ចំនួនអ្នកស្លា.ប់កើនដល់ជាង៣.៦០០នាក់ ក្នុងគ្រោះរញ្ជួយដីដ៏ខ្លាំងនៅតួកគី និងស៊ីរី
ប្រទេសតួកគី-ស៊ីរី ៖ តាមអង្គការសាធារណៈគ្រប់គ្រងគ្រោះមហន្តរាយតួកគីថា នៅតួកគីចំនួន
ប្រទេសតួកគី-ស៊ីរី ៖ តាមអង្គការសាធារណៈគ្រប់គ្រងគ្រោះមហន្តរាយតួកគីថា នៅតួកគីចំនួនបណ្ដោះអាសន្ននៃអ្នកស្លា.ប់ ដោយសារការរញ្ជួយដីកម្លាំងដល់៧,៨រីស្ទ័រកាលពីព្រឹកថ្ងៃទី៦កុម្ភៈ មកដល់យប់ថ្ងៃទី៦កុម្ភៈនោះ បានកើនដល់២៣១៦នាក់។ ចំណែកនៅស៊ីរីក្រសួងសុខាភិបាល និងក្រុមអ្នកជួយសង្គ្រោះលើកឡើងពីចំនួនអ្នកស្លា.ប់ឡើងដល់ជិត១៣០០នាក់។ គួររំលឹកថា រញ្ជួយដីដ៏ខ្លាំង៧,៨រីស្ទ័រ វា.យប្រហារតួកគីក្បែរស៊ីរី
ពួកអ្នកជួយសង្គ្រោះខិតខំកាយគំនរបាក់បែកនៃអគារច្រើនពាន់ ដែលបាក់ក្រោយការរញ្ជួយដីនោះ។ អ្នកស្លា.ប់និងអ្នករបួសដ៏ច្រើនកំពុងជាប់ក្រោមគំនរបាក់បែក។ នៅតួកគីកាលពីយប់ថ្ងៃទី៦កុម្ភៈរាយការណ៍ពីមនុស្ស ៧៣៧០នាក់ទាញយកចេញពីគំនរបាក់បែក ហើយនៅរស់រានមានជីវិត។ ភ្លៀងនិងព្រិលបានធ្លាក់ច្រើនតាមតំបន់មួយចំនួន ហើយពេលរាត្រីកាលមកដល់ បណ្ដាលឲ្យសីតុណ្ហភាពធ្លាក់កាន់តែត្រជាក់នាំឲ្យមានការលំបាកថែមទៀតក្នុងការជួយសង្គ្រោះ។
នៅស៊ីរីតាមកន្លែងនានាដូចជានៅក្រុងអាឡែប ការស្លា.ប់ និងការបំផ្លាញដោយការរញ្ជួយដីនោះ មានលក្ខណៈដូចច្រើនឆ្នាំនៃសង្គ្រាម។ នៅមហាសន្និបាត អ.ស.ប ក្រុងញូវយ៉ក គេបានធ្វើពិធីស្មឹងស្មាធិ៍១នាទី គោរពដល់វិញ្ញាណក្ខ័ន្ឌជនរងគ្រោះ។ អគ្កលេខាធិការអ.ស.បអំពាវនាវឲ្យមានសាមគ្គីភាពអន្តរជាតិក្នុងការជួយសង្គ្រោះ។ ចាប់ពីអ៊ីស្រាអែលដល់បណ្ដាប្រទេសក្នុងតំបន់ឈួងសមុទ្រពែរ្ស៍ មានទាំងអ៊ីរ៉ង់ កាណាដាឬរុស្ស៊ី ប្រទេសជាច្រើនលើពិភពលោកសន្យាផ្ដល់ជំនួយដល់ជនរងគ្រោះ។ ប្រធានាធិបតីអាមេរិកលោកចូបៃដិន សន្យាជាពិសេសផ្ដល់រាល់ជំនួយចាំបាច់។ សហភាពអឹរ៉ុបក៏បញ្ចូនបណ្ដាក្រុមអ្នកជួយសង្គ្រោះទៅជួយដែរ។
ក្រោយពីតុល្យការជនរងគ្រោះកើនកាន់តែខ្ពស់នៅតួកគីនិងស៊ីរី បន្ទាប់ពីការរញ្ជួយដី៧,៨រីស្ទ័រ មានការញ័ររញ្ជួយដីខ្លាំងថ្មីមួយទៀត ត្រង់កន្លែងមួយចម្ងាយ៤គីឡូម៉ែត្រពីទីក្រុងEKINOZUតួកគី ដែលមានកម្លាំងដល់៧,៥រីស្ទ័រ បណ្ដាលឲ្យមានការញ័ររង្គើរខ្លាំងបង្កភាពចលាចលថ្មីទៀត។ ប្រធានាធិបតីតួកគីលោករីស៊ីបតៃយីបអ័រដូហ្គាន បានប្រកាសពីការកាន់មរណទុក្ខជាតិរយៈពេល៧ថ្ងៃ៕
ចែករំលែកព័តមាននេះ