រញ្ជួយដីនៅតួកគី និងស៊ីរី ចំនួនអ្នកស្លា.ប់ឡើងដល់លើស៣៥.៣០០នាក់
ប្រទេសតួកគី-ស៊ីរី ៖ តុល្យការនៃការរញ្ជួយដីដ៏ខ្លាំងកម្លាំង៧,៨រីស្ទ័រ នៅតួកគីនិងស៊ីរីមកដល់ថ្ងៃទី១៤
ប្រទេសតួកគី-ស៊ីរី ៖ តុល្យការនៃការរញ្ជួយដីដ៏ខ្លាំងកម្លាំង៧,៨រីស្ទ័រ នៅតួកគីនិងស៊ីរីមកដល់ថ្ងៃទី១៤កុម្ភៈ ចំនួនជនរងគ្រោះបន្តកើនខ្ពស់ ដោយបើគិតត្រឹមយប់ថ្ងៃទី១៣ កុម្ភៈ ចំនួនអ្នកស្លា.ប់ឡើងដល់លើសពី៣៥.៣០០នាក់ក្នុងប្រទេសទាំង២។ នៅតួកគីចំនួនអ្នកស្លា.ប់កើនដល់៣១.៦៤៣នាក់និងនៅស៊ីរីអ្នកស្លា.ប់មាន៣.៦៨៨នាក់។ គួររំលឹកថា រញ្ជួយដីខ្លាំងនៅតួកគី និងស៊ីរី ចំនួនអ្នកស្លា.ប់ឡើងដល់លើស៣៣.០០០នាក់
តាមរបាយការណ៍មួយរបស់សមា គមTURKONFED ចេញផ្សាយកាលពីថ្ងៃ ទី១៣កុម្ភៈ ដោយបណ្ដាសារព័ត៌មានតួកគីថា មនុស្សដល់ទៅ៧២.៦៦៣នាក់អាចបាត់បង់ជីវិត ហើយ១៩៣.៣៩៩នាក់អាចរងរបួស។ ចំណែកការខូចខាតខាងសេដ្ឋកិច្ចដោយការរញ្ជួយដីនោះ អាចមានដល់ទៅ៨៤,១ពាន់លានដុល្លារ។
ពួកអ្នកជួយសង្គ្រោះច្រើនសិបពាន់នាក់កំពុងបន្តកាយរុករកក្រោមគំនរបាក់បែក ក្នុងធាតុអាកាសដ៏ត្រជាក់។ លើសពីនេះទៀតចំនួនមនុស្សរងការប៉ះពាល់មានច្រើនលាននាក់ ដែលបាត់បង់ទីជម្រកនិងកំពុងជួបប្រទះភាពអត់ឃ្លាន ។ អ.ស.ប បានព្រមានថាមនុស្សយ៉ាងតិច៨៧០.០០០នាក់ ត្រូវការអាហារក្ដៅៗនៅតួកគីនិងស៊ីរី រួចមនុស្សដល់ទៅ៥,៣លាននាក់ បច្ចុប្បន្នកំពុងគ្មានជម្រកគ្រាន់តែនៅស៊ីរី។ អង្គការសុខភាពពិភពលោកWHO លើកឡើងកាលពីថ្ងៃទី១១ កុម្ភៈថា មនុស្សជិត២៦លាននាក់ រងការប៉ះពាល់ដោយការរញ្ជួយដីនេះ។
ទោះបីជា៧៥ម៉ោងក្រោយការរញ្ជួយដីនេះតែក៏នៅមានរឿងនឹកស្មានមិនដល់ ដែលមានមនុស្សអាយុថ្លែកាយរកឃើញនៅរស់។ កាលពីយប់ថ្ងៃទី១២មកទី១៣កុម្ភៈមនុស្ស៧នាក់កាយរកឃើញនៅរស់ពីក្រោមគំនរបាក់បែកនៅប្រទេសតួកគី។ ក្នុងចំណោមអ្នកទាំងនេះមានកុមារម្នាក់អាយុ៣ឆ្នាំ នារីម្នាក់៦០ឆ្នាំនិងនារីម្នាក់ទៀតអាយុ៤០ឆ្នាំ។ ចំណែកកូនង៉ែតអាយុ២១ថ្ងៃម្នាក់ត្រូវបានកាយរកឃើញនៅរស់កាលពីថៃ្ងទី១១កុម្ភៈនៅស៊ីរី ក្រោយ៦ថ្ងៃជាប់នៅក្រោមគំនរបាក់បែកនៃអគារមួយ៕
ចែករំលែកព័តមាននេះ