រញ្ជួយដីដ៏ខ្លាំង៧,៨រីស្ទ័រ វា.យប្រហារតួកគីក្បែរស៊ីរី
ប្រទេសតួកគី ៖ តាមAFPថា ប្រទេសតួកគីជួបប្រទះនាព្រឹកព្រលឹមថ្ងៃទី៦កុម្ភៈ នូវការរញ្ជួយដីដ៏ខ្លាំង
ប្រទេសតួកគី ៖ តាមAFPថា ប្រទេសតួកគីជួបប្រទះនាព្រឹកព្រលឹមថ្ងៃទី៦កុម្ភៈ នូវការរញ្ជួយដីដ៏ខ្លាំង
ប្រទេសតួកគី ៖ តាមAFPថា ប្រទេសតួកគីជួបប្រទះនាព្រឹកព្រលឹមថ្ងៃទី៦កុម្ភៈ នូវការរញ្ជួយដីដ៏ខ្លាំងមួយ កម្លាំងដល់៧,៨រីស្ទ័រ បណ្ដាលឲ្យបាក់អគារជាច្រើនក្នុងទីក្រុងនានារហូតដល់ស៊ីរី។
តាមវិទ្យាស្ថានភូគុម្ភសាស្ត្រអាមេរិក USGS ថា ការរញ្ជួយដី៧,៨រីស្ទ័រនោះកើតមាននៅជិតទីក្រុងGAZIANTEP នាវេលាម៉ោង៤និង១៧នាទីព្រឹកម៉ោងក្នុងស្រុក និងក្នុងជម្រៅប្រមាណជា១៧,៩គីឡូម៉ែត្រ។ តុល្យការដំបូងរៀបរាប់ពីមនុស្សសា្ល.ប់៥៣នាក់នៅតួកគីនិងយ៉ាងតិច៥០នាក់នៅស៊ីរី។ តែបើតាមទំហំនៃការបំផ្លាញដោយការរញ្ជួយដីនោះ ចំនួនជនរងគ្រោះពិតជាមានច្រើនបំផុត។
ការរញ្ជួយដីនោះញ័ររង្គើរដល់ប្រទេសស៊ីរីលីបង់និងស៊ីប។ អាជ្ញាធរតួកគីទើបលើកពីតុល្យការបណ្ដោះអាសន្នពីចំនួនអ្នកស្លា.ប់និងរបួស។ អភិបាលខេត្តរាយការណ៍ថា មនុស្សយ៉ាងតិច៥នាក់ស្លា.ប់នៅខេត្តតួកគីOSMANIYE ។ អភិបាលខេត្តSANLIURFA រៀបរាប់ពីមនុស្សស្លា.ប់១០នាក់ ក្នុងខេត្តរបស់លោក។ ចំណែកមនុស្សយ៉ាងតិច២៣នាក់ស្លា.ប់ និងជាង៤២០នាក់រងរបួស ក្នុងខេត្តMALATYA។
អ្នកទទួលខុសត្រូវម្នាក់នៃក្រសួងសុខាភិបាលស៊ីរី រាយការណ៍ពីមនុស្សស្លា.ប់យ៉ាងតិច៤២នាក់និងរបួសជាង២០០នាក់ នៅទីក្រុងអាឡែបជាទីក្រុងធំទី២នៅភាគខាងជើងស៊ីរី នៅក្រុងហាម៉ាភាគកណ្ដាលប្រទេសនិងនៅក្រុងឡាតតាគីយេជាប់ឆ្នេរសមុទ្រមីឌីទែរ៉ាណេ។ តុល្យការជនរងគ្រោះនៅស៊ីរីអាចមានខ្ពស់ជាងនេះទៀត។ ក្នុងបណ្ដាតំបន់ស៊ីរីត្រួតត្រាដោយពួកឧទ្ទាមជិតព្រំដែនជាមួយតួកគី រាយការណ៍ពីមនុស្សស្លា.ប់យ៉ាងតិច៨នាក់ ដោយសារការបាក់អគារជាច្រើន។
តាមបណ្ដាញសង្គមវីដេអូនានាដែលចេញផ្សាយបង្ហាញពីបណ្ដាអាគារ រងការបំផ្លាញនៅក្នុងទីក្រុងជាច្រើន នាភាគអាគ្នេយ៍ប្រទេសតួកគី។ ទូរទស្សន៍NTVតួកគីផ្សាយបណ្ដារូបភាពនៃអគាររងការបំផ្លាញនៅក្រុងADIYAMAN ក្រុងDIYARBAKIRនិងក្រុង MALATYA ។ ចំណែកទូរទស្សន៍រដ្ឋស៊ីរីរាយការណ៍ពីអាគារបាក់នៅជិតក្រុងឡាតតាក់គីយេជាប់ឆ្នេរសមុទ្រខាងលិចស៊ីរី ចំណែកអគារនានារងការបាក់មួយផ្នែកនៅក្រុងហាម៉ាភាគកណ្ដាលស៊ីរី ៕
ចែករំលែកព័តមាននេះ