រញ្ជួយដីខ្លាំងនៅតួកគី និងស៊ីរី ចំនួនអ្នកស្លា.ប់ឡើងដល់លើស៣៣.០០០នាក់
ប្រទេសតួកគី-ស៊ីរី ៖ តុល្យការនៃការរញ្ជួយដីកម្លាំង៧,៨រីស្ទ័រ នៅតួកគីនិងស៊ីរីកាលពីថ្ងៃទី៦កុម្ភៈនៅ
ប្រទេសតួកគី-ស៊ីរី ៖ តុល្យការនៃការរញ្ជួយដីកម្លាំង៧,៨រីស្ទ័រ នៅតួកគីនិងស៊ីរីកាលពីថ្ងៃទី៦កុម្ភៈនៅតែបណ្ដោះអាសន្ននៅឡើយ។ តាមតុល្យការគិតដល់ថ្ងៃទី១៣កុម្ភៈវេលាម៉ោង៣រសៀលម៉ោងនៅកម្ពុជា ចំនួនអ្នកស្លា.ប់ឡើងដល់លើសពី៣៣.០០០នាក់ក្នុងប្រទេសទាំង២នោះ។ យោងតាមអ.ស.បថាតួលេខអ្នកស្លា.ប់អាចមានលើសនេះដល់ទ្វេដង។
តាមតួលេខផ្លូវការថា ការរញ្ជួយដីនេះ បណ្ដាលឲ្យមនុស្សស្លា.ប់ឡើងដល់់២៩.៦០៥នាក់នៅភាគខាងត្បូងតូកគី។ នេះជាការប្រកាសរបស់អង្គការគ្រប់គ្រងគ្រោះមហន្តរាយតួកគី។ ចំណែកនៅស៊ីរីវិញតាមអាជ្ញាធរថា ការរញ្ចួយដីនោះបណ្ដាលឲ្យមនុស្សស្លា.ប់ឡើងដល់៣៥៧៤នាក់។
ក្បួនរថយន្តកាំមីញ៉ុងថ្មីដឹកជំនួយសង្គ្រោះ អ.ស.ប មកជួយជនរងគ្រោះដោយការរញ្ជួយដី បានមកដល់ស៊ីរី កាលពីថ្ងៃទី១២កុម្ភៈមកពីតួកគី។ តាមអ្នកទទួលខុសត្រូវម្នាក់នៃក្រសួងដឹកជញ្ចូនស៊ីរីថា យន្តហោះ៦២គ្រឿងដឹកជំនួយ សង្គ្រោះរហូតមកទល់ពេលនេះបានមកចុះនៅស៊ីរី ហើយយន្តហោះដទៃៗទៀតដែលដឹកជំនួយដែរ នឹងមកដល់នាបណ្ដាម៉ោងឬថ្ងៃខាងមុខ ពិសេសមកពីអារ៉ាប៊ីសាអូឌីត។
មនុស្សជិត៣២.០០០នាក់បានប្រមូល សម្រាប់ប្រតិបត្តិការរុករកនិងសង្គ្រោះនៅតួកគី។ អ្នកជួយសង្គ្រោះជាង៨០០០នាក់ទៀតមកពីបរទេស៕
ចែករំលែកព័តមាននេះ