ឯកអគ្គរាជទូតជប៉ុន ចេញសេចក្តីថ្លែងការណ៍ស្វាគមន៍ចំពោះការដោះលែងយោធិនកម្ពុជា ១៨ រូប
រាជធានីភ្នំពេញ ៖ នារសៀលថ្ងៃទី៣១ ខែធ្នូ ឆ្នាំ២០២៥ ឯកឧត្តម អ៊ូអិណុ អាត់ស៊ូស៊ី (UENO Atsushi)…
រាជធានីភ្នំពេញ ៖ នារសៀលថ្ងៃទី៣១ ខែធ្នូ ឆ្នាំ២០២៥ ឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា បានចេញសេចក្តីថ្លែងការណ៍ស្វាគមន៍យ៉ាងកក់ក្តៅ ចំពោះការសម្រេចដោះលែងយោធិនកម្ពុជាទាំង ១៨ រូប ឱ្យមានសេរីភាពវិញ ។
ជាក់ស្តែងបើយោងតាមផេកស្ថានទូតជប៉ុននៅកម្ពុជា បាន បានប្រកាសថា ៖ លោក អ៊ូអិណុ ឯកអគ្គរាជទូតជប៉ុនប្រចាំកម្ពុជា បានប្រកាសនារសៀលថ្ងៃទី៣១ ខែធ្នូ ឆ្នាំ២០២៥នេះថា ៖ ខ្ញុំសូមស្វាគមន៍ចំពោះការដោះលែងទាហានកម្ពុជាទាំង១៨នាក់ ។ ខ្ញុំសង្ឃឹមថា បទឈប់បាញ់នឹងត្រូវបានរក្សា ហើយភាពតានតឹងរវាងប្រទេសកម្ពុជា និងថៃនឹងត្រូវបានកាត់បន្ថយបន្ថែមទៀត ។ ខ្ញុំសូមជូនពរអ្នកទាំងអស់គ្នា រីករាយឆ្នាំថ្មី ។
សូមបញ្ជាក់ថ ៖ វីរយោធិនទាំង១៨រូប បានវិលមកដល់មាតុភូមិ និងជួបជុំក្រុមគ្រួសារវិញហើយ នារសៀលថ្ងៃទី៣១ ខែធ្នូ ឆ្នាំ២០២៥នេះ បន្ទាប់ពីការឃ្លាតឆ្ងាយពីមាតុភូមិ និងក្រុមគ្រួសារ អស់រយៈពេល ១៥៥ថ្ងៃ ក្រោយយោធាថៃចាប់ខ្លួនកាលពីថ្ងៃទី២៩ខែកក្កដា ឆ្នាំ២០២៥ ៕
ចែករំលែកព័តមាននេះ