ក្រុមចោរប្ល.ន់អាជីវករលក់មាសនៅផ្សារស្ទឹងមានជ័យចាស់ ជាមុខសញ្ញាធ្លាប់ប្ល.ន់ដូចកាលពី១៤ទៅ១៥ឆ្នាំមុន
- ភ្នំពេញ
រាជធានីភ្នំពេញ ៖ ជនសង្ស័យប្ល.ន់អាជីវករលក់គ្រឿងអលង្កានៅផ្សារស្ទឹងមានជ័យចាស់និងអ្នក
រាជធានីភ្នំពេញ ៖ ជនសង្ស័យប្ល.ន់អាជីវករលក់គ្រឿងអលង្កានៅផ្សារស្ទឹងមានជ័យចាស់និងអ្នកទទួលផលចោរ ចំនួន៨នាក់និងវត្ថុតាង ត្រូវបាននគរបាលព្រហ្មទណ្ឌ កំរិតស្រាលនៃស្នងការនគរបាលរាជធានីភ្នំពេញមុខ ជាសារធារណៈកាលពីរសៀលថ្ងៃទី៣១ ខែ ឧសភា ឆ្នាំ២០២៣ នេះនិង ត្រៀមបញ្ជូន ទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់នៅព្រឹកស្អែកនេះ។
ជនសង្ស័យទាំង៨នាក់ខាងលើនោះ ត្រូវបាននគរបាលអោយដឹងថា ១-ឈ្មោះសុខ សំណាង ហៅ អាង ហៅ ៥៥ ភេទប្រុស អាយុ៤៣ឆ្នាំ មុខរបរ លក់ផ្លែឈើ ២-ឈ្មោះយី បូឡី ហៅ ៧៤ ភេទប្រុស អាយុ៣៣ឆ្នាំ មុខរបរ រត់ម៉ូតូកង់បី ៣-ឈ្មោះគឹម សុធារ៉ា ហៅ គឹម ចិន្តា ហៅ គឹម វាសនា ហៅ ផល ធារ៉ា ហៅ ផេង ហៅ ហ្វី ហៅ ៧៧ (ជាមេខ្លោង) ភេទប្រុស អាយុ៤៤ឆ្នាំ មុខរបរមិនពិតប្រាកដ ៤-ឈ្មោះ ចាន់ តាក់ ហៅ ជា ហៅ ៦៨ ភេទប្រុស អាយុ៣១ឆ្នាំមុខរបរ មិនពិតប្រាកដ ៥-ឈ្មោះ សួង សាន ហៅ តាន់ ហៅ ម៉ៅ ហៅ ៣៣ ភេទប្រុស អាយុ៥៣ឆ្នាំ មុខរបររត់ម៉ូតូឌុប ៦-ឈ្មោះ ម៉ៅ មន ភេទប្រុស អាយុ៣៥ឆ្នាំ មុខរបរបោកអ៊ុតខោអាវ ៧-ឈ្មោះ ស៊ឹម ប៊ុនធឿន ហៅ សុង ភេទប្រុស អាយុ៤៦ឆ្នាំ មុខរបរមិនពិតប្រាកដ និង៨-ឈ្មោះកាយ គឹមលីន ហៅ លីន ភេទ ប្រុស អាយុ៣៩ឆ្នាំ មុខរបរ លក់ទូរសព្ទ័ដៃ។
លោកវរៈសេនីយ៍ឯក ប៊ុន សត្យា នាយការិល័យនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញបានអោយដឹងថា ជនសង្ស័យទាំង៨នាក់ត្រូវបានកំលាំងជំនាញរបស់លោកបានសហការណ៍ជាមួយនគរបាល នៃស្នងការនគរបាលខេត្តកណ្តាល, ខេត្តកំពង់ចាម និងស្នងការខេត្តកំពង់ស្ពឺ ស្រាវជ្រាវ ឈានទៅឃាត់ខ្លួនជាបន្តបន្ទាប់ក្នុងរយៈពេល៤ថ្ងៃ ចាប់ពីថ្ងៃទី២៧រហូតដល់ថ្ងៃទី៣០ខែឧសភា ឆ្នាំ ២០២៣ បន្ទាប់ពីក្រុមជនសង្ស័យ បានធ្វើសកម្មភាពប្ល.ន់អាជីវករលក់គ្រឿងអលង្ការនៅផ្សារស្ទឹងមានជ័យ កាលពីព្រឹកថ្ងៃទី១៨ ខែឧសភាឆ្នាំ ២០២៣ នៅចំណុចក្រោយផ្សារស្ទឹងមានជ័យចាស់ តាមផ្លូវលំ ភូមិ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។
លោកវរសេនីយឯកបានបន្តថា នៅក្នុងសកម្មភាពភាពជនសង្ស័យមានគ្នាចំនួន៥នាក់ជិះម៉ូតូចំនួន២គ្រឿង និងរ៉ឺម៉កម៉ូតូចំនួន១គ្រឿង ប្រដាប់ដោយអាវុ.ធខ្លីចំនួន៤ដើម បានធ្វើសកម្មភាពវា.យ និងបា.ញ់គំរា.មចំនួន២គ្រាប់ប្ល.ន់យកកាបូបស្ពាយដែលមានមាសចំនួន១២តម្លឹង, ផ្លាកទីនទឹក៣ និងទឹក៧ចំនួន១០០តម្លឹងជា និងប្រាក់ចំនួន១ លានរៀលជាង ។ នៅក្នុងសកភាពបណ្តាលអោយជនរងគ្រោះឈ្មោះអ៊ន ហៀក ភេទប្រុស អាយុ៥៥ឆ្នាំ មានទីលំនៅផ្ទះលេខ៧៨ ផ្លូវលំ ភូមិថ្មី សង្កាត់ស្ទឹងមានជ័យ១ ខណ្ឌមានជ័យ បានរងរបួសផងដែរ។
លោកវរសេនីយ៍ឯក ប៊ុន សត្យា បានអោយដឹងទៀតថា ជនសង្ស័យទាំង៨នាក់សុទ្ធសុទ្ធតែ ជាមុខសញ្ញាចាស់ ដែលទើបតែចេញពីគុក ហើយមុនពេលធ្វើសកម្មភាពជនសង្ស័យបានរៀបចំគម្រោងយ៉ាងច្បាស់លាស់ដោយមានអ្នកមើលផ្លូវ និងតាមដានពីដំណើរជនរងគ្រោះចាក់ចេញពីផ្ទះ។ នៅពេលឃាត់ខ្លួន សមត្ថកិច្ចដកហូតបានអាវុ.ធខ្លីចំនួន៤ដើម ក្នុងនោះម៉ាក K៥៩ ចំនួន៣ដើម និងម៉ាក CF៩៨ ចំនួន០១ដើមព្រមទាំងគ្រាប់មួយចំនួន, ម៉ូតូចំនួន៣គ្រឿង និងរ៉ឺម៉ក់ម៉ូតូមួយគ្រឿងព្រមទាំងប្រាក់និងគ្រឿងអលង្ការមួយចំនួនទៀត ។
ការវាយតម្លៃថា ចោរជាមុខសញ្ញាចាស់ គឺត្រឹមត្រូវ ព្រោះក្រុមនេះទើបតែចេញពីពន្ធនាគារ
គួររំលឹកថា ករណីចោរប្ល.ន់អាជីវករលក់មាស និងប្តូរប្រាក់នៅផ្សារស្ទឹងមានជ័យ កាលពីកាលពីព្រឹកថ្ងៃ ទី១៨ ខែឧសភា ឆ្នាំ២០២៣ កន្លងទៅនេះ គឺជាមុខសញ្ញាដដែល ដែលធ្លាប់ធ្វើសកម្មភាពប្ល.ន់អាជីវករលក់មាស និងប្តូរប្រាក់ កាលពីជាង១៤ទៅ១៥ឆ្នាំមុន ។ កាលណោះមានករណីចោរ១ក្រុមមានគ្នា៤នាក់ ជិះម៉ូតូ២គ្រឿង ភិនភាគប្រហាក់ហែលគ្នានេះដែរ បានធ្វើសកម្មភាពប្ល.ន់អាជីវករអ្នកលក់មាស និងប្តូរប្រាក់នៅផ្សារស្ទឹងមានជ័យចាស់ ដែលជនរងគ្រោះមានអាសយដ្ឋាននៅជិតគ្នា និងកន្លែងប្ល.ន់កាលពីព្រឹកថ្ងៃ ទី១៨ ខែឧសភា នេះ ។
មន្ត្រីនគរបាលជំនាញព្រហ្មទណ្ឌបានឲ្យដឹងទៀតថា វេលាម៉ោងប្រមាណ៨ព្រឹក មានចោរ១ក្រុមបានប្រើកាំភ្លើងខ្លីវាយក្បាលជនរងគ្រោះ២នាក់ប្តីប្រពន្ធ និងបា.ញ់ឡើងលើចំនួន៣ទៅ៤គ្រាប់ ហើយប្លន់យកស្បោងដាក់មាសនិងប្រាក់អស់ប្រមាណជាង២ម៉ឺនដុល្លារអាមេរិក រួចជិះគេចខ្លួនដោយសុវត្តិភាព ។ មិនខុសពីលើកនេះទេ ជនសង្ស័យបានធ្វើសកម្ម ភាពប្លន់អាវីវករអ្នកលក់មាសនិងប្តូរបាក់ នៅផ្សារស្ទឹងមានជ័យនោះ មានភិនភាគស្រដៀងគ្នានេះដែរ បានប្រើប្រាស់មធ្យោបាយយកកាំភ្លើ.ងខ្លីវា.យក្បាលជនរងគ្រោះ និងបា.ញ់ឡើងលើ២គ្រាប់ ដើម្បីគំរា.មប្ល.ន់យកកាបូបស្ពាយដែលមានដាក់គ្រឿងអលង្ការហើយគេចខ្លួនបាត់ស្រមោល ។ សកម្មភាពនោះអាចកំណត់បានថា ចោរជាមុខសញ្ញាចាស់ ខណៈពេលនេះសមត្តកិច្ចជំនាញបាន និងកំពុងដុ.តដៃដុ.តជើង បន្តស្រាវជ្រាវ តាមកាមេរ៉ាសុវត្តិភាព ដើម្បីឈានទៅក្រសោបក្រុមចោរប្ល.ន់ប្រដាប់អាវុ.ធនោះ ។
សូមជម្រាបថា ពីរនាក់ប្តីប្រពន្ធដែលជាអាជីវករលក់មាស និងប្តូរប្រាក់ក្នុងផ្សារស្ទឹងមានជ័យចាស់ ត្រូវបានចោរមួយក្រុមប្រដាប់ដោយកាំភ្លើ.ងខ្លីមកភ្ជង់គំរា.មប្ល.ន់យកកាបូបស្ពាយដែលដាក់គ្រឿងអលង្ការនិងប្រាក់ មានប្រាក់រៀល និងប្រាក់ដុល្លារអាមេរិក សរុបជាង២០ម៉ឺនដុល្លារ ហើយនាំគ្នាគេចខ្លួនបាត់ដោយសុវត្ថិភាពទាំងព្រឹកព្រលឹម ។
ករណីប្លន់គួរឱ្យភ្ញាក់ផ្អើលនេះបានកើតឡើង ខណៈអាជីវករទាំង២នាក់ប្តី-ប្រពន្ធបានចាកចេញពីផ្ទះបំណងទៅផ្សារដើម្បីប្រកបរបរលក់ដូរជាធម្មតាដូចរាល់ព្រឹក កាលពីវេលាម៉ោង៦និង៣០នាទីព្រឹកថ្ងៃទី១៨ ខែឧសភា ឆ្នាំ២០២៣ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
អាជីវកររងគ្រោះជាប្រពន្ធឈ្មោះអ៊ុង ផល្លា អាយុ៥២ឆ្នាំ ដែលមានមុខរបរជាអ្នកលក់មាស និងប្តូរប្រាក់ ក្នុងផ្សារស្ទឹងមានជ័យចាស់ តូបលេខ៥០ និងប្ដីឈ្មោះ អន ហ៊ាក អាយុ៥៥ឆ្នាំ ជាមន្ត្រីនគរបាលព្រំដែនគោក បានរងរបួសបែកក្បាល ដោយស្នាប់កាំភ្លើ.ង ខណៈលោកបានចូលទៅជួយភរិយាដែលត្រូវពួកចោរភ្ជ.ង់ និងប្រតាយយកកាបូបស្ពាយ ។
ជនរងគ្រោះនិយាយប្រាប់សមត្ថកិច្ចថា ទ្រព្យសម្បត្តិរបស់គាត់មាន ប្រាក់ និងគ្រឿងអលង្ការសរុបប្រមាណជិត២០ម៉ឺនដុល្លារ ត្រូវបានចោរ៤នាក់ ជិះម៉ូតូ២គ្រឿង មកធ្វើសកម្មភាពប្ល.ន់យកទៅបាត់ភ្លាមៗ បន្ទាប់ពីពួកគាត់ចេញពីផ្ទះហើយធ្វើដំណើរទៅផ្សារស្ទឹងមានជ័យចាស់ដូចរាល់ដង ។
ជនរងគ្រោះបន្តថា ក្រុមចោរបានចាំរួចជាស្រេចនៅក្បែរផ្ទះ ។ ពេលឃើញពួកគាត់ចេញពីផ្ទះដើរទៅផ្សារ(ផ្ទះនៅជិតផ្សារ) ក៏ស្ទុះមកឆក់ទាញយកកាបូប និងភ្ជង់ដោយអាវុធខ្លីមកលើគាត់ជាភរិយា និងយកកាំភ្លើ.ងវា.យក្បាលបុរសជាប្ដី ពេលគាត់ចូលមកជួយ របួសដោយចោរវាយ១ស្នាប់កាំភ្លើ.ងបានដេរជាច្រើនថ្នេរ ។
បើតាមប្រភពព័ត៌មានពីអាជីវករដែលរងគ្រោះបានប្រាប់ឱ្យដឹងថា គ្រឿងអលង្ការ ដែលចោរប្លន់យកទៅនោះមានប្លាទីនទឹក៧ ប្លាទីនទឹក៦ និងគ្រឿងអលង្ការផ្សេងៗទៀត និង មានលុយខ្មែរ លុយដុល្លារសរុបគិតជាទឹកប្រាក់ជាង២០ម៉ឺនដុល្លារ ដាក់ក្នុងកាបូបស្ពាយដើម្បីយកទៅលក់ នៅក្នុងផ្សារស្ទឹងមានជ័យចាស់ដូចសព្វដង ។ ប៉ុន្តែនៅពេលដែលគាត់ ស្ពាយកាបូបដើរទៅផ្សារ ភ្លាមៗនោះក៏ស្រាប់តែចោរជិះម៉ូតូ២គ្រឿងមានគ្នា៤នាក់ ដែលចាំសំកុកក្បែរផ្ទះ បានដកកាំភ្លើ.ងភ្ជ.ង់ប្ល.ន់យកកាបូបស្ពាយទៅបាត់តែម្តងដោយសកម្មភាពប្ល.ន់នេះគឺសឿងណាស់ ។
ក្រោយពេលកើតហេតុ សមត្ថកិច្ចក៏បានមកដល់ភ្លាមៗដែរ ។ មន្ត្រីសមត្ថកិច្ចមិនទាន់អាចផ្តល់ការសន្និដ្ឋានបែបណាមួយភ្លាមៗទេ ជុំវិញករណីប្លន់អាជីវករលក់មាសទាំងព្រលឹមនេះ ។
ជាការកត់សម្គាល់ករណីប្ល.ន់អាជីវករលក់មាសបែបនេះ មិនមែនជាការប្ល.ន់ដោយចៃដន្យនោះទេ ។ មុនពេលដែលពួកចោរវាហ៊ានធ្វើសកម្មភាពបែបនេះ គឺពិតណាស់ថា មានការតាមដានច្រើនថ្ងៃមកហើយមុនពេលប្ល.ន់ ។ ក្រុមចោរប្ល.ន់នេះវាហ៊ានធ្វើតែពេលអាជីវករចេញពីផ្ទះទៅផ្សារនៅពេលព្រឹក ឬវិលត្រឡប់ពីផ្សារនៅពេលល្ងាច ។
អំពើប្ល.ន់អ្នកលក់មាសបែបនេះ បានស្ងប់ស្ងាត់ប្រមាណ៦ឆ្នាំមកហើយ បន្ទាប់ពីសកម្មភាពប្ល.ន់បានកើតឡើងច្រើនកន្លែងនៅក្នុងឆ្នាំ២០១៧ ហើយក៏ស្ងាត់រហូតមក ។ ទោះបីជាបែបណា ករណីប្ល.ន់បែបនេះ មិនអាចថាសមត្ថកិច្ចមិនដឹងក្លិននោះទេ ដោយកាមេរ៉ាសុវត្ថិភាពមានបង្កប់នៅគ្រប់កន្លែងទាំងរបស់ឯកជន(តាមផ្ទះ) និងរបស់សមត្ថកិច្ចតាមដងផ្លូវដែលសង្ឃឹមថាការស្រាវជ្រាវនឹងឈានទៅបកស្បែកពួកចោរមិនខានឡើយ ៕
ខាងក្រោមនេះជាអត្ថបទពាក់ព័ន្ធ ៖
-ចាប់បានហើយ! ក្រុមចោ-រប្ល-ន់-អាជីវករលក់មាស-ពេជ្រនៅផ្សារស្ទឹងមានជ័យចាស់
ចែករំលែកព័តមាននេះ