Real កោះប្រជុំបន្ទាន់មួយ ក្រោយ Barca រងការចោទប្រកាន់រឿងប្រព្រឹត្តអំពើពុករលួយ
អេស្ប៉ាញ ៖ យោងតាមប្រភពពីសារព័តមាន The Athletic បានរាយការណ៍ឱ្យដឹងថា ក្លិបបាល់ទាត់
អេស្ប៉ាញ ៖ យោងតាមប្រភពពីសារព័តមាន The Athletic បានរាយការណ៍ឱ្យដឹងថា ក្លិបបាល់ទាត់
អេស្ប៉ាញ ៖ យោងតាមប្រភពពីសារព័តមាន The Athletic បានរាយការណ៍ឱ្យដឹងថា ក្លិបបាល់ទាត់ Real Madrid បានកោះប្រជុំក្រុមប្រឹក្សាភិបាលបន្ទាន់មួយ នៅថ្ងៃទី១២ ខែមីនា ឆ្នាំ២០២៣ (ពេលវេលានៅអេស្ប៉ាញ) បន្ទាប់ពីក្លិប Barcelona ដែលជាគូប្រជែងដ៏ធំបំផុតរបស់ខ្លួន រងការចោទប្រកាន់ពីបទប្រព្រឹត្តអំពើពុករលួយ។ គួររំលឹកថា រឿងធំ! Barca ប្រឈមកាត់ចេញពី La Liga ក្រោយរកឃើញសូកប៉ាន់អតីតអនុប្រធានអាជ្ញាកណ្តាល
កាលពីថ្ងៃទី១០ ខែមីនា កន្លងទៅថ្មីៗនេះ ការិយាល័យព្រះរាជអាជ្ញាសាធារណៈរបស់ប្រទេសអេស្ប៉ាញ បានសម្រេចចោទប្រកាន់ក្លិបអ្នកមានបុណ្យ FC Barcelona ជុំវិញការប្រព្រឹត្តអំពើពុករលួយ ដោយបានលួចបង់ប្រាក់ខុសច្បាប់ទៅអតីតអនុប្រធានគណៈកម្មាធិការអាជ្ញាកណ្តាលបាល់ទាត់អេស្ប៉ាញ លោក Jose Maria Enriquez Negreira ជាមួយទឹកប្រាក់ ១.៤លានអឺរ៉ូ ស្មើនឹង ១.៥លានដុល្លារចន្លោះឆ្នាំ ២០១៦ ដល់ឆ្នាំ ២០១៨ ពោលគឺអំឡុងពេលការគ្រប់គ្រងរបស់លោក Josep Bartomeu អតីតប្រធានក្លិបយក្សមកពីតំប់កាតាឡាន់មួយនេះ។ ខណៈដែលលោក Enriquez Negreira បានបដិសេធជុំវិញការចោទប្រកាន់នេះ។
ក្លិបស្តេចស Real Madrid មិនបានពិភាក្សាជាសាធារណៈអំពីករណីនេះ ជាមួយនឹងអ្នកចាត់ការទូទៅ លោក Carlo Ancelotti នោះទេ ដើម្បីជៀសវាងការចោទសួរពីសំណាក់អ្នកកាសែតអំពីបញ្ហានេះ។
លោក Emilio Butragueno នាយកផ្នែកទំនាក់ទំនងស្ថាប័នរបស់ក្លិប Real Madrid បាននិយាយថា «យើងត្រូវគោរពពេលវេលានៃយុត្តិធម៌ ហើយឥឡូវនេះ យើងត្រូវរង់ចាំការសន្និដ្ឋាននៃការស៊ើបអង្កេតរបស់ការិយាល័យព្រះរាជអាជ្ញា»។
យ៉ាងណាមិញ ដោយសារតែការចោទប្រកាន់ប្រឆាំងក្លិប Barcelona មានសណ្ឋានធ្ងន់ធ្ងរ ដូច្នេះលោក Florentino Perez ប្រធានក្លិប Real Madrid បានកោះប្រជុំក្រុមប្រឹក្សាភិបាលបន្ទាន់មួយ នៅចុងសប្តាហ៍នេះ ដើម្បីពិភាក្សាអំពីជម្រើសរបស់ក្លិបនាពេលអនាគត។
សេចក្តីថ្លែងការណ៍ក្លិបបានបញ្ជាក់ថា ដោយមើលឃើញពីភាពធ្ងន់ធ្ងរនៃការចោទប្រកាន់ធ្វើឡើងដោយការិយាល័យព្រះរាជអាជ្ញាប្រឆាំងនឹងក្លិប FC Barcelona ចំពោះការសង្ស័យដែលមានមូលដ្ឋានលើអំពើពុករលួយ និងទំនាក់ទំនងរបស់ពួកគេជាមួយអតីតអនុប្រធានគណៈកម្មាធិការបច្ចេកទេសអាជ្ញាកណ្តាល លោក Jose Maria Enriquez Negreira ដូច្នេះប្រធានក្លិប លោក Florentino Perez បានកោះប្រជុំជាបន្ទាន់ទៅកាន់ក្រុមប្រឹក្សាភិបាល ដើម្បីសម្រេចចិត្តលើសកម្មភាពដែល Real Madrid យល់ឃើញថា សមរម្យទាក់ទងនឹងការចោទប្រកាន់នេះ៕
ចែករំលែកព័តមាននេះ