មកដឹងលម្អិតករណីបា.ញ់ស្ព្រាយ៍ចូលភ្នែកម្ចាស់ឡាន រួចប្ល.ន់ឡាននៅស្រុកកណ្ដាលស្ទឹង
- ភ្នំពេញ
ខេត្តកណ្ដាល ៖ គិតរហូតមកដល់ថ្ងៃទី១៤ ខែមិនា ឆ្នាំ២០២៣ ជនសង្ស័យនៅក្នុងសកម្មភាពបា.ញ់
ខេត្តកណ្ដាល ៖ គិតរហូតមកដល់ថ្ងៃទី១៤ ខែមិនា ឆ្នាំ២០២៣ ជនសង្ស័យនៅក្នុងសកម្មភាពបា.ញ់
ខេត្តកណ្ដាល ៖ គិតរហូតមកដល់ថ្ងៃទី១៤ ខែមិនា ឆ្នាំ២០២៣ ជនសង្ស័យក្នុងសកម្មភាពបា.ញ់ស្ព្រាយ៍ប្ល.ន់រថយន្តពីបុរសម្នាក់នៅមិនទាន់ត្រូវចាប់ខ្លួនបាននៅឡើយ ហើយនៅថ្ងៃកើតហេតុគឺមិនមែនជនសង្ស័យប្រើល្បិចទៅរកទិញរថយន្តពីជនរងគ្រោះរួចបា.ញ់ស្ព្រាយ៍ប្ល.ន់យករថយន្តដូចជាព័ត៌មានបឋមនោះឡើយ ។ តាមពិតគឺជនសង្ស័យប្រើល្បិចថាមានគេចង់លក់រថយន្ត ហើយនាំជនរងគ្រោះទៅរកទិញរថយន្ត លុះពេលទៅដល់កន្លែងស្ងាត់ក៏ធ្វើសកម្មភាពប្ល.ន់តែម្ដង ។ ទោះបីជាបែបណា ខណៈនេះនគរបាលខេត្តកណ្ដាល បាននិងកំពុងធ្វើការស្រាវជ្រាវដើម្បីកំណត់ឲ្យបាននូវមុខសញ្ញា ជនសង្ស័យខាងលើស្វែងរកចាប់ខ្លួនមកផ្ដន្ទាទោសតាមច្បាប់ហើយ។ គួររំលឹកថា ប្រើល្បិចតថ្លៃឡាន! ពេលម្ចាស់ភ្លេចខ្លួនយកស្ព្រាយ៍បា.ញ់ចូលភ្នែក រួចបើកគេចទាំងភ័.យស្លន់ស្លោ
យោតាមព័ត៌មានលម្អិតដែលកោះសន្តិភាពទទួលបាន គឺជនសង្ស័យមិនមានគ្នាច្រើននោះទេ គឺមានតែម្នាក់ឯងប៉ុណ្ណោះ ហើយប៉ុនប៉ងប្ល.ន់ជនរងគ្រោះជាច្រើនថ្ងៃកន្លងមកហើយ ប៉ុន្តែគ្មានឱកាសលុះដល់វេលារសៀលថ្ងៃទី១៣ ខែមិនា មានឱកាសប្ល.ន់តែម្ដង ប៉ុន្តែពុំបានសម្រេចឡើយ។ដោយឡែកជនរងគ្រោះនៅក្នុងអំពើប្ល.ន់នោះឈ្មោះជឿន ស៊ីនួន ភេទប្រុស អាយុ៤១ឆ្នាំ មានទីលំនៅក្នុងបូរីភពថ្មីកំបូល១ សង្កាត់កន្ទោក ខណ្ឌកំពូល រាជធានីភ្នំពេញ មុខរបរជាអ្នកទិញ-លក់រថយន្ត។រថយន្តរបស់គាត់ដែលត្រូវជនសង្ស័យប្លន់យកមិនបានសម្រេចនោះម៉ាក TOYOTA PRIUS ពណ៌ស ផលិតឆ្នាំ២០០៥ ពាក់ស្លាកលេខ ភ្នំពេញ 2BH-6502។
តាមប្រភពដដែលបានប្រាប់ឲ្យដឹងថា ដោយសារតែខ្លួនគឺជាអ្នកទិញលក់រថយន្ត ទើបជនរងគ្រោះបានបង្ហោះលេខទូរស័ព្ទរបស់ខ្លួនក្នុងគណនីហ្វេសបុកឈ្មោះ ជួន ស៊ីនួន ដើម្បីប្រកាសទិញនិងលក់រថយន្ត ។ ដោយឡែកនៅថ្ងៃទី០៤ ខែមីនា ឆ្នាំ២០២៣ វេលាម៉ោង៤និង៥១នាទីរសៀល ជនសង្ស័យពុំស្គាល់អត្តសញ្ញាណខាងលើ បានយកលេខទូរស័ព្ទ 087 612 697 ខលទំនាក់ទំនងជាមួយជនរងគ្រោះថា «មានគេរកលក់រថយន្តម៉ាក FORD RANGER ពណ៌ស ផលិតឆ្នាំ២០១៩ មួយគ្រឿង គឺលក់ក្នុងតម្លៃ៣១,០០០ដុល្លារ» ។ ពេលនោះជនរងគ្រោះបានតបថា «មិនហ៊ានទិញទេតម្លៃប៉ុណ្ណឹង» បន្ទាប់មកជនសង្ស័យបានប្រាប់ទៅជនរងគ្រោះវិញថា«ចាំខ្ញុំធ្វើការឲ្យ ព្រោះខ្ញុំស្គាល់ម្ចាស់រថយន្តច្បាស់»និយាយរួចក៏បិទទូរស័ព្ទទៅ។
តាមប្រភពខាងលើបានប្រាប់បន្ថែមទៀតថា លុះដល់ថ្ងៃទី១០ ខែឆ្នាំដដែល ជនសង្ស័យខាងលើនេះបានខលទៅកាន់ជនរងគ្រោះម្តងទៀតថា« ម្ចាស់រថយន្តគេព្រមលក់រថយន្តហើយ គេឲ្យទៅមើល និងបានប្រាប់ជនរងគ្រោះថា យកលុយសុទ្ធមកផង ព្រោះម្ចាស់រថយន្តអត់មានលេខកុងធនាគារទេ គាត់ចាស់ៗហើយ នៅផ្ទះដាច់ស្រយាល»។ ពេលនោះជនរងគ្រោះបានឲ្យប្រពន្ធរបស់ខ្លួនទៅដកលុយពីធនាគារចំនួន ៣០,០០០ដុល្លារ លុះពេលដកលុយបានជនរងគ្រោះបានជិះឡានម៉ាក TUNTRA ជាមួយប្អូនប្រុសរបស់ខ្លួនឈ្មោះ ហេង ទៅយកជនសង្ស័យនៅម្តុំភ្លើងស្តុប ទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពមួយនេះបានបញ្ជាក់ឲ្យដឹងផងដែរថា ជនរងគ្រោះជិះរថយន្តមកដល់បានជួបជនសង្ស័យ តែពុំបានស្គាល់មុខជននោះឡើយ ព្រោះជនសង្ស័យពាក់អាវធំមានមួក និង ពាក់ម៉ាស់ជិត បន្ទាប់មកជនសង្ស័យបានឡើងជិះរថយន្តជាមួយជនរងគ្រោះមក រួចបើកចេញដំណើរឡើងទៅតាមផ្លូវជាតិលេខ៣ ។ លុះពេលជិះទៅដល់ត្រង់ចំណុចស្ពានទំនប់ ៧មករា កំពង់ទួលភូមិទឹកថ្លា សង្កាត់ក្រាំងពង្រ ខណ្ឌដង្កោ ជនសង្ស័យក៏បានប្រាប់ជនរងគ្រោះថា «ប្រពន្ធម្ចាស់រថយន្តលែងលក់វិញហើយ» ។ បន្ទាប់មកទៀតជនរងគ្រោះនិងប្អូនប្រុស ព្រមទាំងជនសង្ស័យបាននាំគ្នាបើករថយន្តត្រឡប់ក្រោយវិញនិងបែកផ្លូវគ្នាទៅផ្ទះរៀងៗខ្លួន។
តាមប្រភពព័ត៌មាននេះបានឲ្យដឹងបន្តថា រហូតដល់ថ្ងៃទី១៣ ខែឆ្នាំដដែល វេលាម៉ោង១០និង៣០នាទីព្រឹក ជនសង្ស័យរូបនោះបានទូរស័ព្ទប្រាប់ជនរងគ្រោះថា« ម្ចាស់រថយន្តព្រមលក់ហើយក្នុងតម្លៃ ៣០,៥០០ដុល្លារ ហើយយកលុយសុទ្ធមក ហើយមកតែម្នាក់ឯងបានហើយ ព្រោះខុសពីខ្លួនម្ចាស់គេមិនលក់ឲ្យទេ»។ ពេលនោះជនរងគ្រោះបានបើករថយន្តម៉ាកTOYOTA PRIUS ពណ៌ស ផលិតឆ្នាំ២០០៥ ពាក់ស្លាកលេខ ភ្នំពេញ 2BH-6502 តែម្នាក់ឯងទៅយកជនសង្ស័យនៅម្តុំស្តុបទួលពង្រដដែល។ ពេលទៅដល់ជនរងគ្រោះបានជួបជនសង្ស័យតែនៅតែពុំស្គាល់មុខដដែល ព្រោះជនសង្ស័យពាក់អាវធំមានមួក និង ពាក់ម៉ាស់ជិះរួចឡើងជិះរថយន្តជាមួយជនរងគ្រោះ ហើយពេលធ្វើដំណើរតាមផ្លូវ ជនសង្ស័យបានប្រាប់ជនរងគ្រោះថា «ពេលជិតដល់ផ្ទះរបស់ម្ចាស់រថយន្ត បងឲ្យលុយមកខ្ញុំមក ចាំខ្ញុំយកលុយទៅរាប់ឲ្យគេ »។
តាមប្រភពនោះបានឲ្យដឹងបន្ថែមទៀងថា ពេលជិះទៅដល់កន្លែងកើតហេតុ ស្ថិតនៅក្នុងភូមិបិនបោរ ឃុំព្រះពុទ្ធ ស្រុកកណ្ដាលស្ទឹង ខេត្តកណ្ដាល ។ ជនសង្ស័យបានប្រាប់ជនរងគ្រោះ«ថាឈប់ឡាននៅកន្លែងនឹងសិនហើយ ។ បន្ទាប់មកជនរងគ្រោះបានអែបរថយន្តក្រោមដើមឈើ១ដើម ពេលនោះជនសង្ស័យបានចុះពីលើរថយន្ត ហើយឈរក្បែររថយន្ត ចំណែកជនរងគ្រោះអង្គុយក្នុងរថយន្តចុចទូរស័ព្ទ។ លុះមួយសន្ទុះក្រោយមក ជនសង្ស័យបានចូលមកក្នុងរថយន្តវិញហើយរួចយកស្ព្រាយ៍បា.ញ់ទៅលើមុខជនរងគ្រោះផ្នែកខាងស្តាំ ហើយជនរងគ្រោះងាកមុខចេញ ។
តាមប្រភពដដែលនោះបានបន្តទៀតថា បន្ទាប់មកទៀតជនសង្ស័យយកឧបករណ៍ឆ.ក់ទៅឆ.ក់ជនរងគ្រោះ តែត្រូវជនរងគ្រោះប្រវា.យប្រតប់ជាមួយវិញ ហើយបើកទ្វាររត់ចេញស្រែកឲ្យគេជួយ ហើយជនសង្ស័យបានបើករថយន្តគេចខ្លួនបាត់ ។ ខណៈនោះជនរងគ្រោះបានរត់តាមផ្លូវសុំឲ្យគេជួយខ្លួន និងបានជួបកម្លាំងប្រជាការពារ ។ ភ្លាមៗនោះកម្លាំងប្រជាការពារបានប្រកាសតាមវិទ្យុទាក់ទង ឲ្យជួយស្ទាក់ចាប់រថយន្ត និងធ្វើរុករកក្នុងភូមិសាស្ត្រ លុះមួយសន្ទុះក្រោយមកក៏បានឃើញរថយន្តខាងលើធ្លា.ក់ចូលក្នុងទឹកប្រឡាយ ចំណែកជនសង្ស័យបានរត់គេចខ្លួនបាត់ស្រមោល៕
ចែករំលែកព័តមាននេះ