ពិធីបើកការប្រកួតកីឡា សិស្សបឋមសិក្សា ជ្រើសរើសជើងឯកថា្នក់ខេត្ត ប្រចាំឆ្នាំ២០២៥-២០២៦
- តាកែវ
ខេត្តតាកែវ ៖ នៅថ្ងៃសៅរ៍ ទី២១ ខែមីនា ឆ្នាំ២០២៦នេះ ពិធីបើកការប្រកួតកីឡា សិស្សបឋមសិក្សា ជ្រើសរើសជើងឯកថា្នក់ខេត្ត ប្រចាំឆ្នាំសិក្សា…
ខេត្តតាកែវ ៖ នៅថ្ងៃសៅរ៍ ទី២១ ខែមីនា ឆ្នាំ២០២៦នេះ ពិធីបើកការប្រកួតកីឡា សិស្សបឋមសិក្សា ជ្រើសរើសជើងឯកថា្នក់ខេត្ត ប្រចាំឆ្នាំសិក្សា ២០២៥-២០២៦ ដែលបានរៀបចំដោយ មន្ទីរអប់រំ យុវជន និងកីឡាខេត្តតាកែវ ស្ថិតក្រោមអធិបតីភាព លោក ម៉ឹង វុធី អភិបាលរង នៃគណៈអភិបាលខេត្តតាកែវ ដោយមានការចូលរួមពីលោកឡោ វិរិទ្ធ ប្រធានមន្ទីរអប់រំយុវជននិងកីឡាខេត្ត ព្រមទាំងមន្ទីរជុំវិញខេត្តសិស្សានុសិស្សនឹងប្រជាពលរដ្ឋមកមើលយ៉ាងច្រើនកុះករ។
លោក ឡាយ សែម ប្រធានការិយាល័យអប់រំកាយ និងកីឡា នៃមន្ទីរអប់រំយុវជន និងកីឡាខេត្តតាកែវ បានឱ្យដឹងថា ការប្រកួតកីឡា សិស្សបឋមសិក្សា ជ្រើសរើសជើងឯកថា្នក់ខេត្ត ប្រចាំឆ្នាំសិក្សា ២០២៥-២០២៦ មានរយៈពេល ៣ថ្ងៃ ចាប់ពីថ្ងៃទី ២១ ដល់់ថ្ងៃទី ២៣ ខែមីនា ឆ្នាំ២០២៦ មាន ០៥ប្រភេទកីឡា មកពីក្រុង០១ ស្រុក០៩ (បាល់ទាត់, បាល់ទះ បាល់បោះ, ប៉េតង់-ប៊ូល និងអត្តពលកម្ម) សរុបកីឡាករ កីឡាការិនីមានចំនួនសរុប៖ ៩៣០នាក់ ស្រី៤៤៨ នាក់ ប្រតិភូ គ្រូបង្វឹកសរុប៖ ៨៩នាក់ ស្រី ៤នាក់ ។
សរុបក្រុមកីឡាតាមប្រភេទនីមួយៗមានដូចខាងក្រោម៖ បាល់ទាត់កុមារាមាន ៖ ០៩ក្រុម, បាល់ទាត់កុមារីមាន៖ ០៩ក្រុម, បាល់ទះកុមារាមាន៖ ១០ក្រុម, បាល់ទះកុមារីមាន៖ ០៩ក្រុម, បាល់បោះកុមារាមាន៖ ០៨ក្រុម, បាល់បោះកុមារីមាន ០៨ក្រុម,អត្តពលកម្មកុមារាមាន៖ ៣៦ក្រុម, អត្តពលកម្ម កុមារីមាន៖ ៣៦ក្រុម, ប៉េតង់ប៊ូលកុមារាមាន៖ ២៥ក្រុម និងប៉េតង់ប៊ូលកុមារីមាន៖ ២៦ក្រុម ។
លោកម៉ឹង វុធី អភិបាលរងខេត្តតាកែវបានផ្តាំផ្ញើដល់ក្មួយៗដែលជាកីឡាករ កីឡាការីនីត្រូវធ្វើការប្រកួតដោយស្វិតស្វាញដោយភាពសាមគ្គីភាពជាមួយគ្នាព្រោះកីឡាមកនូវសុខភាព ។ លោកអភិបាលរងខេត្តបានបញ្ជាក់ថាសូមក្មួយៗខិតខំប្រកួតដើម្បីដណ្តើមពានរង្វន់ប្រចាំឆ្នាំអោយបានជោកជ័យសម្រាប់ក្រុមនិមួយៗហើយការប្រកួតគឺត្រូវយោកយល់នឹងទៅតាមវិន័យរបស់ ខណៈកម្មាធិការរៀបចំការប្រកួតឲ្យបានត្រឹមត្រូវ ៕
ចែករំលែកព័តមាននេះ