អ្នកប្រដាល់១រូប សាងប្រវត្តិសាស្ត្រជូនកម្ពុជា ដោយបានឡើងទៅវគ្គផ្ដាច់ព្រ័ត្រប្រចាំទ្វីប
- ភ្នំពេញ
ទីក្រុងបាងកក ៖ កីឡាករប្រដាល់សកលកម្ពុជាកាត់អ៊ូសបេគីស្ថាន Abdulla Rajapov បាននាំ
ទីក្រុងបាងកក ៖ កីឡាករប្រដាល់សកលកម្ពុជាកាត់អ៊ូសបេគីស្ថាន Abdulla Rajapov បាននាំ
ទីក្រុងបាងកក ៖ កីឡាករប្រដាល់សកលកម្ពុជាកាត់អ៊ូសបេគីស្ថាន Abdulla Rajapov បាននាំទង់ជាតិកម្ពុជាឡើងទៅកាន់វគ្គផ្ដាច់ព្រ័ត្រ ការប្រកួតប្រដាល់ជើងឯកទ្វីបអាស៊ី ASBC Asian U22 Boxing Championships 2023 ដែលធ្វើឡើងនៅទីក្រុងបាងកក។
ការនាំកំណត់ត្រាថ្មីនេះជូនកម្ពុជា បានកើតឡើងក្រោយ Rajapov ឈ្នះកីឡាករកៀហ្ស៊ីស៊ីស្ថាន Toktuson Uulu Bakyt ក្នុងវគ្គពាក់កណ្តាលផ្តាច់ព្រ័ត្រ ដោយលទ្ធផលឈ្នះពិន្ទុ ៣ទឹកទល់នឹងមួយទឹក លើប្រភេទទម្ងន់ ៩២គីឡូក្រាម កាលពីយប់ថ្ងៃចន្ទ ទី២៣ ខែមករា ឆ្នាំ២០២៣ នៅទីក្រុងបាងកក ប្រទេសថៃ។
គូរប្រកួតវគ្គផ្ដាច់ព្រ័ត្ររបស់កីឡាករកម្ពុជា Abdulla Rajapov គឺកីឡាករអន្តរជាតិអ៊ូសបេគីស្ថាន Tokhirov Nusratbek បន្ទាប់ពីកីឡាកររូបនេះបានយកឈ្នះកីឡាករកៀហ្ស៊ីស៊ីស្ថានដូចគ្នា Bekzat Yerkhat លទ្ធផល ៥ទឹកទល់នឹងសូន្យ នៅវគ្គពាក់កណ្ដាលផ្ដាច់ព្រ័ត្រជើងឯកប្រដាល់សាកលជើងឯកអាស៊ីយុវជនអាយុក្រោម២២ឆ្នាំ ASBC Asian U22 Boxing Championships 2023។ វគ្គផ្ដាច់ព្រ័ត្ររបស់កីឡាករកម្ពុជា Abdulla Rajapov ជាមួយកីឡាករអ៊ូសបេគីស្ថាន Tokhirov Nusratbek នឹងធ្វើឡើងនៅថ្ងៃទី២៦ខែមករា ឆ្នាំ២០២៣ ចាប់ពីម៉ោង២រសៀលតទៅ ដើម្បីដណ្ដើមមេដាយមាស។
នេះជាលើកទី២ ហើយសម្រាប់កីឡាករ Abdulla Rajapov ប្រកួតតំណាងឲ្យកម្ពុជាក្នុងព្រឹត្តិការណ៍ធំៗ ខណៈលើកទី១ កាលពីឆ្នាំ២០២០ កីឡាកររូបនេះក៏បានចូលរួមប្រកួតជើងឯកអាស៊ីដូចគ្នាដែរ នៅប្រទេស ហ្ស៊កដានី ដោយកាលនោះបានធ្លាក់ត្រឹមវគ្គ១/៤ បន្ទាប់ពីឈ្នះជុំដំបូងលើកីឡាករកូរ៉េខាងត្បូង៕ (ដោយ៖ ភឿង ភារៈ)
ចែករំលែកព័តមាននេះ