ខេត្តកំពង់ស្ពឺ៖ ដោយអនុវត្ដតាមបទបញ្ជាការណែនាំដ៏ខ្ពង់ខ្ពស់របស់ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅថ្ងៃទី៩ ខែឧសភា ឆ្នាំ២០២៦ លោកឧត្ដមសេនីយ៍ទោ…
ខេត្តកំពង់ស្ពឺ៖ ដោយអនុវត្ដតាមបទបញ្ជាការណែនាំដ៏ខ្ពង់ខ្ពស់របស់ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅថ្ងៃទី៩ ខែឧសភា ឆ្នាំ២០២៦ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ណែនាំដល់កំលាំងផែនការងារសណ្ដាប់ធ្នាប់ ការិយាល័យនគរបាលចរាចរណ៍ផ្លូវគោក ផ្នែកសណ្ដាប់ធ្នាប់ នៃអធិការដ្ឋាននគរបាលក្រុង-ស្រុក ត្រូវអនុវត្ដវិធានការច្បាប់ចំពោះមធ្យោបាយយានគ្រប់ប្រភេទដែលកែច្នៃលក្ខណៈបច្ចេកទេសខុសពី ឯកសារផ្លូវការចេញដោយក្រសួងសាធារណការ បណ្ណសម្គាល់ទោចក្រយានយន្ត និងវិញ្ញាបនបត្រត្រួតពិនិត្យលក្ខណៈបច្ចេកទេស (ឈៀករថយន្ដ) ករណីឃាត់ពិនិត្យឃើញថា មធ្យោបាយមួយចំនួនខុសពី ឯកសារ ឬកែឆ្នៃខុសលក្ខណៈបច្ចេកទេសត្រូវឃាត់ទុកដើម្បីធ្វើការត្រួតពិនិត្យនិងអនុវត្ដតាមនីតិវិធី ។
នគរបាលខេត្តកំពង់ស្ពឺក៏បានស្នេីដល់ម្ចាស់យានគ្រប់ប្រភេទត្រូវអនុវត្ដតាមគោលការណ៍ច្បាប់ក្នុងប្រេីប្រាស់មធ្យោបាយគ្រប់ប្រភេទបំរេីដល់អាជីវកម្មនិងបទដ្ឋានយាន ដេីម្បីបញ្ជៀសនូវការរងទណ្ឌកម្មផាកពិន័យនិងខកខានពេលវេលាក្នុងការរកសុីប្រចាំថៃ្ងផងដែរ៕
ចែករំលែកព័តមាននេះ