ឯកអគ្គរាជទូតអង់គ្លេសអបអរសាទរ ចំពោះការវិលត្រឡប់មកវិញរបស់ទាហានកម្ពុជា ១៨ រូប
រាជធានីភ្នំពេញ ៖ លោក Dominic Williams ឯកអគ្គរាជទូតចក្រភពអង់គ្លេសប្រចាំកម្ពុជា បានប្រកាសនាថ្ងៃទី៣១ ខែធ្នូ ឆ្នាំ២០២៥ ថា…
រាជធានីភ្នំពេញ ៖ លោក Dominic Williams ឯកអគ្គរាជទូតចក្រភពអង់គ្លេសប្រចាំកម្ពុជា បានប្រកាសនាថ្ងៃទី៣១ ខែធ្នូ ឆ្នាំ២០២៥ ថា ៖ «ខ្ញុំមានសេចក្តីសោមនស្សរីករាយដែលប្រទេសកម្ពុជាបានស្វាគមន៍ទាហានរបស់ខ្លួនត្រឡប់មកផ្ទះវិញ ។ នេះជាការវិវឌ្ឍនវិជ្ជមានមួយ»។
លោក Dominic Williams បានបន្តថា «ចក្រភពអង់គ្លេស បន្តលើកទឹកចិត្តដល់ប្រទេសកម្ពុជា និងប្រទេសថៃ ឱ្យចាត់វិធានការបន្ថែមទៀត ដើម្បីកាត់បន្ថយភាពតានតឹងរវាងប្រជាជននៃប្រទេសទាំងពីរ និងដើម្បីកសាងសន្តិភាពយូរអង្វែង»។
សូមបញ្ជាក់ថា ៖ វីរយោធិនទាំង១៨រូប បានវិលមកដល់មាតុភូមិ និងជួបជុំក្រុមគ្រួសារវិញហើយ នារសៀលថ្ងៃទី៣១ ខែធ្នូ ឆ្នាំ២០២៥នេះ បន្ទាប់ពីការឃ្លាតឆ្ងាយពីមាតុភូមិ និងក្រុមគ្រួសារ អស់រយៈពេល ១៥៥ថ្ងៃ ក្រោយយោធាថៃចាប់ខ្លួន កាលពីថ្ងៃទី២៩ ខែកក្កដា ឆ្នាំ២០២៥ ៕
ចែករំលែកព័តមាននេះ