IOC បង្ហាញអារម្មណ៍រន្ធ.ត់ ចំពោះការបាត់បង់អត្តពលិកក្នុងគ្រោះរញ្ជួយដីនៅតួកគី និងស៊ីរី
ស្វីស ៖ លោក Thomas Bach ប្រធានគណៈកម្មាធិការអូឡាំពិកអន្តរជាតិ (IOC) បានបង្ហាញអារម្មណ៍
ស្វីស ៖ លោក Thomas Bach ប្រធានគណៈកម្មាធិការអូឡាំពិកអន្តរជាតិ (IOC) បានបង្ហាញអារម្មណ៍
ស្វីស ៖ លោក Thomas Bach ប្រធានគណៈកម្មាធិការអូឡាំពិកអន្តរជាតិ (IOC) បានបង្ហាញអារម្មណ៍រន្ធ.ត់ និងសម្តែងការចូលរួមរំលែកទុក្ខ ចំពោះអ្នកបាត់បង់ជីវិត នៅក្នុងគ្រោះរញ្ជួយដីក្នុងប្រទេសតួកគី និងស៊ីរី ដែលនៅជិតខាងគ្នា ដោយនិយាយថា ចលនាអូឡាំពិកនឹងគាំទ្រសហគមន៍ដែលរងផលប៉ះពាល់។ នេះបើយោងតាមប្រភពពីគេហទំព័រ Inside The Games ចេញផ្សាយនៅថ្ងៃទី០៦ ខែកុម្ភៈ កន្លងទៅ ។
លោក Bach បានកត់សម្គាល់ថា ស្ថានភាពនេះ គឺជាសោកនាដកម្ម ដោយសារជនរងគ្រោះមួយចំនួន ជាអត្តពលិកវ័យក្មេង។ លោកលើកឡើងក្នុងសេចក្តីថ្លែងការណ៍មួយថា «វាគឺជាការសោកស្តាយយ៉ាងខ្លាំង ដែល IOC បានដឹងពីការបាត់បង់ជីវិត និងការបំផ្លិចបំផ្លាញ ដែលបណ្តាលមកពីការរញ្ជួយដី ដែលវា.យប្រហារតំបន់ភាគអាគ្នេយ៍នៃប្រទេសតួកគី និងស៊ីរី។ អារម្មណ៍យើង មានចំពោះគ្រប់ក្រុមគ្រួសាររបស់អត្តពលិក ដែលបានស្លា.ប់ ឬអ្នកទទួលផលប៉ះពាល់ទាំងអស់ ខណៈពួកគេកំពុងចូលរួមក្នុងការប្រកួតកីឡា នៅតំបន់ដែលរងផលប៉ះពាល់»។
បុរសជនជាតិអាល្លឺម៉ង់វ័យ៦៩ឆ្នាំរូបនេះ បានបន្តថា «ស្ថានការណ៍នៃគ្រោះធម្មជាតិនេះ កាន់តែសោកនាដកម្មជាងនេះទៅទៀត ព្រោះមានអត្តពលិកវ័យក្មេងមួយចំនួនក្នុងចំណោមជនរងគ្រោះ។ ចលនាអូឡាំពិកបានត្រៀមខ្លួនជាស្រេច ដើម្បីជួយក្នុងគ្រប់មធ្យោបាយដែលយើងអាចធ្វើបាន ដោយសារកីឡាអាចដើរតួនាទីយ៉ាងសំខាន់ក្នុងការកសាងសហគមន៍ឡើងវិញ និងជួយប្រជាជនធ្វើឱ្យជីវិតពួកគេមានលក្ខណៈល្អជាធម្មតាវិញ»។
លោក Mehmet Kasapoğlu រដ្ឋមន្ត្រីក្រសួងយុវជន និងកីឡារបស់តួកគី បានផ្អាកសកម្មភាពកីឡាទាំងអស់នៅក្នុងប្រទេស រហូតដល់មានការជូនដំណឹងបន្ថែមទៀត បន្ទាប់ពីការរញ្ជួយដីបានវា.យប្រហារខេត្ត Kahramanmaras ភាគខាងត្បូង កាលពីព្រឹកព្រលឹមថ្ងៃទី០៦ កុម្ភៈ កន្លងទៅ។ ទិន្នន័យចុងក្រោយរបស់សារព័ត៌មាន BBC នៅរសៀលថ្ងៃទី០៧ កុម្ភៈ (កាលបរិច្ឆេទនៅកម្ពុជា) បានបង្ហាញថា អ្នកស្លា.ប់កើនឡើងច្រើនជាង ៤,៨០០នាក់ និងរាប់ពាន់នាក់ផ្សេងទៀត កំពុងជាប់ក្នុងគំនរបាក់បែក និងរងរបួសនៅក្នុងប្រទេសតួកគី និងស៊ីរី ដែលនៅជិតខាងគ្នា ដោយសារការរញ្ជួយដីកម្រិត ៧.៨រ៉ិចទ័រ។
ប្រភពពីគេហទំព័រ Inside The Games បានរាយការណ៍ត្រួសៗ អំពីអត្តពលិកដែលរងគ្រោះមានដូចជា អតីតខ្សែប្រយុទ្ធឆ្នើម ក្រុមជម្រើសជាតិស៊ីរី លោក Nader Joukhadar ត្រូវបានរាយការណ៍ថា ស្លា.ប់ជាមួយនឹងកូនប្រុសរបស់គាត់។ ចំណែកអ្នកចាំទីជនជាតិតួកគី Ahmet Eyüp Türkaslan ដែលលេងឱ្យក្លិប Yeni Malatyaspor ស្ថិតក្រោមគំនរបាក់បែក។
ខ្សែបម្រើស្លាបជម្រើសជាតិហ្គាណា Christian Atsu ដែលធ្លាប់ប្រកបអាជីពនៅ English Premier League បច្ចុប្បន្នកំពុងប្រកបអាជីពជាមួយក្លិប Hatayspor នៅលីគកំពូលតួកគី បានជាប់នៅក្រោមគំនរបាក់បែក ប៉ុន្តែនៅមានជីវីត និងត្រូវបញ្ជូនទៅមន្ទីរពេទ្យ ទោះបីស្ថានភាពរបស់គាត់មិនទាន់ដឹងច្បាស់យ៉ាងណាក៏ដោយ។ កីឡាកររូបនេះ បានជាប់ជាមួយលោក Taner Savut នាយកផ្នែកកីឡាក្លិប Hatayspor ដែលស្ថានភាព នៅមិនទាន់ដឹងដូចគ្នា។
កីឡាករជនពិការអ៊ីរ៉ង់៣នាក់ និងកាមេរូនមួយរូប ដែលកំពុងលេងក្នុងប្រទេសតួកគី ក៏ត្រូវបានរាយការណ៍ថា ស្លា.ប់ផងដែរ។ គេជឿថា នៅមានអត្តពលិកជាច្រើនអ្នកផ្សេង ជាពិសេសអត្តពលិកវ័យក្មេង ដែលរងគ្រោះក្នុងសោកនាដកម្មដ៏រន្ធ.ត់នេះ។
សោកនាដកម្មដ៏រន្ធ.ត់ខាងលើនេះ អត្តពលិក និងបុគ្គលល្បីល្បាញ រួមទាំងស្ថាប័នអន្តរជាតិជាច្រើន នៅទូទាំងពិភពលោក បានបង្ហោះសារចូលរួមរំលែកទុក្ខចំពោះការបាត់បង់ដ៏រន្ធ.ត់មួយនេះ ហើយអ្នកខ្លះក្នុងចំណោមពួកគេ ថែមទាំងបានស្នើសុំជំនួយ សម្រាប់ជនរងគ្រោះទាំងអស់ផងដែរ៕
សូមរំលឹកឡើងវិញថា ៖
រញ្ជួយដីដ៏ខ្លាំង៧,៨រីស្ទ័រ វា.យប្រហារតួកគីក្បែរស៊ីរី
ចំនួនអ្នកស្លា.ប់កើនដល់ជាង៣.៦០០នាក់ ក្នុងគ្រោះរញ្ជួយដីដ៏ខ្លាំងនៅតួកគី និងស៊ីរី
ចែករំលែកព័តមាននេះ