ក្នុងរយៈពេលប៉ុន្មានថ្ងៃថ្មីៗនេះ តម្លៃផ្លែទុរេនថៃ បានធ្លាក់ចុះពី៣,៥-៣,៩ដុល្លារ ក្នុងមួយគីឡូក្រាម ជាហេតុនាំឲ្យតម្លៃទុរេនថៃឥឡូវមានតម្លៃត្រឹមពី២,៩ទៅ៣,១ដុល្លារប៉ុណ្ណោះនៅក្នុងមួយគីឡូក្រាម ។ នេះបើតាមសេចក្តីរាយការណ៍របស់កាសែតវៀតណាម VN Express ។…
ក្នុងរយៈពេលប៉ុន្មានថ្ងៃថ្មីៗនេះ តម្លៃផ្លែទុរេនថៃ បានធ្លាក់ចុះពី៣,៥-៣,៩ដុល្លារ ក្នុងមួយគីឡូក្រាម ជាហេតុនាំឲ្យតម្លៃទុរេនថៃឥឡូវមានតម្លៃត្រឹមពី២,៩ទៅ៣,១ដុល្លារប៉ុណ្ណោះនៅក្នុងមួយគីឡូក្រាម ។ នេះបើតាមសេចក្តីរាយការណ៍របស់កាសែតវៀតណាម VN Express ។
ការធ្លាក់ចុះនេះ បានបន្តសំពាធដល់ទុរេនវៀតណាមឲ្យធ្លាក់ចុះដែរ ពោល គឺធ្លាក់ចុះនៅក្នុងរង្វង់ពី១,៤ ទៅ១,៦ ដុល្លារនៅក្នុងមួយគីឡូក្រាម ។
លោក ឃ្វៀន ថេ ហាង អ្នកលក់ទុរេនចល័តនៅកាន់ថឺ ប្រទេសវៀតណាម បានអះអាងថា តម្លៃទុរេនបានធ្លាក់ចុះយ៉ាងខ្លាំងនៅដើមរដូវកាល ហើយយើងកំពុងតែបារម្ភថាវានឹងកាន់តែធ្លាក់ថែមទៀតនៅពេលខាងមុខ ។
ប្រភពដដែលបានបន្តទៀតថា នៅពេលនេះទាំងថៃ និងវៀតណាម សុទ្ធតែមានទីផ្សារទុរេនធំនៅចិនដូចគ្នា ដូច្នេះទីផ្សារអាចចាល់ ហើយមិនតែប៉ុណ្ណោះ វាអាចប្រឈមមុខនឹងអ្នកចូលថ្មីពីម៉ាឡេស៊ីដែលកំពុងតែមានសក្តានុពល ។
រឿងទុរេននៅពេលនេះនៅកម្ពុជាវាកំពុងតែរសើប ក្រោយផ្ទុះករណីលួចនាំចូលទុរេនពីថៃប្រមាណជា២ តោន ។
អ្នកដែលកំពុងតែប្រកបរបរនេះម្នាក់បានអះអាងថា ជាទូទៅទុរេនថៃ និងវៀតណាមនេះ ពាក់ព័ន្ធគួរសមនឹងទីផ្សារទុរេននៅកម្ពុជា ខណៈដែលពលរដ្ឋកម្ពុជាចូលចិត្តហូបទុរេន តែចំការដែលអាចប្រមូលផលនៅមានកម្រិត ។
លោកបានបន្តថា កាលណាទីផ្សារនៅទីនោះជន់ វាអាចរកច្រកលំហូរចេញ ប៉ុន្តែសម្រាប់ពេលនេះបញ្ហា គឺក្តីបារម្ភអំពីគុណភាពទុរេន ដោយសារតែពលរដ្ឋបារម្ភរឿងសំណល់គីមីកសិកម្មនៅក្នុងទុរេន ហើយនិងបម្រាមនាំចូលពីថៃ ៕
ចែករំលែកព័តមាននេះ