កីឡាករប្រដាល់កម្ពុជាកាត់អ៊ូសបេគីស្ថាន១រូប បានមេដាយប្រាក់ពីការប្រកួតប្រចាំទ្វីប
ទីក្រុងបាងកក ៖ កីឡាករប្រដាល់សកលកម្ពុជាកាត់អ៊ូសបេគីស្ថាន Abdulla Rajapov ទទួលបានត្រឹម
ទីក្រុងបាងកក ៖ កីឡាករប្រដាល់សកលកម្ពុជាកាត់អ៊ូសបេគីស្ថាន Abdulla Rajapov ទទួលបានត្រឹម
ទីក្រុងបាងកក ៖ កីឡាករប្រដាល់សកលកម្ពុជាកាត់អ៊ូសបេគីស្ថាន Abdulla Rajapov ទទួលបានត្រឹមមេដាយប្រាក់ប៉ុណ្ណោះ ពីការប្រកួតប្រដាល់ជើងឯកទ្វីបអាស៊ី ASBC Asian U22 Boxing Championships 2023 បន្ទាប់ពីនាំទង់ជាតិកម្ពុជាឡើងទៅកាន់វគ្គផ្ដាច់ព្រ័ត្រជើងឯកយុវជនប្រចាំទ្វីនេះលើកដំបូង។ គួររំលឹកថា អ្នកប្រដាល់១រូប សាងប្រវត្តិសាស្ត្រជូនកម្ពុជា ដោយបានឡើងទៅវគ្គផ្ដាច់ព្រ័ត្រប្រចាំទ្វីប
ក្នុងប្រកួតវគ្គផ្ដាច់ព្រ័ត្ររបស់កីឡាករកម្ពុជា Abdulla Rajapov បានបរាជ័យលទ្ធផល ៥ទឹកទល់នឹងសូន្យ ជាមួយកីឡាករអន្តរជាតិអ៊ូសបេគីស្ថាន Tokhirov Nusratbek ក្នុងវគ្គដណ្ដើមមេដាយមាស លើប្រភេទទម្ងន់ ៩២គីឡូក្រាម ប្រដាល់សាកលជើងឯកអាស៊ីយុវជនអាយុក្រោម២២ឆ្នាំ ASBC Asian U22 Boxing Championships 2023 កាលពីយប់ថ្ងៃទី២៦ ខែមករា ឆ្នាំ២០២៣ នៃទីក្រុងបាំងកក។
គួរបញ្ជាក់ផងដែរថាមុនមកដល់វគ្គផ្ដាច់ព្រ័ត្រឈ្នះមេដាយប្រាក់នេះ កីឡាករកម្ពុជាកាត់អ៊ូសបេគីស្ថាន Abdulla Rajapov បានឈ្នះកីឡាករកៀហ្ស៊ីស៊ីស្ថាន Toktuson Uulu Bakyt ក្នុងវគ្គពាក់កណ្តាលផ្តាច់ព្រ័ត្រ ដោយលទ្ធផលឈ្នះពិន្ទុ ៣ទឹកទល់នឹងមួយទឹកផងដែរ។
បើយោងតាមការចុះផ្សាយរបស់ទំព័រ CAMSOC នេះជាលើកទី២ ហើយសម្រាប់កីឡាករ Abdulla Rajapov ប្រកួតតំណាងឲ្យកម្ពុជាក្នុងព្រឹត្តិការណ៍ធំៗ ខណៈលើកទី១ កាលពីឆ្នាំ២០២០ កីឡាកររូបនេះក៏បានចូលរួមប្រកួតជើងឯកអាស៊ីដូចគ្នាដែរ នៅប្រទេស ហ្ស៊កដានី ដោយកាលនោះបានធ្លាក់ត្រឹមវគ្គ១/៤ បន្ទាប់ពីឈ្នះជុំដំបូងលើកីឡាករកូរ៉េខាងត្បូង៕ (ដោយ៖ ភឿង ភារៈ)
ចែករំលែកព័តមាននេះ