ចំនួនអ្នកស្លា.ប់កើនដល់លើស២១.០០០នាក់ ក្នុងគ្រោះរញ្ជួយដីខ្លាំងនៅតួកគី និងស៊ីរី
ប្រទេសតួកគី-ស៊ីរី ៖ តុល្យការនៃគ្រោះរញ្ជួយដីដ៏ខ្លាំងកាលពីថ្ងៃទី៦ កុម្ភៈ នៅតួកគីនិងស៊ីរី មកដល់ថ្ងៃ
ប្រទេសតួកគី-ស៊ីរី ៖ តុល្យការនៃគ្រោះរញ្ជួយដីដ៏ខ្លាំងកាលពីថ្ងៃទី៦ កុម្ភៈ នៅតួកគីនិងស៊ីរី មកដល់ថ្ងៃ១០កុម្ភៈចំនួនអ្នកស្លាប់គិតត្រឹមម៉ោង៣រសៀលម៉ោងនៅកម្ពុជា កើនដល់លើសពី២១.០០០នាក់។ អាមេរិកប្រកាសពីការផ្ដល់ជំនួយ៨៥លានដុល្លារ សម្រាប់ជួយប្រទេសទាំង២នោះ។ គួររំលឹកថា រញ្ជួយដីខ្លាំងនៅតួកគីនិងស៊ីរី ចំនួនអ្នកស្លា.ប់ឡើងដល់លើស១៦.០០០នាក់ហើយ
មកដល់ពេលនេះក្ដីសង្ឃឹមរុករកឃើញ អ្នកនៅរស់រានមានជីវិតកាន់តែថយចុះ ជិត ១០០ម៉ោងក្រោយការរញ្ជួយដីនោះ។ ប៉ុន្តែរឿងអស្ចារ្យមួយកើតមានដោយក្មេងស្រីជំទង់ម្នាក់អាយុ១៤ឆ្នាំ ត្រូវបានកាយយកចេញនៅរស់រានមានជីវិត ក្រោយជាប់ក្រោមគំនរបាក់បែកអស់ពេល១០០ម៉ោង។ តាមតុល្យការផ្លូវការថា ការរញ្ជួយដីកម្លាំង៧,៨រីស្ទ័រនោះ គួបជាមួយការរញ្ជួយ បន្ទាប់បន្សំដល់១០០លើកទៀត ក្នុងនោះមានការរញ្ជួយមួយដល់ជាង៧រីស្ទ័រ ចំនួនអ្នកស្លា.ប់នៅតួកគីឡើងដល់១៧.៦៧៤នាក់និងនៅស៊ីរីដល់៣.៣៧៧នាក់។
ជំនួយសង្គ្រោះបន្ទាន់អន្តរជាតិចាប់ផ្ដើមមកដល់ជាបន្តបន្ទាប់ ហើយប្រទេសជាច្រើនបានបញ្ជូនក្រុមអ្នកជួយសង្គ្រោះមកដល់។ ធនាគារពិភពលោកប្រកាសកាលពីថ្ងៃទី៩កុម្ភៈ ពីការផ្ដល់ជំនួយក្នុងទំហំទឹកប្រាក់១,៧៨ពាន់លានដុល្លារ ចំណែកសហរដ្ឋអាមេរិកគូសបញ្ជាក់ថា ខ្លួននឹងផ្ដល់ជំនួយ៨៥លានដុល្លារសម្រាប់ជួយតួកគីនិងស៊ីរី៕
ចែករំលែកព័តមាននេះ