ខេត្តស្វាយរៀង ៖ មហាជនផ្ទុះការរិះគន់ចំៗថាក្រុមហ៊ុនរម្យខិត្តិយាខន់ស្ត្រាក់សិន លេង១ក្បាច់ចាក់ស្តើងស៊ីក្រាស់គឺសាងសង់ផ្លូវបេតុង១ខ្សែខុសបច្ចេកទេសនិងកិច្ចសន្យា ។នៅសង្កាត់បាវិតមានគម្រោងកែរលម្អផ្លូវដីក្រាលបេតុងអាម៉េ ១ខ្សែប្រវែង៦៦១ម៉ែត្រទទឹង០៦ម៉ែត្រកម្រាស់បេតុង០២តឹក ប្រើប្រាស់ថវិកាចំនួន២៧៧,៦២០,០០០រៀល ជាលទ្ធផលក្រុមហ៊ុនរម្យខិត្តិយាខន់ស្ត្រាក់សិនទទួលការអនុវត្តគម្រោង ចាក់ស្តើងនៅចំកណ្តាលបានត្រឹមតែ៨ហ៊ុនទៅ១តឹកប៉ុណ្ណោះ ដោយក្រុមហ៊ុនចាក់ខ្សាច់ទ្រាប់បាតបច្ចេកទេសនៃខុសកិច្ចសន្យាផ្លូវក្រាលថ្មទ្រាប់បាតកៀបង្ហាប់រួចចាក់បេតុងកម្រាស់០២តឹក។
មហាជនផ្ទុះការរិះគន់នេះកើតឡើងនៅព្រឹកថ្ងៃទី៣១សីហា២០២៥ នៅភូមិបាវិតកណ្តាលសង្កាត់បាវិត ក្រុងបាវិត។
បើតាមលោកសមាជិកក្រុមប្រឹក្សាសង្កាត់បាវិតបានឲ្យដឹងថា សង្កាតិបាវិតបានទទួលគម្រោងមូលនិធិឃុំសង្កាត់ កែលម្អផ្លូវដីក្រាលបេតុងអាម៉េ ០១ខ្សែ ប្រវែង៣១២ម៉ែត្រទទឹង០៦ម៉ែត្រ ប្រើដែកសសៃទំហំ ១០លី កម្រាស់បេតុង០២តឹក តម្លៃប៉ាន់ស្មាន២៨៩,៧៥១,៨១៥រៀល។បានដាក់ឲ្យដេញថ្លៃ មានក្រុមហ៊ុនមកដាក់សំណើរដេញថ្លៃចំនួន០៦ក្រុមហ៊ុនជាលទ្ធផល បានទៅលើក្រុមហ៊ុនរម្យខិត្តិយាខន់ស្ត្រាក់សិន ដែលមានឈ្មោះរីសុវណ្ណពៅភីរត្ន័ អ្នកទទួលការក្នុងតម្លៃទឹកប្រាក់១៣១,០៤០,០០០រៀល ជាតម្លៃទាបអាចទទួលយកបាន ។ ប្រភពបន្តថា រដ្ឋបាលសង្កាត់ បានបន្តគម្រោងសរុប៦៦១ម៉ែត្រ ទទឹង០៦ម៉ែត្រ កម្រាស់បេតុ២តឹក(០,២០ម៉ែត្រ)ស្លាកគម្រោង០១ ចំណាយថវិកាសរុប២៧៧,៦២០,០០០រៀល។
ប្រភពបន្តទៀតថា តាមកិច្ចសន្យា អនុវត្តគម្រោង គឺត្រាសេចាក់ថ្មទ្រាប់បាត រួចកិនបង្ហាប់ ប្រើដែកសសៃទំហំ១០លី ចាក់បេតុងអាម៉េ កម្រាស់០២តឹក ។ ជាក់ស្តែងក្រុមហ៊ុនទទួលការចុះអនុវត្តគម្រោងខុសប្រកតីនៃកិច្ចសន្យា ដោយយកខ្សាច់ទ្រាប់បាតកម្រាស់១តឹក ហើយចាក់បេតុងបានតែកម្រាស់១តឹកប៉ុណ្ណោះគឺខុសស្តង់ដាបច្ចេកទេសទាំងស្រុង។
ទាក់ទិនករណីនេះដែរមិនអាចរកការបភ្លឺពីលោកស្រីរីសុវណ្ណពៅភីរត្ន័ ប្រធានក្រុមហ៊ុនរម្យខិត្តិយាខន់ស្ត្រាក់សិនបានទេរហូតមកដល់ម៉ោង១១និង៤៥នាទីព្រឹកនេះ។ចំណែកមន្ត្រីបច្ចេកទេសក្រុងបាវិតក៏មិនអាចរកការបំភ្លឺបានដែរ មហាជនបានសំណូមពរដល់មន្ត្រីបច្ចេកទេសខេត្តមេត្តាចុះពិនិត្យជៀសវាងផ្លូវគ្មានគុណភាពដោយផ្លូវ១ខ្សែនេះមានរថយន្តធំតូចធ្វើចរាចរណ៍ ហើយផ្លូវសាងសង់ខុសស្តង់ដាបច្ចេកទេសបែបនេះពិតជាស្រុតខូចរលាយឆាប់មិនខានឡើយ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ