រាជធានីភ្នំពេញ ៖ អង្គភាពប្រឆាំងអំពើពុករលួយ (ACU)បានបើកការស៊ើបអង្កេតចំពោះមានការលើកឡើងបែកវិញ្ញាប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥ កាលពីពេលកន្លងមកនេះ ។ យោងតាមមរបាយការណ៍របស់អង្គភាពប្រឆាំងអំពើពុករលួយបានលើកឡើងថា ភ្លាមៗចាប់តាំងពីវេលាម៉ោង០៩និង៣០នាទីយប់ ថ្ងៃទី២៩…
រាជធានីភ្នំពេញ ៖ អង្គភាពប្រឆាំងអំពើពុករលួយ (ACU)បានបើកការស៊ើបអង្កេតចំពោះមានការលើកឡើងបែកវិញ្ញាប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥ កាលពីពេលកន្លងមកនេះ ។
យោងតាមមរបាយការណ៍របស់អង្គភាពប្រឆាំងអំពើពុករលួយបានលើកឡើងថា ភ្លាមៗចាប់តាំងពីវេលាម៉ោង០៩និង៣០នាទីយប់ ថ្ងៃទី២៩ ខែសីហា អង្គភាពប្រឆាំងអំពើពុករលួយបានចូលរួមស្រាវជ្រាវស៊ើបអង្កេតអំពីការផុសរូបថតចម្លងដែលធ្វើឱ្យយល់ថា ជាវិញ្ញាសាគណិតវិទ្យាថ្នាក់វិទ្យាសាស្ត្រ ប្រឡងថ្ងៃទី២៩ ខែសីហា ឆ្នាំ២០២៥ រហូតមកទល់ម៉ោង០៥និង៣០នាទីល្ងាច ថ្ងៃសៅរ៍ ទី៣០ ខែសីហា ប៉ុន្ដែក្រុមការងារនៅតែរកមិនឃើញរូបពិត ប្រាកដនៃវិញ្ញាសាគណិតវិទ្យានេះ នៅតាមការបង្ហោះនានានៅឡើយទេ ហើយឃើញតែរូបថតវិញ្ញាសាវាយអក្សរឡើងវិញ ហើយថតដោយកាត់គែម (Crop) និងរូបថត ជាវិញ្ញាសាគណិតវិទ្យាដែលថតផ្សាយព្រាលៗ រូបខ្លះមានឃើញហត្ថលេខាសង្ខេបដែលទាំងនោះមិនមែនជារូបវិញ្ញាសាគណិតវិទ្យារូប រាងពិតឡើយ ។
មានការបង្ហោះថា មានការបង្រៀនតាម Zoom ពីចម្លើយគណិតវិទ្យាដែលដូចទៅនឹងវិញ្ញាសាគណិតវិទ្យាមុនម៉ោងប្រឡង (បង្រៀននៅថ្ងៃទី២៨ ខែសីហា ឆ្នាំ២០២៥ម៉ោង០៦:៤៦នាទី) ។
បើតាមរបាយការណ៍រហ័សនៃការស្រាវជ្រាវរបស់អង្គភាពប្រឆាំងអំពើពុករលួយ បញ្ចេញនៅវេលាទៀបភ្លឺថ្ងៃទី៣១ ខែសីហា ឆ្នាំ២០២៥ ក្រុមការងារអង្គភាពប្រឆាំងអំពើពុករលួយ សូមការសហការណ៍ពីអ្នកប្រើបណ្តាញសង្គមទាំងអស់ជួយផ្តល់ និងបំពេញបន្ថែមដល់ក្រុមការងារអំពីព័ត៌មានដែលខ្លួនបានដឹង បានរក្សាទុក (ព្រោះគណនី – ទំព័រហ្វេសប៊ុកមួយចំនួនបានលុបការផុសរបស់ខ្លួន) ។
សូមជម្រាបថា ករណីមានការបែកធ្លាយវិញ្ញាសារប្រឡងបាក់ឌុបនេះដែរ អ្នកនាំពាក្រសួងអប់រំបានអះអាងថា មិនមានការបែកធ្លាយវិញ្ញាសាដូចការលើកឡើងរបស់អ្នលលេងបណ្តាញសង្គម ឬបេក្ខជននោះទេ ប៉ុន្តែក្រសួងបានកំពុងស្រាវជ្រាវករណីនេះ ។
ទាក់ទិននឹងករណីនេះដែរ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានប្រកាសថា «អ្នកដែលប្រព្រឹត្តល្មើសត្រៀមខ្លួនទៅ!» នៅពេលដែលក្រសួងអប់រំកំពុងពិនិត្យតាមដាន និងស្រាវជ្រាវលម្អិតករណីចោទថា បែកធ្លាយវិញ្ញាសាប្រឡងបាក់ឌុប៕
ចែករំលែកព័តមាននេះ