ខេត្តបន្ទាយមានជ័យ៖ ពលរដ្ឋខ្មែរមានប្រុស មានស្រីប្រមាណ៣៨នាក់ត្រូវបានកម្លាំងទាហានព្រំដែនថៃ ចាប់ខ្លួនកាលពីព្រឹកថ្ងៃទី៣០ សីហា ឆ្នាំ២០២៥ ក្រោយពីនាំគ្នាលួចឆ្លងអូរព្រំដែន ទៅសម្ងំលាក់ខ្លួនក្នុងចម្ការអំពៅមួយកន្លែង ក្នុងទឹកដី នៃប្រទេសថៃ…
ខេត្តបន្ទាយមានជ័យ៖ ពលរដ្ឋខ្មែរមានប្រុស មានស្រីប្រមាណ៣៨នាក់ត្រូវបានកម្លាំងទាហានព្រំដែនថៃ ចាប់ខ្លួនកាលពីព្រឹកថ្ងៃទី៣០ សីហា ឆ្នាំ២០២៥ ក្រោយពីនាំគ្នាលួចឆ្លងអូរព្រំដែន ទៅសម្ងំលាក់ខ្លួនក្នុងចម្ការអំពៅមួយកន្លែង ក្នុងទឹកដី នៃប្រទេសថៃ ក្នុងភូមិសាស្ត្រ ឃុំផានសឹក ស្រុកអារញ្ញប្រាថេត ខេត្តស្រះកែវ។ នេះបើតាមប្រភពព័ត៏មានពីប្រទេសថៃ។
តាមប្រភពដដែលបានឲ្យដឹងថា ប្រជាពលរដ្ឋខ្មែរទាំងនោះមានសរុបចំនួន៣៨នាក់ មានស្រីចំនួន១៨នាក់ ក្នុងនោះមានក្មេងស្រីតូចម្នាក់ផង។
តាមប្រភពបានបញ្ជាក់ថា ក្រុមពលរដ្ឋខ្មែរ បានលួចឆ្លងអូរព្រំដែន ចេញពីតំបន់ភូមិសាស្ត្រ ស្រុកម៉ាឡៃ ខេត្តបន្ទាយមានជ័យ រួចឆ្លងអូរព្រំដែនចូលទៅប្រទេសថៃ ដោយមានខ្យល់ជាអ្នកនាំផ្លូវ។ ក្រោយនាំគ្នាឆ្លងផុតពីអូរព្រំដែន បានប្រហែល០២គីឡូម៉ែត្រ ពួកគេបានសម្ងំលាក់ខ្លួនជាបណ្ដោះអាសន្ននៅក្នុងចម្ការអំពៅមួយកន្លែង លុះព្រឹកព្រលឹម ពេលក្រុមទាហានឈុតខ្មៅថៃ ចេញដើរល្បាតក៏ប្រទះឃើញ ហើយក៏ចាប់ខ្លួនតែម្ដង។
បើតាមព័ត៏មានបឋម ដែលបានសួរនាំដោយក្រុមទាហានថៃ ពលរដ្ឋខ្មែរទាំងនោះ សុទ្ធតែធ្លាប់ធ្វើការនៅប្រទសថៃ តែពួកគេបានវិលត្រឡប់ចូលប្រទេសកំណើតកាលពីខែមុននេះ។ ដោយសារតែពួកគេធ្លាប់ធ្វើការងារនៅប្រទេសថៃ ទើបពួកគេទាក់ទងមេខ្យល់ ជួយនាំផ្លូវនាំពួកគេលួចឆ្លងដែនទៅធ្វើការងារនៅប្រទេសថៃ តែទើបឆ្លងផុតពីព្រំដែនបានប្រហែល០២គីឡូម៉ែត្រ ក៏ត្រូវទាហានថៃចាប់ខ្លួនល្មម។
កោះសន្តិភាព មិនទាន់អាចទំនាក់ទំនងសុំការបំភ្លឺពីមន្ត្រីព្រំដែនកម្ពុជា ក្នុងអង្គភាពណាមួយបានទេ រហូតមកដល់ពេលនេះ ពាក់ព័ន្ធនឹងពលរដ្ឋខ្មែរលួចឆ្លងដែនទៅប្រទេសថៃ ត្រូវទាហាន់ថៃចាប់។ ប៉ុន្តែយ៉ាងណា អាជ្ញាធរស្រយកម៉ាឡៃ ឬ កម្លាំងសមត្ថកិច្ចការពារព្រំដែន គូរតែធ្វើការស្រសាវជ្រាវរកមុខខ្លោង នាំពលរដ្ខខ្មែរឆ្លងដែនខុសច្បាប់ ដើម្បីចាត់វិធនាការតាមផ្លូវច្បាប់។
កន្លងមកថ្មីៗនេះ ពួកឈ្មួញទុច្ចរិត មិនត្រិមតែលួចនាំបារី និង ទំនិញផ្សេងៗ ឆ្លងដែនចេញទៅថៃ ឬ នាំពីប្រទេសថៃ ចូលមកកម្ពុជា ដោយខុសច្បាប់ប៉ុណ្ណោះទេ ប៉ុន្តែពេលនេះពួកជនឆក់ឪកាស ថ្លើមធំបានឃុបឃិតគ្នានាំពលរដ្ឋខ្មែររាប់សិបនាក់ លួចនាំចេញទៅប្រទេសថៃខុសច្បាប់ទៀត ខណៈដែលភាគី នៃប្រទេសទាំង០២កំពុងមើលមុខគ្នាមិនចំ៕
ចែករំលែកព័តមាននេះ