ចំនួនអ្នកស្លា.ប់កើនដល់លើស៨ពាន់នាក់ហើយ ក្រោយគ្រោះរញ្ជួយដីខ្លាំងនៅតួកគីនិងស៊ីរី
ប្រទេសតួកគី-ស៊ីរី ៖ ក្រោមធាតុអាកាសដ៏ត្រជាក់ខ្លាំង ពួកអ្នកជួយសង្គ្រោះបន្តកាយរុករកនាយប់ថ្ងៃ
ប្រទេសតួកគី-ស៊ីរី ៖ ក្រោមធាតុអាកាសដ៏ត្រជាក់ខ្លាំង ពួកអ្នកជួយសង្គ្រោះបន្តកាយរុករកនាយប់ថ្ងៃទី៧ កុម្ភៈ ដើម្បីតាមរកអ្នកនៅរស់រានមានជីវិត និងសាកស.ពអ្នកស្លា.ប់ ក្រោយការរញ្ជួយដីដ៏ខ្លាំង កាលពីព្រឹកព្រលឹមថ្ងៃទី៦ កុម្ភៈ នៅប្រទេសតួកគីនិងស៊ីរី ។ គួររំលឹកថា ចំនួនអ្នកស្លា.ប់កើនដល់ជាង៣.៦០០នាក់ ក្នុងគ្រោះរញ្ជួយដីដ៏ខ្លាំងនៅតួកគី និងស៊ីរី
តុល្យការជនរងគ្រោះកើនឡើងច្រើនមិនឈប់ ដែលមកទល់ពេលនះម៉ោង២រសៀលម៉ោងនៅកម្ពុជាចំនួនអ្នកស្លាប់ឡើងដល់លើស៨០០០នាក់ ហើយក្នុងប្រទេសទាំង២ ។
អង្គការសុខភាពពិភពលោក WHO ប៉ាន់ប្រមាណថា មនុស្សដល់ទៅ២៣លាននាក់រងការ
ប៉ះពាល់ដោយការរញ្ជួយដីកម្លាំងដល់៧,៨រីស្ទ័រនោះ ។ មុននេះ WHO និយាយថា ចំនួនជនរង
គ្រោះអាចមានខ្ពស់ជាងតួលេខដំបូងៗដល់៨ដង ។
ជំនួយមនុស្សធម៌អន្តរជាតិចាប់ផ្ដើមមកដល់តួកគី ដែលនៅទីនោះមានការកាន់ទុក្ខជាតិ៧ថ្ងៃ ។
សម្រាប់ពេលនេះចំនួនអ្នកស្លា.ប់នៅតួកគីឡើងដល់៥៨៩៤នាក់ ។ នៅស៊ីរីសម្រាប់ពេលនេះរាប់
ឃើញអ្នកស្លា.ប់ជាង២៤០០នាក់ ។ សរុបចំនួនអ្នកស្លា.ប់ក្នុងប្រទេសទាំង២ កើនដល់លើស៨០០០
នាក់ហើយ ។ មនុស្សច្រើនរយនាក់នៅជាប់ក្រោមគំនរបាក់បែកនៅឡើយ ។ ធាតុអាកាសអាក្រក់
ធ្លាក់ភ្លៀងនិងធ្លាក់ព្រិលត្រជាក់ខ្លាំងនាំឲ្យមានការលំបាកថែមក្នុងការជួយសង្ក្រោះ ។ វាសនារបស់បណ្ដាអ្នកនៅរួចរស់រានមានជីវិតក៏យ៉ាប់យ៉ឺនខ្លាំង ដោយរស់ក្រោមដំបូលតង់ក្បែរគំនរបាក់បែក ។
នៅស៊ីរី តុល្យការនឹងមានការកើនខ្ពស់ខ្លាំង ព្រោះមនុស្សច្រើនរយនាក់កំពុងជាប់ក្រោមគំនរ
បាក់បែក ។ នេះបើតាមពួកភ្នាក់ងារការពារស៊ីវិលជាអ្នកស្ម័គ្រចិត្តនៅក្នុងតំបន់ពួកឧទ្ទាមកាន់កាប់។
ក្នុងតំបន់ស្ថិតក្រោមការកាន់កាប់របស់រដ្ឋាភិបាល ខេត្តអាឡែបតំណាងឲ្យជាង១ភាគ៤នៃចំនួនអ្នកស្លាប់ ។ នេះបើតាមបណ្ដាសារព័ត៌មានស៊ីរី ។ ទីក្រុងនោះដែលរងការបំផ្លាញខ្លាំងរួចហើយដោយសង្គ្រាមនោះ ពេលនេះរងការប៉ះពាល់ខ្លាំងបំផុតដោយការរញ្ចួយដីនោះ ជាមួយអគារជាង៥០ត្រូវបាក់ហើយបណ្ដាទីតាំងប្រវតិ្តសាស្ត្រក៏រងការការខូចខាតដែរ ៕
ចែករំលែកព័តមាននេះ