ទីក្រុងធានជីន ៖ ប្រទេសចិន និងវៀតណាម ជាប្រទេសជិតខាង ដែលមានភូមិផងរបងជាមួយគ្នា ហើយតែងតែគោរព និងឱ្យតម្លៃគ្នាទៅវិញទៅមក។ ហើយវៀតណាមជានិច្ចកាល តែងផ្តល់អាទិភាពកំពូលយ៉ាងខ្ជាប់ខ្ជួន…
ទីក្រុងធានជីន ៖ ប្រទេសចិន និងវៀតណាម ជាប្រទេសជិតខាង ដែលមានភូមិផងរបងជាមួយគ្នា ហើយតែងតែគោរព និងឱ្យតម្លៃគ្នាទៅវិញទៅមក។ ហើយវៀតណាមជានិច្ចកាល តែងផ្តល់អាទិភាពកំពូលយ៉ាងខ្ជាប់ខ្ជួន និងប្តេជ្ញាធ្វើការជាមួយប្រទេសចិន ដើម្បីអភិវឌ្ឍភាពជាដៃគូ សហប្រតិបត្តិការជាយុទ្ធសាស្ត្រលើគ្រប់ជ្រុងជ្រោយសហគមន៍ ចែករំលែកអនាគតរួមចិន-វៀតណាម គឺពិតជាមានសារៈសំខាន់ជាយុទ្ធសាស្ត្រសំដៅធ្វើយ៉ាងណា ដើម្បីលើកកម្ពស់សុភមង្គលជូនប្រជាជន នៃប្រទេសទាំងពីរ និងក៏ដើម្បីបុព្វហេតុសន្តិភាព និងវឌ្ឍនភាពរបស់មនុស្សជាតិ ។
ប្រទេសចិន និងវៀតណាម បានភ្ជាប់ទំនាក់ទំនងការទូតផ្លូវការជាមួយគ្នា នាថ្ងៃទី១៨ ខែមករា ឆ្នាំ១៩៥០។ ក្នុងរយៈពេល៧៥ឆ្នាំ ចាប់តាំងពីបង្កើតទំនាក់ទំនងការទូតផ្លូវការនេះប្រទេសទាំងពីរ ប្រកាន់យកនិន្នាការសំខាន់បំផុតក្នុងទំនាក់ទំនង គឺដើម្បីរឹតចំណងមិត្តភាព និងកិច្ចសហប្រតិបត្តិការ។ ចំណងមិត្តភាពរវាងប្រទេសចិន និងវៀតណាម គឺជាទំនាក់ទំនងក្នុងនាមជា «សមមិត្តរួមសមរភូមិផង និងជាបងប្អូនផង» ដែលបានបង្កើតឡើងដោយសារលោកប្រធានហូជីមិញ និងលោកប្រធានាធិបតីចិន ម៉ៅ សេទុង និងបានបីបាច់ថែរក្សាជាបន្តបន្ទាប់ ដោយថ្នាក់ដឹកនាំជាច្រើនជំនាន់ នៃប្រទេសទាំងពីរ ហើយបានក្លាយទៅជាទ្រព្យសម្បត្តិដ៏អស្ចារ្យ និងមិនអាចកាត់ថ្លៃបានរបស់ប្រជាជន នៃប្រទេសទាំងពីរ ។
ក្រោមម្លប់ដឹកនាំរបស់បក្សកុម្មុយនីស្តទាំងពីរ ប្រជាជន នៃប្រទេសទាំងពីរ តែងតែជួយឧបត្ថម្ភគាំទ្រគ្នាទៅវិញទៅមកដោយស្មោះអស់ពីចិត្ត ដែលបានរួមចំណែកដល់ទទួលបានជ័យជម្នះ នៃបដិវត្តន៍ ក្នុងបុព្វហេតុរំដោះជាតិ កសាង និងអភិវឌ្ឍន៍ប្រទេសជាតិតាមទិសដៅសង្គម និយមរបស់ប្រទេសនីមួយៗ ។
សមិទ្ធផល នៃកិច្ចសហប្រតិបត្តិការចិន-វៀតណាម ក្នុងរយៈពេលកន្លងមក ទំនាក់ទំនងចិន-វៀតណាម ត្រូវបានបន្តមើលឃើញថា បានលើកកម្ពស់ជាបន្តបន្ទាប់ រហូតបានឈានដល់ចំណុចកំពូលថ្មី និងសម្រេចបាននូវសមិទ្ធផលសំខាន់ៗជាច្រើនគួរឱ្យកត់សម្គាល់ ។
ប្រជាជន នៃប្រទេសទាំងពីរ បានឈរប្រកៀកស្មាគ្នា ផ្តល់ការឧបត្ថម្ភគាំទ្រ និងជួយគ្នាទៅវិញទៅមក ប្រកបដោយអត្ថន័យដ៏អស្ចារ្យបានរួមចំណែកយ៉ាងសំខាន់ដល់ភាពជោគជ័យ នៃបដិវត្តន៍រំដោះជាតិ សាង និងអភិវឌ្ឍន៍ប្រទេសជាតិនីមួយៗ ។ នាឆ្នាំ២០២៥នេះប្រទេស ចិននឹងរៀបចំព្រឹត្តិការណ៍អន្តរជាតិសំខាន់ៗ ដើម្បីជំរុញកិច្ចសហប្រតិបត្តិការពហុភាគី និងមានការចូលរួមពីសំណាក់ប្រទេសនានានៅជុំវិញពិភពលោក រួមទាំងប្រទេសវៀតណាមផងដែរ ។
ដើម្បីបន្តជំរុញទំនាក់ទំនងល្អរវាងប្រទេសទាំងពីរ ថ្នាក់ដឹកនាំជាន់ខ្ពស់របស់វៀតណាម អញ្ជើញ ទៅចូលរួម ពិធីរំលឹកខួបលើកទី៨០ នៃថ្ងៃជ័យជម្នះលើរបបហ្វាស៊ីសនិយមជប៉ុនរបស់ប្រជាជនចិន និងសន្និសីទអង្គការសហប្រតិបត្តិការសៀងហៃ(Shanghai Cooperation Organisation-SCO) ។ ទាំងនេះ គឺជាព្រឹត្តិការណ៍ដែលមានសារៈសំខាន់ផ្នែកនយោបាយ និងការទូតដែលបានបង្ហាញអំពីតួនាទី និងជំហរកាន់តែរីកចម្រើនរបស់ចិនទាំងក្នុងតំបន់ និងពិភពលោក ។
នៅក្នុងព្រឹត្តិការនោះ មានការរំពឹងទុកថា ថ្នាក់ដឹកនាំនៃបណ្តាប្រទេសដែលចូលរួម នឹងចុះហ ត្ថលេខា និងឆ្លង “សេចក្តីប្រកាសទីក្រុងធានជីន-Tianjin Declaration” អនុម័ត “យុទ្ធសាស្ត្រ អភិវឌ្ឍន៍ SCO សម្រាប់១០ឆ្នាំបន្ត” និងដាក់ចេញនូវឯកសារសំខាន់ៗមួយចំនួន ទាក់ទងទៅ និង ពិធីរំលឹកខួបលើកទី៨០ នៃថ្ងៃទទួលបានជ័យជម្នះលើរបបហ្វាស៊ីសជប៉ុន សំដៅរួមចំណែក ក្នុងការពង្រឹង និងពង្រីកយន្តការកិច្ចសហប្រតិបត្តិការ ពិភាក្សាឱ្យកាន់តែស៊ីជម្រៅបន្ថែម ទៀត អំពីកិច្ចសហប្រតិបត្តិការអន្តរជាតិ និងតំបន់ ក៏ដូចជាជំរុញកិច្ចសហប្រតិបត្តិការពហុភាគី លើវិស័យនយោបាយ សន្តិសុខ សេដ្ឋកិច្ច ពាណិជ្ជកម្ម និងវប្បធម៌។
តាមរយៈព្រឹត្តិការណ៍ទាំងនេះ ប្រទេសវៀតណាមមានភាពជឿជាក់ថា ជំហររបស់ខ្លួនក្នុងទំនា ក់ទំនងជាមួយចិន នឹងត្រូវបានលើកកម្ពស់បន្ថែមទៀត ហើយនឹងធ្វើការសហការ ជាមួយ ប្រទេសចិន ដើម្បីជំរុញ និងធ្វើឱ្យកាន់តែស៊ីជម្រៅបន្ថែមទៀត ក្នុងក្របខណ្ឌនៃភាព ជាដៃគូស ហប្រតិបត្តិការយុទ្ធសាស្ត្រគ្រប់ជ្រុងជ្រោយ ជាសហគមន៍ចែករំលែកអនាគតរួមចិន-វៀតណា ម ដើម្បីធ្វើឱ្យទំនាក់ទំនងរវាងប្រទេសទាំងពីរនេះ ឈានដល់កម្រិតកំពូល ថ្មីមួយ។ ទន្ទឹមនឹង នោះ យន្តការនៃការផ្លាស់ប្តូរ និងកិច្ចសហប្រតិបត្តិការចម្រុះ តាមរយៈគ្រ ប់បណ្តាញ គ្រប់វិស័យ ចាប់ពីថ្នាក់កណ្តាលដល់មូលដ្ឋាន នឹងទទួលបានការវិវឌ្ឍកាន់ តែខ្លាំងឡើង ដែលរួមចំ ណែកដល់ការពង្រឹង និងធ្វើឱ្យកាន់តែស៊ីជម្រៅបន្ថែមទៀត នូវខ្លឹមសារនៃក្របខ័ណ្ឌ ភាពជាដៃ គូសហប្រតិបត្តិការយុទ្ធសាស្ត្រគ្រប់ជ្រុង ជ្រោយ ។
គួររំលឹកផងដែរថា ទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសចិន និងវៀតណាម បាននិងកំពុងរីកចម្រើនយ៉ាងខ្លាំង ដែលបាននាំមកនូវផលប្រយោជន៍ជាក់ស្តែ ងជាច្រើនដល់ ប្រជាជននៃប្រទេសទាំងពីរ។ ក្នុងរយៈពេលបីទស្សវត្សកន្លងមកនេះ ទំហំពាណិជ្ជកម្មទ្វេភាគី រវាងប្រទេសទាំងពីរ បានកើនឡើងជាង ៦,៤០០ ដង និងបានឈានដល់កម្រិតកំពូលថ្មី កើន លើស ២០០ពាន់លានដុល្លារអាម៉េរិក ធៀបនឹងក្នុងឆ្នាំ២០២៤។ ក្នុងរយៈពេល៧ខែដំបូង នៃឆ្នាំ២០២៥ ទំហំពាណិជ្ជកម្មទ្វេភាគីរវាងចិន និងវៀតណាម បានឈានដល់១៣៦.៤៧៧ ពាន់លានដុល្លារអាម៉េរិក (កើនឡើង ១៧.៤៦% ធៀបនឹងរយៈពេលដូចគ្នាក្នុងឆ្នាំ២០២៤)។ វៀតណាមនៅតែជាដៃគូពាណិជ្ជកម្មធំជាងគេរបស់ចិនក្នុងតំបន់អាស៊ាន បានកើនឡើង និងក្លា យជាដៃគូពាណិជ្ជកម្មធំជាងគេទី៤ របស់ចិនក្នុងពិភពលោក។ ចិនគឺជាដៃគូពាណិជ្ជកម្មធំបំផុត របស់វៀតណាម។រហូតមកទល់ពេលនេះ ប្រទេសចិនបានក្លាយជាប្រទេសដែលបានដាក់ទុ នវិនិយោគបរទេសធំជាងគេទី៣នៅវៀតណាម ដោយមានចំនួននាំមុខគេក្នុងគម្រោងវិនិយោ គថ្មីៗ។ទាក់ទងនិងការផ្លាស់ប្តូររវាងប្រជាជន និងប្រជាជន វប្បធម៌ អប់រំ និងទេសចរណ៍ ចិន និងវៀតណាម ទទួលបានលទ្ធផលជាទីមោទនៈជាច្រើន មានភាពរស់រវើក និងក្លាយជាចំណុ ចដ៏ភ្លឺស្វាងថ្មីមួយ បានរួមចំណែកដល់ការពង្រឹងមូលដ្ឋានសង្គមឱ្យកាន់តែមានភាពរឹងមាំ បន្ថែម ទៀត នៅក្នុងទំនាក់ទំនងរវាយចិន និងវៀតណាម។ចក្ខុវិស័យសម្រាប់ទំនាក់ទំនងរវាងចិន និង វៀតណាម ក្នុងយុគសម័យថ្មីនៃការអភិវឌ្ឍចាប់ពីពេលនេះរហូតដល់ឆ្នាំ២០៣០ បន្តដល់ឆ្នាំ ២០៤៥ និង២០៥០ គឺជាពេលវេលាដ៏សំខាន់ដែលទាក់ទងនឹងព្រឹត្តិការណ៍សំខាន់ៗ ក្នុងដំ ណើរការបដិវត្តន៍របស់បក្សកុម្មុយនីសទាំងពីរ និងប្រទេសទាំងពីរ គឺជាដំណាក់កាល នៃការ រៀបចំសណ្តាប់ធ្នាប់ពិភពលោកជាថ្មី បើកឱកាសដ៏អស្ចារ្យ ហើយក៏នឹងកើតមានបញ្ហាប្រឈ មជាច្រើនចំពោះប្រទេសនានា។សម្រាប់ប្រទេសចិន នេះគឺជាដំណាក់កាលដ៏សំខាន់មួយ ដែល ជាជំហានបន្ទាប់ក្នុងការសម្រេចបាននូវគោលដៅ១00ឆ្នាំទីពីរ នៃការកសាងសាធារណរដ្ឋប្រជា មានិតចិន ទៅជាមហាអំណាចសង្គមនិយមទំនើប រុងរឿង រឹងមាំ ប្រជាធិបតេយ្យ ស៊ីវិល័យ សុខដុមរមនា និងស្រស់ស្អាត ។
សម្រាប់ប្រទេសវៀតណាម នេះគឺជាឱកាសយុទ្ធសាស្ត្រដ៏ សំខាន់បំផុត គឺជាដំណាក់កាលបោះ ជំហានទៅមុខដើម្បីបង្កើតសករាជថ្មីនៃការអភិវឌ្ឍប្រទេសជាតិ និងសម្រេចបាននូវឆន្ទៈរបស់ លោកប្រធាន ហូជីមិញ គឺ “កសាងប្រទេសវៀតណាមសន្តិភាព ឯកភាព ឯករាជ្យ ប្រជាធិ បតេយ្យ និងវិបុលភាព និងក៏ជាការរួមចំណែកដ៏សក្តិសមក្នុងបុព្វហេតុបដិវត្តន៍ពិភពលោក”។
បរិបទខាងលើ ប្រទេសចិន និងវៀតណាម នឹងដាក់ចេញនូវទស្សនៈវិស័យអន្តរជាតិ និងសកម្ម ភាពជាតិ ជាច្រើន ដើម្បីប្រើប្រាស់ឱកាសជាយុទ្ធសាស្ត្រ បំប្លែងបញ្ហាប្រឈមទៅជាឱកាស និងកសាងអនាគតដ៏រុងរឿងសម្រាប់ប្រជាជននៃប្រទេសទាំងពីរ។
អគ្គលេខាធិការបក្ស និងជាប្រធានរដ្ឋ នៃសាធារណរដ្ឋប្រជាមានិតចិន លោក Xi Jinping បានវាយតម្លៃយ៉ាងស៊ីជម្រៅថា “ចិន និងវៀតណាម គឺជាសមាជិកដែលមានភាព ទំនួលខុស ត្រូវខ្ពស់ ក្នុងសហគមន៍អន្តរជាតិ។ ប្រទេសទាំងពីរគួរតែក្លាយជាកម្លាំងស្នូល ក្នុងការលើក កម្ពស់បុព្វហេតុនៃវឌ្ឍនភាពរបស់មនុស្សជាតិ”។
អគ្គលេខាបក្សកុម្មុយនីស្តវៀតណាម លោក To Lam បានលើកឡើងថា ពេលនេះ គឺជាពេល វេលាដែលប្រកបដោយភាពអំណោយផលសម្រាប់បក្ស និងប្រទេសទាំងពីរ ក្នុងការរួមគ្នា កំណត់ចក្ខុវិស័យសម្រាប់យុគសម័យថ្មីនៃការអភិវឌ្ឍ នៅក្នុងទំនាក់ទំនងរវាងចិន និងវៀត ណាម ដើម្បីសុភមង្គលរបស់ប្រជាជននៃប្រទេសទាំងពីរ និងដើម្បីបុព្វហេតុសន្តិភាព និងវឌ្ឍន ភាពរបស់មនុស្សជាតិ។នាពេលខាងមុខ យើងមើលឃើញថា ប្រទេសចិន និងវៀតណាម នឹងបន្តធ្វើឱ្យកាន់តែស៊ីជម្រៅបន្ថែមទៀត នូវភាពជាដៃគូសហប្រតិបត្តិកា រយុទ្ធសាស្ត្រគ្រប់ជ្រុ ងជ្រោយ ដើម្បីជំរុញការកសាង សហគមន៍ចែករំលែកអនាគតរួម ចិន-វៀតណាម ដែលមាន អត្ថន័យជាយុទ្ធសាស្ត្រ សំដៅធ្វើការអភិវឌ្ឍប្រទេសឱ្យបានយ៉ាងឆាប់រហ័ស និងនិរន្តរភាព ដើម្បីកសាងសង្គមនិយមប្រកបដោយជោគជ័យក្នុងប្រទេសនីមួយៗ ឈានចូលយុគស ម័យថ្មី នៃការអភិវឌ្ឍយ៉ាងរឹងមាំ រួមចំណែកកាន់តែសកម្ម ជាក់ស្តែង និងប្រកបដោយការ ទទួលខុស ត្រូវខ្ពស់ចំពោះសន្តិភាព ស្ថិរភាព វឌ្ឍនភាពសង្គម និងការអភិវឌ្ឍប្រកបដោយវិបុលភាព របស់ ប្រជាជនក្នុងតំបន់ និងពិភពលោក៕
ចែករំលែកព័តមាននេះ