គ្មានលុយទិញគ្រឿងញៀ.ន លួ.ចម៉ូតូបានសម្រេច ដោះក្បាំងយកទៅលក់ បានលុយ១៥ដុល្លារ ទិញថ្នាំ ត្រូវសមត្ថកិច្ចស្រាវជ្រាវឃាត់ខ្លួន
- កំពង់ស្ពឺ
ខេត្តកំពង់ស្ពឺ៖ ជនសង្ស័យម្នាក់ត្រូវបានកម្លាំងនគរបាលក្រុងច្បារមនធ្វើការស្រាវជ្រាវឃាត់ខ្លួនបាន ក្រោយពេលជនសង្ស័យបានធ្វើសកម្មភាពលួចម៉ូតូប្រជាពលរដ្ឋ ហើយដោះក្បាំងម៉ូតូយកទៅលក់បានលុយចំនួន១៥ដុល្លារ ព្រោះតែគ្មានលុយទិញគ្រឿងញៀនជក់។
ការស្រាវជ្រាវឃាត់ខ្លួនជនសង្ស័យលួចម៉ូតូបានសម្រេច ព្រោះតែគ្មានលុយទិញគ្រឿងញៀនជក់ បានធ្វើឡើងកាលពីល្ងាចថ្ងៃទី២៨ ខែឧសភា ឆ្នាំ២០២៦ នៅក្នុងភូមិរលួស សង្កាត់ច្បារមន ក្រុងច្បារមន ខេត្តកំពង់ស្ពឺ។
នគរបាលក្រុងច្បារមនបាននិយាយដឹងថា កិច្ចប្រតិបត្ដិការបង្ក្រាបករណីបាត់ម៉ូតូរបស់ជនរងគ្រោះ ដោយអនុវត្ដតាមបញ្ជាដឹកនាំដ៏ខ្ពង់ខ្ពស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការដឹកនាំបញ្ជាផ្ទាល់ពីលោកស្នងការរងទទួលផែនការងារនគរបាលព្រហ្មទណ្ឌ កំលាំងនគរបាលបានធ្វេីការឃាត់មុខសញ្ញាលួចម៉ូតូមួយគ្រឿង កាលពីថ្ងៃទី២៨ ខែឧសភា ឆ្នាំ២០២៦ នៅភូមិរលួស សង្កាត់ច្បារមន ក្រុងច្បារមន ខេត្តកំពង់ស្ពឺ។ ម៉ូតូដែលជនសង្ស័យលួចបានសម្រេចម៉ាកហុងដាC125 ស៊េរីឆ្នាំ២០២៣ ពណ៌ខ្មៅពាក់ផ្លាកលេខភ្នំពេញ1KE.7470។
នគរបាលក្រុងច្បារមនបានបន្តដឹងថា ជនសង្ស័យដែលឃាត់ខ្លួនបាន មានឈ្មោះ ឈួន សោភា ភេទប្រុស អាយុ៤០ឆ្នាំ ស្នាក់នៅក្នុងភូមិរលួស សង្កាត់ច្បារមន ក្រុងច្បារមន ខេត្តកំពង់ស្ពឺ។ ក្រោយឃាត់ខ្លួនជនសង្ស័យបានឆ្លេីយ សារភាពថាខ្លួនពិតជាបានលួចម៉ូតូជនរងគ្រោះឈ្មោះ កែវ សារ៉ាទី ភេទប្រុស អាយុ២៥ឆ្នាំ រស់នៅក្នុងភូមិរលួស សង្កាត់ច្បារមន ក្រុងច្បារមន ខេត្តកំពង់ស្ពឺពិតប្រាកដមែន។ មូលហេតុដែលរូបគេដាច់ចិត្តលួចម៉ូតូរបស់គេទៅលក់នោះ ដោយសារតែរូបគេ(ខ្លួន)ត្រូវការគ្រឿងញៀនយកមកប្រេីប្រាស់ផ្ទាល់ខ្លួន ។ ពេលលួចម៉ូតូបានរូបខ្លួនបានដោះលក់តែកាបាំងម៉ូតូទេ ហើយបានប្រាក់ចំនួន១៥ដុល្លា (ដប់ប្រាំដុល្លាអាមេរិក)។ ម៉ូតូខាងលើត្រូវបានសមត្ថកិច្ច ប្រគល់ជូនម្ចាស់ដើមវិញហើយ។
ចំណែកជនសង្ស័យត្រូវបានបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ដើមដើម្បីចាត់ការបន្តតាមផ្លូវច្បាប់ រីឯអ្នកទទួលទិញសម្ភារៈមិនស្របច្បាប់នោះ នគរបាលបន្ដធ្វើការស្រាវជ្រាវ ស្វែងរកចាប់ខ្លួនយកមកផ្ដន្ទាទោសតាមផ្លូវច្បាប់ ៕
ចែករំលែកព័តមាននេះ