អាសូរណាស់! ស្ត្រីម្នាក់តែងដើរសុំលុយគេទិញអីហូប លុះឃើញនាងដេកម្តុំការ៉ាស់សាំងយូរពេក ក៏នាំគ្នាទៅមើល ទើបដឹងថាស្លា.ប់
- ភ្នំពេញ
រាជធានីភ្នំពេញ ៖ ប្រជាពលរដ្ឋបានប្រទះឃើញស្ត្រីមានសតិមិនគ្រប់ម្នាក់ដេកស្លាប់នៅការ៉ាស់សាំងមួយកន្លែង បង្កការភ្ញាក់ផ្អើលសមត្ថកិច្ចមូលដ្ឋានចុះមកពិនិត្យ ដែលហេតុការណ៍ខាងលើនេះបានកើតឡើងកាលពីវេលាម៉ោង ៧និង៣០នាទីយប់ ថ្ងៃទី៣០ខែឧសភា ឆ្នាំ២០២៦ ចំណុចការ៉ាស់សាំងមួយកន្លែង ស្ថិតនៅលើផ្លូវ២១៧ សង្កាត់ស្ទឹងមានជ័យទី១ ខណ្ឌមានជ័យ។
បើតាមប្រភពព័ត៍មានពីប្រជាពលរដ្ឋបានអោយដឹងថា ជារៀងរាល់ថ្ងៃ ពួកគាត់ឃើញស្ត្រីរងគ្រោះដើរតែម្នាក់ឯងហើយសុំលុយគេឯងទិញអីហូប និងមិនដឹងនាងដេកនៅកន្លែងណាទេ លុះមកដល់ម៉ោងកើតហេតុខាងលើស្ត្រីរងគ្រោះក៏បានដើរមកអង្គុយនៅនិងកន្លែងកើតហេតុ នៅការ៉ាស់សាំង លុះមួយសន្ទុះក្រោយមកក៏ដេក ដោយឃើញស្ត្រីរងគ្រោះដេកយូរពេក ក៏នាំគ្នាមកមើលទើបដឹងថាស្ត្រីខាងលើបានស្លាប់បាត់ទៅហើយរួចនាំគ្នារាយការណ៍ទៅសមត្ថកិច្ចមូលដ្ឋានយចុះមកពិនិត្យសព។
បន្ទាប់ពីទទួលបានព័ត៌មានពីប្រជាពលរដ្ឋថា មានស្ត្រីដេកស្លាប់ នៅការ៉ាស់សាំងខាងលើ សមត្ថកិច្ចអាជ្ញាធរមូលដ្ឋានក៏បានចុះមកដល់កន្លែងកើតហេតុក៏បានឃើញស្ត្រីខាងលើដេកស្លាប់ពិតប្រាកដមែន និងបានរាយការណ៍ទៅសមត្ថកិច្ចជំនាញ កោសល្យវិច័យខណ្ឌមានជ័យ រួចក៏បានទាក់ទងទៅក្រុមគ្រួសារដើម្បីឲ្យមកយកសពស្ត្រីខាងលើយកទៅធ្វើបុណ្យតាមប្រពៃណី ៕
ចែករំលែកព័តមាននេះ