ក្រសួងវប្បធម៌ និងវិចិត្រសិល្ប: បានប្រកាសនាថ្ងៃទី៣០ ខែឧសភានេះថា ៖ ទេសាភិបាល និងគណៈប្រតិភូធនាគារកណ្ដាលហ្វ្រង់កូហ្វូន ចំនួន២៦ប្រទេស អញ្ជើញចូលទស្សនារមណីយដ្ឋានប្រាសាទសំបូរព្រៃគុក ។
ក្រសួងវប្បធម៌ និងវិចិត្រសិល្ប: បានបន្តថា ៖ នៅថ្ងៃទី៣០ ខែឧសភា ឆ្នាំ២០២៦ ទេសាភិបាល និងគណ:ប្រតិភូធនាគារកណ្ដាលហ្វ្រង់កូហ្វូន ចំនួន២៦ប្រទេស មកពីអឺរ៉ុប មជ្ឈឹមបូព៌ា និងអាស៊ី រួមអមដំណើរដោយលោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញចូលទស្សនារមណីយដ្ឋានប្រាសាទសំបូរព្រៃគុក ដោយទទួលការស្វាគមន៍ពី ឯកឧត្ដម ផាន់ ណាឌី អគ្គនាយកអាជ្ញាធរជាតិសំបូរព្រៃគុក និងថ្នាក់ដឹកនាំជំនាញពាក់ព័ន្ធជាច្រើនរូប ។
ដំណើរទស្សនកិច្ចនេះ មានគោលបំណង ដើម្បីស្វែងយល់អំពីកិច្ចអភិរក្ស ការងារជួសជុល នៅប្រាសាទសំខាន់ៗរួមមាន ប្រាសាទជ្រៃ ក្រុមប្រាសាទសំបូរ ក្រុមប្រាសាទយាយព័ន្ធ និងក្រុមប្រាសាទតោ នៃរមណីយដ្ឋានប្រាសាទសំបូរព្រៃគុក ៕
ចែករំលែកព័តមាននេះ