ខេត្តកំពង់ចាម ៖ ភ្លៀងធ្លាក់១មេលាយឡំដោយខ្យល់កន្ត្រាក់ បានធ្វើឲ្យឆត្រសម្រាប់ដាក់ឲ្យម្លប់នៅក្រោយផ្សារបឹងកុក ក្រុងកំពង់ចាម ប៉ើងរប៉ាត់រប៉ាយ ហើយនៅតាមស្រុកផ្សេងទៀតដូចជាកោះសូទិន និងស្រុកកងមាសជាដើមលំនៅឋានជាច្រើនខ្នងបានរបើកដំបូល ជញ្ជាំងនិងខ្លះទៀតបាក់រាបដល់ដីក៏មាន ។…
ខេត្តកំពង់ចាម ៖ ភ្លៀងធ្លាក់១មេលាយឡំដោយខ្យល់កន្ត្រាក់ បានធ្វើឲ្យឆត្រសម្រាប់ដាក់
ឲ្យម្លប់នៅក្រោយផ្សារបឹងកុក ក្រុងកំពង់ចាម ប៉ើងរប៉ាត់រប៉ាយ ហើយនៅតាមស្រុកផ្សេងទៀត
ដូចជាកោះសូទិន និងស្រុកកងមាសជាដើមលំនៅឋានជាច្រើនខ្នងបានរបើកដំបូល ជញ្ជាំងនិងខ្លះទៀតបាក់រាបដល់ដីក៏មាន ។ គ្រោះធម្មេជាតិនេះ បានកើតឡើងកាលពីរសៀលថ្ងៃទី១០ ខែកក្កដា ឆ្នាំ២០២៥កន្លងទៅ តែមិនមានមនុស្សណាម្នាក់រងរបួស ឬស្លាប់ទេ ។
តាមប្រភពព័ត៌មានពីសមត្ថកិច្ចឲ្យដឹងថា នៅថ្ងៃទី១០ ខែកក្កដា ឆ្នាំ២០២៥នោះ វេលាម៉ោងប្រហែល៣និង៣៥នាទីរសៀល នៅស្រុកកងមាសមានភ្លៀងធ្លាក់លាយឡំដោយខ្យល់កន្ត្រាក់ បណ្តាលឱ្យខូចខាតផ្ទះនៅឃុំព្រែកក្របៅចំនួន៧ខ្នង ។
រីឯលោក យី វណ្ណៈ អភិបាលស្រុកកោះសូទិន ថ្លែងថា នៅថ្ងៃទី១០ ខែកក្កដានោះ វេលាម៉ោងប្រមាណ៤និង៣០នាទី មានភ្លៀងធ្លាក់លាយឡំដោយខ្យល់កន្ត្រាក់ បណ្ដាលឱ្យរលំផ្ទះ១ខ្នង ទំហំ៤ម៉ែត្រគុណនឹង៥ម៉ែត្រ ធ្វើអំពីឈើ ប្រក់ស័ង្កសី ។
ចំណែកនៅស្រុកកំពង់សៀម នាថ្ងៃជាមួយគ្នានោះ វេលាម៉ោងប្រមាណ៤និង២០នាទី រសៀល ខ្យល់កន្ត្រាក់បានប៉ះទង្គិចទៅលើឃុំចំនួន ៦ឃុំ រលំដើមឈើ៤ដើម របើកដំបូលផ្ទះ ៨ខ្នង និងរលំបាក់បង្គោលភ្លើង ១ដើម ៕
ចែករំលែកព័តមាននេះ