រឿងធំ! Barca ប្រឈមកាត់ចេញពី La Liga ក្រោយរកឃើញសូកប៉ាន់អតីតអនុប្រធានអាជ្ញាកណ្តាល
អេស្ប៉ាញ ៖ កាលពីថ្ងៃទី១៥ ខែកុម្ភៈ កន្លងទៅ រឿងដ៏ភ្ញាក់ផ្អើលមួយ បានផ្ទុះឡើង នៅប្រទេសអេស្ប៉ា
អេស្ប៉ាញ ៖ កាលពីថ្ងៃទី១៥ ខែកុម្ភៈ កន្លងទៅ រឿងដ៏ភ្ញាក់ផ្អើលមួយ បានផ្ទុះឡើង នៅប្រទេសអេស្ប៉ា
អេស្ប៉ាញ ៖ កាលពីថ្ងៃទី១៥ ខែកុម្ភៈ កន្លងទៅ រឿងដ៏ភ្ញាក់ផ្អើលមួយ បានផ្ទុះឡើង នៅប្រទេសអេស្ប៉ាញ បន្ទាប់ពីក្លិប FC Barcelona អាចប្រឈមមុខនឹងការដាក់ទណ្ឌកម្មយ៉ាងធ្ងន់ធ្ងរ ដូចជាត្រូវកាត់ពិន្ទុ ឬកាត់ចេញពីក្របខណ្ឌលីគកំពូលអេស្ប៉ាញ La Liga ជាដើម ក្រោយក្លិបរហស្សនាម «អ្នកមានបុណ្យ» មួយនេះ ត្រូវបានចោទប្រកាន់ថា បានសូកប៉ាន់អតីតអនុប្រធានគណៈកម្មាធិការបច្ចេក ទេសអាជ្ញាកណ្តាល លោក Jose Maria Enriquez Negreira ជាមួយទឹកប្រាក់ ១.៤លានអឺរ៉ូ ស្មើនឹង ១.៥លានដុល្លារអាមេរិក អំឡុងពេលការគ្រប់គ្រងរបស់លោក Josep Bartomeu អតីតប្រធានក្លិបយក្សអេស្ប៉ាញមួយនេះ។
លោក Negreira បានកាន់តួនាទីរបស់គាត់ នៅសហព័ន្ធបាល់ទាត់អេស្ប៉ាញពីឆ្នាំ ១៩៩៤ ដល់ឆ្នាំ ២០១៨ ហើយចាប់ពីឆ្នាំ ២០១៦ ដល់ឆ្នាំ ២០១៨ ការិយាល័យព្រះរាជអាជ្ញាទីក្រុងបាសេឡូណា បានចោទប្រកាន់ថា ក្លិប Barcelona បានបង់ប្រាក់ចំនួន ១.៤លានអឺរ៉ូ ទៅឱ្យក្រុមហ៊ុនរបស់លោក Negreira ដែលមានឈ្មោះថា DASNIL 95 ។
អំឡុងពេលផ្តល់សក្ខីកម្ម ចំពោះមុខការិយាល័យព្រះរាជអាជ្ញា លោក Negreira និងកូនប្រុសគាត់ បានបដិសេធថា Barcelona មិនបានទទួលការអនុគ្រោះណាមួយ តាមការសម្រេចរបស់អាជ្ញាកណ្តាលនោះទេ។ ពួកគេបានអះអាងថា ប្រាក់ត្រូវបានបង់ដោយសារការងារប្រឹក្សា ដែលលោក Negreira អនុវត្តអំពីរបៀបដែលកីឡាករគួរមានអាកប្បកិរិយាចំពោះអាជ្ញាកណ្តាល ហើយគាត់ក៏បានផ្តល់ការណែនាំអ្វីដែលពួកគេអាចធ្វើ ឬមិនអាចធ្វើលើមន្ត្រីណាម្នាក់ ដែលកំពុងកាត់សេចក្តីក្នុងការប្រកួតជាក់លាក់មួយ។
ទោះបីជាយ៉ាងណាក៏ដោយ មកទល់ពេលនេះ លោក Negreira ត្រូវបានរាយការណ៍ថា គ្មានឯកសារណាមួយបង្ហាញថា គាត់បានផ្តល់សេវាកម្មទាំងនេះ សម្រាប់ក្លិប FC Barcelona នោះទេ។
ពាក់ព័ន្ធជុំវិញការចោទប្រកាន់នេះ ក្លិប Barcelona បានប្រតិកម្មយ៉ាងខ្លាំង តាមរយៈសេចក្តីថ្លែងការណ៍មួយ ដោយអះអាងថា ខ្លួនពិតជាបានជួលសេវាកម្មរបស់អ្នកប្រឹក្សាបច្ចេកទេសខាងក្រៅមែន ប៉ុន្តែបានបដិសេធរាល់កំហុសឆ្គង និងការចោទប្រកាន់ទាំងអស់ ស្របពេលដែលព័ត៌មាននេះ បានផ្ទុះឡើង នៅពេលដែលក្រុម Barcelona កំពុងកាន់កាប់កំពូលតារាង La Liga រដូវកាលនេះ ដោយដាច់ ៨ពិន្ទុពីក្រុមគូប្រជែង Real Madrid ដែលឈរនៅចំណាត់ថ្នាក់លេខ២។
ករណីរបស់ក្លិប Barcelona គឺស្រដៀងគ្នា ទៅនឹងក្លិបមេឃខៀវ Manchester City ដែលកំពុងប្រឈមមុខ ដែលនឹងត្រូវកាត់ពិន្ទុ ឬកាត់ចេញពីក្របខណ្ឌ English Premier League បន្ទាប់ពីរងការចោទប្រកាន់ពីលីគកំពូលអង់គ្លេសមួយនេះ កាលពីពេលថ្មីៗនេះ ថា បំពានច្បាប់ហិរញ្ញវត្ថុរបស់ខ្លួនជាង ១០០លើក ក្នុងរយៈពេលច្រើនឆ្នាំកន្លងមកនេះ។ ដោយពួកគេខកខានមិនបានផ្តល់ព័ត៌មានលំអិតផ្នែកហិរញ្ញវត្ថុត្រឹមត្រូវស្របតាមច្បាប់របស់ Premier League ចាប់ពីរដូវកាល ២០០៩-១០ ដល់ ២០១៧-១៨៕ (ដកស្រង់ចេញពី Forbes និង The Athletic)
ចែករំលែកព័តមាននេះ