្រ
ទី​២-​លោក Paul-Henri Nargeolet ជនជាតិ​បារាំង ដែល​ជា​បញ្ជា​នាវាមុជទឹក​ទី​តាន
ទី​៣-​លោក Stockton Rush អគ្គនាយក​ក្រុមហ៊ុន OceanGate Expeditions ដែល​ជា​អ្នក​រៀបចំ​ដំណើរ​ទៅ​ពិនិត្យ​ខ្មោ​.​ច​កា​ប៉ា​ល់​ទី​តា​និក
ទី​៤ និង​ទី​៥-​ឪពុក​កូន​ដែល​ជា​អ្នកជំនួញ​ជនជាតិ​ប៉ា​គី​ស្ថាន គឺ​លោក Shahzada Dawood និង​កូនប្រុស​ឈ្មោះ Suleman Dawood ៕ (​ប្រភព​ពី Wionews)