ប្រើល្បិចតថ្លៃឡាន! ពេលម្ចាស់ភ្លេចខ្លួនយកស្ព្រាយ៍បា.ញ់ចូលភ្នែក រួចបើកគេចទាំងភ័.យស្លន់ស្លោ
- ភ្នំពេញ
ខេត្តកណ្ដាល ៖ ជនសង្ស័យ១ក្រុមបានធ្វើសកម្មភាពប្ល.ន់យករថយន្ត១គ្រឿង ដោយប្រើល្បិចធ្វើជាត
ខេត្តកណ្ដាល ៖ ជនសង្ស័យ១ក្រុមបានធ្វើសកម្មភាពប្ល.ន់យករថយន្ត១គ្រឿង ដោយប្រើល្បិចធ្វើជាត
ខេត្តកណ្ដាល ៖ ជនសង្ស័យ១ក្រុមបានធ្វើសកម្មភាពប្ល.ន់យករថយន្ត១គ្រឿង ដោយប្រើល្បិចធ្វើជាតថ្លៃរកទិញរថយន្តខាងលើ និងឲ្យម្ចាស់បញ្ឆេះម៉ាស៊ីនមើល និងសុំបើកសាកចុះមើលឡើងៗ ដោយឲ្យម្ចាស់អង្គុយក្បែរផងដែរ ។ លុះពេលទៅដល់កន្លែងស្ងាត់ ជនសង្ស័យក៏បានយកស្ព្រាយ៍បា.ញ់ចូលភ្នែកម្ចាស់ រួចច្រា.នទម្លា.ក់ចេញពីក្នុងរថយន្ត បន្ទាប់មកជនសង្ស័យបានបើករថយន្តរត់គេចខ្លួនតែម្តង ។ ខណៈនោះបណ្ដាលឲ្យម្ចាស់រថយន្តរងរបួសភ្នែកយ៉ាងដំណំ និងត្រូវជនសង្ស័យរុញទម្លា.ក់ពីលើរថយន្តថែមទៀត ប៉ុន្តែគាត់បានតស៊ូស្រែកថា «ចោរៗ» បង្កឲ្យមានការភ្ញាក់ផ្អើលដល់កម្លាំងនគរបាលនិងប្រជាការពារដេញតាម ធ្វើឲ្យជនសង្ស័យភ័.យស្លន់ស្លោរបើករថយន្តធ្លាក់ចូលទៅក្នុងទឹកប្រឡាយ បន្ទាប់មកគេចខ្លួនបាត់អស់តែម្តង ។
ហេតុការណ៍ខាងលើនោះបានបង្កការភ្ញាក់ផ្អើលកើតឡើងកាលពីវេលាម៉ោង១និង៤០នាទៅរសៀល ថ្ងៃទី១៣ ខែមិនា ឆ្នាំ២០២៣ នៅក្នុងភូមិព្រះពុទ្ធ ឃុំព្រះពុទ្ធ ស្រុកកណ្ដាលស្ទឹង ខេត្តកណ្ដាល។
តាមប្រភពព័ត៌មានបឋមបានឲ្យដឹងថា នៅមុនពេលកើតហេតុ មានជនសង្ស័យមួយក្រុមបានទៅតថ្លៃទិញរថយន្ត១គ្រឿងម៉ាកព្រូស ពណ៍ស ពីបុរសម្នាក់ម្នាក់ ហើយពេលទៅដល់បានប្រើល្បិចធ្វើជាត្រួតពិនិត្យរថយន្ត និងឲ្យម្ចាស់បញ្ឆេះម៉ាស៊ីនរថយន្តមើលចង់ដឹងថាម៉ាស៊ីនឆេះស្ងាត់ល្អឬអត់។បន្ទាប់មក ម្ចាស់បានបញ្ឆេះតាមការចង់បានរបស់ជនសង្ស័យ ហើយជនសង្ស័យបានបើកសុំសាករថយន្តដោយឲ្យជនរងគ្រោះអង្គុយកៅអីមុខក្បែរគ្នា លុះពេលបើករថយន្តដល់ផ្លូវស្ងាត់ ជនសង្ស័យខាងលើបានយកស្ព្រាយ៍បា.ញ់ទៅចូលភ្នែកជនរងគ្រោះ បណ្តាលឲ្យជនរងគ្រោះក្រហាយភ្នែកមើលផ្លូវមិនឃើញ ។ ពេលនោះជនរងគ្រោះក៏បានធ្វើការប្រតាយប្រតប់ជាមួយជនសង្ស័យពេញក្នុងរថយន្ត ហើយជនសង្ស័យក៏បានរុញជនរងគ្រោះទម្លាក់ចេញពីលើរថយន្ត ។
តាមប្រភពដដែលបានឲ្យដឹងបន្តទៀតថា ខណៈនោះជនរងគ្រោះបានស្រែកថា«ចោរៗ»ប្រាប់គេឯងបង្កឲ្យមានការភ្ញាក់ផ្អើលយ៉ាងខ្លាំង ហើយនគរបាននិងប្រជាការពារនៅមូលដ្ឋាននោះបាននាំគ្នាដេញតាម។ ប៉ុន្តែដេញតាមពុំទាន់ និងពុំបានឃើញស្រមោលរថយន្តនោះឡើយ បន្ទាប់មកក៏ចេះតែដេញតាមរក និងបានទាក់ទងទៅកាន់កម្លាំងនគរបាលខណ្ឌដង្កោ រាជធានីភ្នំពេញឲ្យជួយសហការណ៍ផងដែរ ព្រោះរវាងស្រុកកណ្ដាលស្ទឹង និងខណ្ឌដង្កោមានព្រំប្រទល់ជាប់គ្នា ។
តាមប្រភពខាងលើបានប្រាប់ឲ្យដឹងបន្តថា ចំណែកក្រុមចោរមានការភ័.យស្លន់ស្លោរបានបើករថយន្តលឿន លុះពេលបើកគេចទៅដល់ត្រង់ចំណុចភូមិវាលកណ្ដោល ឃុំបាគូ ស្រុកកណ្ដាលស្ទឹង ខេត្តកណ្ដាល ចម្ងាយប្រមាណ៣គីឡូម៉ែត្រពីកន្លែងកើតហេតុ ក៏បានធ្លា.ក់ចូលទៅក្នុងទឹកប្រឡាយមេលេខ៦២ រួចនាំគ្នាគេចខ្លួនចូលព្រៃបាត់អស់ ។ បន្ទាប់មកទើបនគរបាលនិងប្រជាការពារទៅដល់ហើយបានឃើញរថយន្តដែលត្រូវចោរប្ល.ន់យកទៅនោះស្ថិតនៅក្នុងទឹក មិនបានឃើញចោរឡើយ តែទោះជាបែបណាកម្លាំងនគរបាលកំពុងតាមរុករកក្រុមចោរ ដើម្បីស្វែងរកចាប់ខ្លួនយកមកផ្ដន្ទាទោសតាមច្បាប់ហើយ៕
ចែករំលែកព័តមាននេះ