រាជធានីភ្នំពេញ ៖ សំណុំរឿងឪពុកមារប្រើកាំបិតបុ័ងតោអារ.កស ម្លាប់ក្មួយស្រីអាយុប្រមាណ១០ ឆ្នាំ ចៅក្រមជំនុំជម្រះសាលា ដំបូងរាជធានីភ្នំពេញ កាលពីរសៀលថ្ងៃទី៣០ ខែធ្នូ ឆ្នាំ២០២៥…
រាជធានីភ្នំពេញ ៖ សំណុំរឿងឪពុកមារប្រើកាំបិតបុ័ងតោអារ.កស ម្លាប់ក្មួយស្រីអាយុប្រមាណ១០ ឆ្នាំ ចៅក្រមជំនុំជម្រះសាលា ដំបូងរាជធានីភ្នំពេញ កាលពីរសៀលថ្ងៃទី៣០ ខែធ្នូ ឆ្នាំ២០២៥ បានប្រកាសសាលក្រមផ្តន្ទាទោស លើជនជាប់ចោទដាក់គុកអស់ មួយជីវិត ក្រោមការចោទប្រកាន់ពីបទ.ឃាតកម្មគិតទុកជាមុន ។ សាលក្រមបានទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ បើសិនភាគីណាមួយមិនសុខចិត្តចំពោះការកាត់ក្តីនេះ ។
ជនជាប់ចោទមានឈ្មោះ ហង់ រតនៈ ហៅ បារាំង ភេទប្រុស អាយុ៣៣ ឆ្នាំ ប្រព្រឹត្តបទល្មើសនៅចំណុចផ្ទះលេខ៤៥ ផ្លូវលេខ៤៧ ភូមិ១៥ សង្កាត់ សង្កាត់ស្រះចក ខណ្ឌដូនពេញ រាជធានីភ្នំពេញ ។
សូមបញ្ជាក់ថា កាលពីថ្ងៃទី២៦ ខែធ្នូ ឆ្នាំ២០២៥ សាលាដំបូងរាជធានីភ្នំពេញ បានលើកយកសំណុំរឿងខាងលើនេះមកបើកសវនាការជំនុំជម្រះទោស រួចបានលើកពេលប្រកាសសាលក្រមនៅថ្ងៃទី៣០ ខែធ្នូ ឆ្នាំ២០២៥ ។
អង្គហេតុទាំងមូលគឺនៅវេលាម៉ោង១ រសៀលថ្ងៃទី០១ ខែកក្កដា ឆ្នាំ២០២៥ នៅចំណុចផ្ទះលេខ៤៥ ផ្លូវលេខ៤៧ ភូមិ១៥ សង្កាត់ សង្កាត់ស្រះចក ខណ្ឌដូនពេញ ឪពុកមារបង្កើតឈ្មោះ ហង់ រតនៈ ហៅ បារាំង បានយកកាំបិតបុ័ងតោ អារ.ក សម្លាប់ក្មួយស្រីអាយុប្រមាណ១០ ឆ្នាំ ស្លាប់មុនពេលបញ្ជូនទៅដល់មន្ទីរពេទ្យគន្ធបុប្ផា ។ បន្ទាប់ពេលធ្វើសកម្មភាពអាករសម្លាប់ក្មួយស្រីរួច ជនសង្ស័យបានលោតពីលើផ្ទះជាន់ទី១ ប៉ុនប៉ងសម្លាប់ខ្លួនតាមក្រោយ ប៉ុន្តែមិនស្លាប់ក៏ត្រូវបានសមត្តកិច្ចនគរបាលមូលដ្ឋានចុះទៅចាប់ខ្លួន ។
អំពើឃាតកម្មយ៉ាងសាហាវឃោឃៅនោះជនរងគ្រោះមានឈ្មោះ នុត កូនស្រី ភេទស្រី អាយុប្រមាណ១០ ឆ្នាំ ជាសិស្សរៀនថ្នាក់ទី៣ សាលាបឋមសិក្សាកុលាប១ ។ តាមការបញ្ជាក់ពីប្រជាពលរដ្ឋដែលរស់នៅក្បែរផ្ទះកើតហេតុឲ្យដឹងថា ជនសង្ស័យជាមនុស្សមានជំនឿ គ្រូមន្តអាគមអូមអាសន្ថិត ដោយមានរៀបចំអាសនៈ ជាទីសក្ការៈ សម្រាប់ធ្វើពិធីផងដែរ និងជាងនេះទៀតនៅលើខ្លួនប្រាណជនសង្ស័យ មានចាក់ស័ក្ត ពេញខ្លួន ។
មុនធ្វើសកម្មភាពជនសង្ស័យបានដើរចុះឡើងៗ ចេញក្រៅផ្ទះ រួចយកអាសនៈចុះក្រោម ហើយបានដុតធូបនិងចាក់ភ្លេងសៀមចំនួន៣ បទ។ លុះពេលចប់ភ្លេងសៀម៣បទហើយ ជនដៃដល់បានស្ទុះទៅចាប់ក្មួយស្រីអូសដៃឡើងទៅលើផ្ទះ រួចធើ្វសកម្មភាព អាករតែម្តងទៅ ។ ឃើញដូច្នោះម្ដាយជនរងគ្រោះក៏បានឡើងទៅតាមពីក្រោយដែរ ប៉ុន្តែជួយសង្គ្រោះមិនទាន់ខណៈជនដៃដល់អាករកូនស្រីឲ្យរងរបួសទៅហើយ ហើយជនដៃដល់ក៏បានប្រើកាំ បិតបុ័ងតោ អាករខ្លួនឯងនឹងយកពូថៅវាយក្បាលបន្ថែម រួចលោតចុះពីលើផ្ទះដើម្បីសម្លាប់ខ្លួន បណ្ដាលឲ្យរងរបួសធ្ងន់ ត្រូវបញ្ជូនទៅមន្ទីរពេទ្យកាល់ម៉ែត្រ ។
តាមចម្លើយជនសង្ស័យនៅសមត្តកិច្ចក៏ដូចនៅពេលសវនាការ ថា ខ្លួនមានគ្រូកាន់ ដែលការសម្លាប់ក្មួយស្រីគឺ គ្រូចូល ពេលនោះខ្លួនមិនបានដឹងទេ គ្រាន់តែដឹងថា មុនធ្វើសកម្មភាព ខ្លួនបានប្រើក្មួយស្រីឲ្យទិញស្រាសមួយដបមកផឹក ហើយក៏លែងដឹងខ្លួនតែម្តងទៅ ៕
ចែករំលែកព័តមាននេះ