រាជធានីភ្នំពេញ ៖ វីរកងទ័ពកម្ពុជាទាំង១៨ នាក់ បានឡើងឧទ្ធម្ភាគចក្រធ្វើដំណើរឆ្ពោះមកកាន់ព្រលានយន្តហោះអន្តរជាតិពោធិ៍ចិនតុង រាជធានីភ្នំពេញ ខណៈដែលក្រុមគ្រួសារ អាជ្ញាធរ និងប្រជាពលរដ្ឋ កំពុងរង់ចាំស្វាគមន៍យ៉ាងកក់…
រាជធានីភ្នំពេញ ៖ វីរកងទ័ពកម្ពុជាទាំង១៨ នាក់ បានឡើងឧទ្ធម្ភាគចក្រធ្វើដំណើរឆ្ពោះមកកាន់ព្រលានយន្តហោះអន្តរជាតិពោធិ៍ចិនតុង រាជធានីភ្នំពេញ ខណៈដែលក្រុមគ្រួសារ អាជ្ញាធរ និងប្រជាពលរដ្ឋ កំពុងរង់ចាំស្វាគមន៍យ៉ាងកក់ ។នេះបើយោងតាមផេកទូរទស្សន៍ជាតិកម្ពុជាបានផ្សាយនារសៀលថ្ងៃទី៣១ ខែធ្នូ ឆ្នាំ២០២៥នេះ ។
សូមបញ្ជាក់ថា ៖ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានប្រកាសនាព្រឹកនេះថា នៅច្រកទ្វារព្រំដែនអន្តរជាតិព្រំ ខេត្តប៉ៃលិន វេលាម៉ោង ១០:០០ នាទីព្រឹក ថ្ងៃទី៣១ ខែធ្នូ ឆ្នាំ២០២៥នេះ យោធិនកម្ពុជាទាំង ១៨រូប ដែលបានស្ថិតក្រោមការឃុំគ្រងរបស់ភាគីថៃអស់រយៈពេល ១៥៥ថ្ងៃមកហើយ ត្រូវបានដោះលែង និងបញ្ជូនត្រឡប់មកមាតុប្រទេសវិញ ដោយសុខសុវត្ថិភាព។
លោកជំទាវក៏សូមគូសបញ្ជាក់ផងដែរថា ការដោះលែងយោធិនកម្ពុជាចំនួន ១៨រូបត្រឡប់មកកម្ពុជាវិញ គឺធ្វើឡើងក្រោមការឯកភាពគ្នារវាងកម្ពុជានិងថៃ នៅក្នុងសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ (GBC) រវាងព្រះរាជាណាចក្រកម្ពុជា និងព្រះរាជាណាចក្រថៃ ដែលត្រូវបានចុះហត្ថលេខាកាលពីថ្ងៃទី២៧ ខែធ្នូ ឆ្នាំ២០២៥ ក្នុងចំនុចទី១១ ដែលបានកំណត់ថា បន្ទាប់ពីការគោរពយ៉ាងពេញលេញក្នុងរយៈពេល ៧២ម៉ោងនៃបទឈប់បាញ់ ដែលត្រូវបានចូលជាធរមានកាលពីវេលាម៉ោង ១២:០០ថ្ងៃត្រង់ (ម៉ោងក្នុងស្រុក) នៅថ្ងៃទី២៧ ខែធ្នូ ឆ្នាំ២០២៥។ ក្នុងដំណើរនៃការវិលត្រឡប់របស់យោធិនទាំង ១៨រូបរបស់យើង ក៏មានការចូលរួមសង្កេតការណ៍ពីសំណាក់ក្រុមអ្នកសង្កេតការណ៍អាស៊ាន (AOT) និងគណៈកម្មាធិការអន្តរជាតិនៃកាកបាទក្រហម (ICRC)៕
ចែករំលែកព័តមាននេះ