ខេត្តស្វាយរៀង ៖ ព័ត៌មានបឋមបានឱ្យដឹងថា អ្នករត់តាក់ស៊ីម្នាក់ ដោយសារភ្លើងប្រច័ណ្ឌ បានច្របាច់.ក ប្រពន្ធ រហូតដល់ស្លាប់នៅលើគ្រែពូកក្នុងបន្ទប់ ខណៈប្រពន្ធកំពុងដេកលង់លក់ ហើយបុរស់ជាប្តីពេលដឹងថា…
ខេត្តស្វាយរៀង ៖ ព័ត៌មានបឋមបានឱ្យដឹងថា អ្នករត់តាក់ស៊ីម្នាក់ ដោយសារភ្លើងប្រច័ណ្ឌ បានច្របាច់.ក ប្រពន្ធ រហូតដល់ស្លាប់នៅលើគ្រែពូកក្នុងបន្ទប់ ខណៈប្រពន្ធកំពុងដេកលង់លក់ ហើយបុរស់ជាប្តីពេលដឹងថា ប្រពន្ធបានស្លាប់ ហើយក៏រត់ទៅច.ងក នៅលើដើមអាកាស្យាក្រោយផ្ទះ បណ្តាលឱ្យស្លាប់បាត់បង់ជីវិតតាមក្រោយ បន្សល់ទុកឲ្យកូនស្រីតែម្នាក់គត់រស់នៅកំព្រាឯការ។
ករណីដ៏រន្ធត់នេះត្រូវបានកូនស្រីប្រទះឃើញនៅព្រឹកថ្ងៃទី២៥ ខែមិនា ឆ្នាំ២០២៦ នៅក្នុងបន្ទប់ផ្ទះមួយកន្លែង ក្នុងភូមិបាវិតលើ សង្កាត់បាវិត ក្រុងបាវិត។
បើតាមសមត្ថកិច្ចបានឲ្យដឹងថា ស្ត្រីរងគ្រោះអាយុ៣៩ឆ្នាំ រីឯប្តីឈ្មោះផាន់ សុខ អាយុ៤២ឆ្នាំ មុខរបររត់តាក់ស៊ី ក្រុងបាវិត-ភ្នំពេញ មានស្រុកកំណើតនៅឃុំក្រោលគោ ស្រុកស្វាយជ្រំ មានកូនស្រី ម្នាក់អាយុ១៥ឆ្នាំមានទីលំនៅភូមិបាវិតលើសង្កាត់បាវិតក្រុងបាវិត ។
ករណីនេះគឺដោយសារតែភ្លើងប្រច័ណ្ឌ ទើបបុរសជាប្តីដាច់ចិត្តច្របាច់.ក ប្រពន្ធរហូតដាច់ខ្យល់ស្លាប់ហើយក៏រត់ទៅចង.ក តាមក្រោយ ។ អាណិតតែកូនស្រី ក្រោកពីដេកបាត់ម្តាយឳពុកមិនឃើញចេញពីបន្ទប់ក៏ចូលមើលឃើញម្តាយស្លាប់យ៉ាងរន្ធត់ រត់ចេញមកក្រៅឆោឡោ រកឳពុកស្រាប់តែអ្នកស្រុកប្រទះឃើញសព ច.ងក នៅលើដើមអាកាស្សា ។ នរណាមិនស្លុត ខណៈម្តាយក៏ស្លាប់ ឪពុកក៏ស្លាប់ តើកូនសង្ឃឹមអ្វី ។
ទាក់ទិនករណីនេះដែរ សមត្ថកិច្ចបានធ្វើកោសល្យវិច្ច័យរួចបានប្រគល់សពទាំងពីនាក់ប្តីប្រពន្ធឲ្យទៅសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ